Case Number 9: Ye Drama Sirf Ek Case Nahi Balke…
Shahzeb Khanzada ne drama “Case Number 9” likha jo sirf ek kahani nahi balke ek mission hai. Drama rape aur auraton ke haqooq par roshni dalta hai, police, media aur society ka kirdar dikhata hai. Drama mein Saba Qamar, Faisal Qureshi aur Amna Sheikh ne zabardast acting ki. Shahzeb ka maksad hai ke logon ko aware kiya jaye aur insaf ko samjha jaye.
Mahima Chaudhry Ka Career Aur Zindagi Badal Dene Wala Lamha
Mahima Chaudhry ne apne career ke mushkil daur par baat karte hue bataya ke film Dil Kya Kare ke set par ek hadsa hua jismein unke chehre mein 67 sheeshay ke tukray ghus gaye thay. Unhon ne yeh bhi kaha ke Pardes ke baad ghalat contractual misconception ki wajah se unhein kai films se nikaal diya gaya.
Sonakshi Sinha Ka Online Hate Par Sakht Radd-e-Amal, Cyber Laws Ko Aur Mazboot Karne Ka Mutalba
Sonakshi Sinha ne actors aur film critics par honay walay online attacks par sakht concern zahir kiya hai. Mumbai mein recent outing ke doran unhon ne kaha ke online hate bohot barh chuka hai. Unka kehna hai ke koi bhi kahin se kuch bhi bol deta hai, is liye isko control karne ke liye strict cyber laws bohot zaroori hain.
Shah Rukh Khan Ki Kolkata Mein Legendary Footballer Lionel Messi Se Mulaqaat
Bollywood superstar Shah Rukh Khan ne Kolkata mein legendary footballer Lionel Messi se mulaqaat ki. Messi, jo Argentina ke captain hain aur Inter Miami ke star player hain, Bharat ke tour par hain aur kai shahron ke football fans se mil rahe hain. Mulaqaat ke doran SRK ke beta Abram bhi saath the aur Messi ke saath tasveeren banayin.
Kya Bollywood Ke Villains Naye Heroes Ban Gaye Hain?
2025 mein Bollywood ka trend badalta nazar aa raha hai jahan villains audience ki nazron mein heroes ban gaye hain. Riteish Deshmukh, Bobby Deol, Jaideep Ahlawat aur Akshaye Khanna jaise actors ne apni strong antagonist performances se films aur series mein spotlight le li. Layered characters aur zyada screen time ne villains ko kahani ka central hissa bana diya.
Taylor Swift Ne Apni Team Ko 197 Million Dollar Ka Bonus De Diya
Mashhoor American singer Taylor Swift ne apni team ko 197 million dollars ka bonus de diya. Reports ke mutabiq 36 saala singer ne 21 mumalik mein 149 concerts kiye aur ticket sales se 2 billion dollars kamaye. Bonus ka elan hotay hi team ke afraad jazbati ho gaye, jab ke Taylor Swift ne shukriya ka khat bhi diya.
Dananeer Mobeen Ka Honay Wala Mangetar Kaun Hai?
“Pawri Girl” se mashhoor actress Dananeer Mobeen ne apni mangni ki afwahon par reaction de diya. Social media par un ka naam Ahad Raza Mir ke saath jora ja raha tha, jis par actress ne Instagram story ke zariye sawal utha kar afwahon ko mustarad kar diya. Post ke baad users ne mukhtalif reactions diye.
Screen Ke Peechay Salman Khan Ki Zindagi Kaisi Hai? Actor Ne Khud Hi Bata Diya
Bollywood superstar Salman Khan ne Red Sea Film Festival Jeddah mein apni zindagi ke bare mein hairan kun inkeshaf kiya. Unhon ne bataya ke pichlay 25 saalon se kisi restaurant ya dinner outing par nahi gaye. Salman ka kehna tha ke un ki zindagi sirf shooting, ghar, airport aur hotel tak mehdood hai.
Mujhe Chain Kyun Nahi Parta Ek Hi Shakhs Tha Jahan Mein Kya, Jaun Elia Ka 94waan Yom-e-Pedaish Aaj Hai
Pakistan ke Mashhoor shayar aur philosopher Jaun Elia ka aaj 94waan yom e pedaish manaya ja raha hai. Munfarid soch our shayri ki wajah se woh aaj bhi har umar ke logon mein maqbool hain or behad pasand kiye jate hain. Jaun Elia 1931 mein paida hue aur 2002 mein Karachi mein inteqal kar gaye.
Main Jis Channel Ke Saath Kaam Karta Hoon Mera Un Se Jhagra Ho Jata Hai: Bilal Qureshi
Pakistani actor Bilal Qureshi ne kaha hai ke jis channel ke saath bhi kaam karta hoon, aakhir mein jhagra ho jata hai, kyun ke payments time par nahi hotin. Podcast mein unhon ne bataya ke imandari se kaam karne ke bawajood paise maangnay par channels rawayya badal lete hain.