Shahood Alvi Ka Gharelu Khawateen Ke Hawale Se Tanzia Bayan: Social Media Par Shadeed Tanqeed
Maroof actor Shahood Alvi ne morning show Good Morning Pakistan me gharelu khawateen ke hawale se tanzia bayanat diye hain. Unka kehna tha ke mard ke ghar aane par khawateen se adrak lehsan ki boo aati hai. Shahood Alvi ke is bayan par social media par kafi tanqeed ki ja rahi hai.
Drama ‘Dar-e-Nijat’ Mein Dur-e-Fishan Saleem Par Accent Ki Tanqeed: Sanam Saeed Adakaara Ki Himaayat Mein Maidan Mein Aa Gayin
Maroof adakaara Sanam Saeed ne drama Dar-e-Nijat me Dur-e-Fishan Saleem ki acting aur accent par hone wali tanqeed ke khilaaf unki himayat ki hai. Sanam ne social media par kisi ki zaatiat aur bolnay ke tarike par tanqeed ko afsosnaak qaraar diya. Is par bhi fans ke mukhtalif rad-e-amal samne aaye hain.
Khaie’ Ka Sequel? Bilal Abbas Khan Aur Sajal Aly Drama Serial ‘Lahu’ Me Chauthi Baar AIk Sath On-Screen Nazar Aayenge
Pakistani actor Bilal Abbas Khan aur Sajal Aly naye drama serial Lahu me chauthi baar aik sath nazar aayenge. Yeh drama blockbuster Khaie ka sequel bataya ja raha hai, jis ki shooting Gilgit-Baltistan aur shimali ilaqon me hogi. Is mashhoor jori ko dobara dekhne ke liye fans bohot excited hain.
Atif Aslam Ki ‘Pakistan Idol’ Finale Mein Entry Ka Sabko Intezar: ‘Sooper Icon’ Ke Tor Par Live Performance Aur Judging Panel Ka Hissa Banenge
Maroof singer Atif Aslam Pakistan Idol ke grand finale me “Sooper Icon” ke tor par shamil honge. Wo finale me live performance dene ke sath Fawad Khan, Rahat Fateh Ali Khan, Bilal Maqsood aur Zeb Bangash ke sath judging panel ka hissa bhi banenge, jis se fans ka josh mazeed barh gaya hai.
Nimra Khan Ka Social Media Par Emotional Message: ‘Mujhe Nahi Pata Zindagi Me Kya Ho Raha Hai Lekin Allah Hamesha Mere Sath Hai’
Adakaara Nimra Khan ne social media par aik emotional message share karte hue Allah Ta’ala ka shukriya ada kiya hai. Unhon ne likha ke zindagi ke har ache aur buray waqt me Allah unke sath raha hai. Yeh message unki zindagi ke mushkil halat aur gehre iman ki akkasi karta hai.
Feminine Traits Ke Bawajood Walidain Ne Hamesha Support Kiya: Social Media Creator Sparrow Butt Ka Inkishaf
Social media creator Sparrow Butt ne bataya ke un ki zanana aadaat (feminine traits) ke bawajood un ke walidain bohot zyada supportive thay. Un ke waalid un ke doston par nazar rakhte thay taake koi unhe takleef na pohnchaye. Unhon ne bataya ke walidain ke intiqal ke baad ab wo akele zindagi guzar rahe hain.
Muneeb Butt Ka Apni Betiyon Ke Liye Pyar Bhara Message: ‘Meri Zindagi Ki Sab Se Bari Khushi Meri Betiyan Hain’
Maroof actor Muneeb Butt ne apni betiyon ke sath apne gehre talluq aur mohabbat ka izhar kiya hai. Unka kehna tha ke ghar wapsi par unki teeno betiyon ka pyar se istaqbaal karna unke liye duniya ki sab se bari khushi hai. Yeh lamha un ke nazdeek har ne’mat se barh kar hai.
‘Zero Size Aur Heroines Jaisa Dikhne Ke Shauq Mein Khawateen Apni Khubsurati Kho Deti Hain’: Javeria Saud Ka Izhar-e-Khayal
Maroof adakaara aur host Javeria Saud ne larkiyon me zero size hone aur Kareena, Katrina jaise dikhne ke shauq par tanqeed ki hai. Unhon ne kaha ke ziada dieting se khawateen apni khubsurati kho deti hain. Unhon ne yeh bhi bataya ke unke bachay unhe photos par filter istemal karne se rokte hain.
Actor Ali Raza Ke Waalid Ka Sudden Intiqal: Actor Ka Instagram Par Fans Se Maghfirat Ki Duaon Ka Mutalba
Maroof Pakistani actor Ali Raza ke waalid ka suddenly intiqal ho gaya hai. Noor Jahan aur Duniyapur jaise dramas se shohrat hasil karne wale actor ne Instagram par is dukh bhari khabar ko share karte hue apne fans se waalid ki maghfirat ke liye duaon ki darkhwast ki hai.
Junaid Akram Ka Wife Se Dispute Par Inkishaf: ‘Mujhe Mere 6 Saal Ke Betay Se Milne Nahi Diya Ja Raha’
Maroof YouTuber Junaid Akram (Ganjiswag) ne apni gharelu zindagi ke masail par khamoshi tod di hai. Unhon ne Instagram par bataya ke unki begham unhe unke 6 saal ke betay se milne nahi de rahi hain. Unka kehna tha ke wo social media par yeh mamla nahi lana chahte the, lekin betay se milne ke liye har rasta ikhtiyar karenge.