“Jhol” Singer Annural Khalid Shadi Ke Bhandhan Mein Bandh Gayi
“Jhol” fame singer Annural Khalid ne Islamabad mein Moeez ke sath nikah kar liya hai. Nimra Khokhar ke khoobsurat gold-pink joray mein apni shadi ki pehli tasaveer social media par share ki hain. Coke Studio se shohrat panay wali gulukaara ko fans ki janib se naye safar ke liye bohat mubarakbaad di ja rahi hain.
“5 Mahine Relationship, Phir Hamesha Ke Liya La-Taluki” Ali Raza Ka Shohrat Ke Baad Mahnoor Mirza Se Kinara
Ali-Raza par influencer Mahnoor Mirza ne “ghosting” ka ilzaam lagaya. Mahnoor ka dawa hai ke wo 5 mahine tak Ali ke sath relationship mein thin, lekin star bante hi unhon ne rabta khatam kar diya. Mahnoor ne mazeed kaha ke Ali Raza ab apni co-star Kinza Hashmi ko date kar rahe hain. Is inkishaaf ne social media par naya toofan khara kar diya.
Saba Faisal Ki Family Wedding Mein Rounaqein, Magar Pehli Bahu Neha Faisal Phir Gayab; Social Media Par Sawalon Ki Bochhaar
Saba Faisal ne apni family wedding ki tasaveer share ki, lekin unki pehli bahu Neha Faisal ki ghair-mojoodgi ne naya sawal khara kardiya. Fans ne mehndi ki taqreeb mein puri family ko dance aur halla gulla karte dekha magar Neha ko nazar na ane par sakht tanqeed ki. Log pooch rahe hain ke kya khandan mein abhi bhi sab theek nahi?
Karachi Mein Barish Dusri Shadi Jaisi Hai, Soch Kar Maza To Bohat Ata Hai, Lekin Jab Asal Mein Ho Jaye To Lag Pata Jata Hai: Nabeel Zafar
Nabeel Zafar ne Karachi ki barish ka mawazna “dusri shadi” se kar diya. Nabeel ka kehna hai ke Karachi mein barish ki khwahish bilkul dusri shadi jesi hai, soch kar maza to bohat ata hai, lekin jab asal mein ho jaye to “lag pata jata hai.” Unka ye dilchasp bayan logon ko khoob pasand aya.
Mawra Hocane Aur Khushhal Khan Ka Naya Drama “Winter Love”: Teaser Ne Social Media Par Dhoom Macha Di
Mawra Hocane aur Khushhal Khan ke naye romantic comedy drama “Winter Love” ka teaser jari hogaya hai. Danish Nawaz ki direction mein ye drama shoot hua. Fans is nayi jori ko screen par dekhne ke liye bohat excited hain, jabke Ali Zafar ki awaz mein drame ka OST bhi tawajjo ka markaz bana hua hai.
Ken Doll Ka Dil Bhar Aaya: Maa Ki Mehnat Yaad Karke Interview Mein Ro Pare
Ken Doll apni walida ki takleef yaad karke interview mein ro paray. Unhon ne bataya ke unki walda ne unhen “single mother” bohat mushkilat se pala aur salon mein 15 ghante kaam kiya. Adnan ne bataya ke wo aaj bhi apni maa ki mehnat aur unke sujay hue paon dekh kar tarap uthte hain. Unhon ne apni kamyabi apni walda ke naam kardi.
Sajal Aly Ka Naya Drama ‘Zanjeerain’ Ka Dhamakedar Poster Jari
“Zanjeerain” ka pehla official poster jari kar diya hai. Is drame mein Sajal Aly, Danyal Zafar, aur Hamza Sohail samait kayi baray sitare aik sath nazar aayenge. Fans is nayi jori aur kahani ka bay sabri se intezar kar rahe hain. Drame ka pehla teaser 6 April ko H*m TV par release kiya jaye ga.
Kya Ramsha Khan Aur Khushhal Khan Secretly Married Hain?
Mashhoor jori Ramsha Khan aur Khushhal Khan ki seceretly shadi ki khabrein social media par viral ho rahi hain. ‘Duniyapur’ aur ‘Biryani’ ki kamyabi ke baad fans inhen haqeeqi zindagi mein bhi sath dekhna chahte thay. Haal hi mein aik nikah ki report samne aayi hai, jis par dono sitaron ne abhi tak koi tasdeeq ya tardeed nahi ki.
Ali Zafar Ke Sasur Ka Meesha Shafi Case Par Bara Bayan: “Is Jeet Ne Ali Ki Khoi Hui Izzat Bahal Kar Di”
Ali Zafar ke sasur Jo unke wakeel bhi tha, Ne Meesha Shafi ke khilaaf defamation case mein jeet par khamoshi tor di. Unhon ne bataya ke unhon ne barson tak ye larai lari aur court mein tamam saboot pesh kiye. Unka kehna tha ke is faislay se Ali Zafar ki khoi hui izzat wapis mil gayi hai.
Petrol Ki Qeematon Mein Tareekhi Izafay Par Pakistani Celebrities Phat Paray: “Ab Gaari Full Karwana Khawab Ban Gaya”
Pakistan mein petrol aur diesel ki qeematon ne awam ke hosh ura diye hain. Petrol 458 aur diesel 570 rupey tak pohanch gaya hai, jis par Omair Rana, Mishi Khan aur Khaled Anam samait kayi baray sitaron ne gham-o-gussay ka izhaar kiya hai. Celebrities ka kehna hai ke is “mehangai ke bomb” ne ghareeb aur middle class tabqay ki kamar tor di hai.