Ek Bohat Mashhoor Actor Bhi Is Ka Shikar Tha, Ab Main Hoon: Govinda Ka Affair Rumours Par Reaction
Actor Govinda ne affair rumours par reaction dete hue kaha hai ke unke khilaaf ek bari conspiracy chal rahi hai. Unhon ne kaha ke shohrat aur paisa har kisi ko nahi bakhshta aur unki family bhi anjaan tor par is saazish ka shikar ho rahi hai. Govinda ne khuda se madad aur bachon ki khairiyat ki dua ki.
Rashmika Mandanna Ka Kehna Hai Sikandar Ki Script Beech Mein Badal Gayi: “Baad Mein Jo Hua Woh Bilkul Mukhtalif Tha”
Rashmika Mandanna ne khulasa kiya hai ke Salman Khan ki film Sikandar ki script shooting ke doran kaafi badal gayi thi. Unhon ne kaha ke jo kahani unhein sunayi gayi thi, final film us se bilkul mukhtalif nikli. Film box office par flop rahi aur lead pair ki chemistry par bhi sawalat uthe.
Dr. Nabiha Ali Khan Ne Aroosa Khan Ko Multiple Marriages Par Lecture Diya
Dr. Nabiha Ali Khan ne Aroosa Khan ke podcast mein mardon ki multiple marriages par wazeh aur sakht raye di. Unhon ne kaha ke agar unka shohar doosri shadi kare to woh khud alag ho jaengi. Unka kehna tha ke aksar mard doosri shadi mein pehli biwi ke sath insaaf nahi karte.
Tajiron Ka Hi Nahi Shehar Ka Bhi Nuqsaan Hai, Showbiz Industry Bhi Gham Mein
Karachi ke markazi shopping centre Gul Plaza mein lagne wali holnaak aag se shehar gehre gham mein doob gaya hai. Is haadsay mein ab tak 14 afraad ján bahaq ho chuke hain jab ke kai zakhmi aur laapata hain. Showbiz sitaron ne is sanhay ko shehar ka bara nuqsaan qarar diya hai.
Iman Mazari Aur Hadi Ali Ko Tahal Giraftar Nahi Kiya Jasaka
Islamabad ki District & Sessions Court ne controversial tweet case mein Iman Mazari aur Hadi Ali Chatha ko ab tak na giraftar kiye jaane par brhami ka izhar kiya. Aditional District & Sessions Judge Muhammad Afzal Mujwka ne order diya ke aaj 11 bajay tak dono ko giraftar kar ke court mein pesh kiya jaye, aur search warrant liya jaye.
Kya Mrunal Thakur Aur Dhanush 14 February Ko Shadi Karne Wale Hain?
Actress Mrunal Thakur aur Tamil star Dhanush ki 14 February 2026 ko shadi ki khabrein afwaah sabit ho gayi hain. Indian media ke mutabiq dono ke darmiyan dating chal rahi hai lekin shadi ki koi date final nahi hui. Qareebi zarae ka kehna hai ke February mein Mrunal ki films release ho rahi hain is liye shadi filhaal plan mein nahi.
Kangana Ranaut Kehti Hain 2016 Ne Uski Zindagi Living Hell Bana Di, Hrithik Roshan Ke Case Ka Zikar
Kangana Ranaut ne kaha ke 2016 uski zindagi ka sab se mushkil saal tha. Instagram par 2016 ki photos share karte hue ishara diya ke ek colleague ke legal notice ne uski life badal di. Media pressure, court cases aur industry divide ki wajah se success bhi living hell ban gaya aur usay gehra zehni sadma mila tha.
Akshay Kumar Ke Husn-e-Sulook Ne Fans Ke Dil Jeet Liye
Bollywood actor Akshay Kumar ne Mumbai ke municipal elections ke doran ek madad maangne wali ladki ke sath husn-e-sulook kar ke fans ke dil jeet liye. Vote daalne ke baad ladki ne apne waalid ke qarz ka zikar kiya, jis par Akshay ne apni team ko contact details lene ki hidayat di. Video social media par viral ho rahi hai.
Nimra Shahid Ke Shohar Kaun Hain Aur Unki Pehli Mulaqaat Kahan Hui?
Mashhoor actress Nimra Shahid ne bataya ke unke shohar ka naam Zakariya Khan hai aur unki pehli mulaqaat ek film ke set par hui. Nimra ne reveal kiya ke sirf 3 mahine mein Zakariya ne shadi ki offer di. Actress ne kaha ke woh settle hona chahti thin is liye shadi ka faisla kiya.
Drama Mein Atiqa Odho Ke Sath Romantic Manzar Ki Shooting Karwate Hue Bohat Mushkil Pesh Aai: Ayub Khoso
Ayub Khoso ne bataya ke unhein Atiqa Odho ke saath romantic scene ki shooting ke doran bohot mushkil hui. 1990s ke mashhoor drama Dast mein unka kehna tha ke unka aur Atiqa ka romance culture aur director ke poetic vision ki wajah se challenging tha. Ayub ne admit kiya ke wo director se aise scenes avoid karwane ki koshish karte the.