Fiza Ali Ne Viral Dr Nabiha Ali Khan Controversy Par Wazahat Di
TV host Fiza Ali ne Dr Nabiha Ali Khan controversy par apni wazahat di. Unka kehna hai ke log unke Ramzan show par apne masail share karte hain aur unhein family ki tarah samajhte hain. Fiza Ali ne Dr Nabiha ka difa karte hue kaha ke couples ko ghar mein friendly aur relaxed rehne ka haq hai.
Javeria Saud Tanqeed Ke Bawajood Bizarre Calls Ka Silsila Jari Rakhe Hue Hain
Host Javeria Saud ko Ramzan transmission mein bizarre phone calls ki wajah se social media par criticism ka samna hai. Show mein Maulana Azad Jamil ke saath ajeeb calls discuss kiye ja rahe hain jo viral ho rahe hain. Internet users ka kehna hai ke yeh scripted calls hain aur sirf TRP aur ratings ke liye staged kiye ja rahe hain.
Eman Ki Dost Ne Rajab Butt Se Divorce Par Sab Se Dua Ki Appeal Kardi
Rajab Butt aur unki wife Eman Fatima ke darmiyan divorce ka mamla samne aa gaya hai. Rajab Butt ne Eman ko divorce notice bhej diya jis par woh shock ho gayin. Eman ki dost Musna Shabbir ne kaha ke Allama Asif Raza Alvi sulah karwane ki koshish kar rahe hain aur is rishtay ke liye logon se dua ki darkhwast ki hai.
Actress Zubab Rana Jald Dulhan Banengi, Shadi Ki Timeline Bata Di
Pakistani actress Zubab Rana ne apni shadi ke plans reveal kar diye. Ramzan transmission mein baat karte hue unhon ne bataya ke woh jald shadi karne wali hain. Unka kehna tha ke shadi Eid ke baad aik mahine mein ya phir 6 mahine ke andar ho sakti hai. Zubab ne dulhe ke baare mein koi detail share nahi ki.
Allama Asif Raza Alvi Rajab Butt Ki Shadi Bachane Ke Liye Maidan Mein Aa Gaye
Rajab Butt aur Eman ki shadi ko bachane ke liye Allama Asif Raza Alvi maidan mein aa gaye. Khabar hai ke Allama sahab ne dono ke darmiyan sula karwane ki koshish shuru kar di hai aur divorce ka process rukwa diya hai. Umeed hai ke ye jora jald dobara aik ho jayega
Ahsan Afzal Khan Ne Bataya Ke Unke Waalid Unki Inspiration Kyun Hain
Ahsan Afzal Khan ne bataya ke unke waalid Rambo unki sabse bari inspiration kyun hain. Unhon ne kaha ke unke waalid ne zero se shuruat ki aur apni mehnat se star bane. Ahsan ke mutabiq, wo apne waalid ki mehnat ka muqabla nahi kar sakte kyunke Rambo ne boht mushkil se naam banaya.
Ali Abbas Ne Bataya Ke Waseem Abbas Ne Unki Acting Mein Madad Kyun Nahi Ki
Ali Abbas ne bataya ke unke waalid unke acting mein aane ke khilaaf thay aur chahte thay ke wo CSS karein. Waalid ne saaf keh diya tha ke wo sifarish ke liye kisi ko phone nahi karenge. Ali ne bataya ke unhon ne har mushkil ka samna khud kiya aur wo apni mehnat se hasil kiye gaye muqam par boht khush hain.
Muamma Fans Ke Liye Buri Khabar: Drama Ab Hafte Mein Sirf Aik Din On-Air Hoga
Muamma drame ke fans ke liye bari khabar! Ab ye drama hafte mein do din ke bajaye sirf har Budh (Wednesday) raat 8 baje par aya karega. Isi wajah se is hafte ka episode nahi dekhaya gaya, jis par fans kafi gussa hain. Jiji (Saba Qamar) ki kahani ab naye mor par hai aur agla episode jald nashar hoga.
Popular Pakistani Drama “Tere Bin” Ka Finale Aik Bada Milestone Cross Kar Gaya YouTube Par 100 Million Views Se Bhi Zyada Ho Gaye!
Wahaj Ali aur Yumna Zaidi ke blockbuster drama ‘Tere Bin’ ne aik aur bara record tod diya. Is drame ke aakhri episode ne YouTube par 100 million views mukammal kar liye. Ye Pakistan ka pehla drama hai jis ke sirf aik episode ne itne sare views hasil kiye hai. Fans ab besabri se is ke sequel, ‘Tere Bin 2’ ka intezar kar rahe hain.
Javeria Saud Ka Apne Show Ke Khilaaf Hone Wale Propaganda Par Rad-E-Amal
Javeria ne apne Ramzan show par hone wali tanqeed ka jawab de diya. Unhon ne kaha ke log ise mehez ratings ka drama samajhte hain, lekin asal mein unki team zarooratmand logon ki madad karti hai. Javeria ke mutabiq, “propaganda” karne wale unki mehnat nahi dekhte. Unhon ne mazeed kaha ke Allah ki madad se wo mustahiq logon tak pohanch rahe hain.