Karachi, Hyderabad Ke 193 Projects Dobara Shuru Honay Wale Hain
Federal hukoomat ne Karachi aur Hyderabad ke liye Rs20 billion ke 193 development projects dobara shuru karne ka faisla kiya hai. PIDCL ke mutabiq ab contracts bina commission, sifarish aur corruption ke diye jaenge. E-procurement aur independent monitoring ka nizam hoga. Projects time par complete honge. Shehrion ko jald behtari nazar aayegi.
West Indies Ne Last Ball Par Pakistan Se Match Jeet Liya
West Indies ne doosri T20 mein Pakistan ko last ball par 2 wickets se hara diya, series 1-1 se barabar. Jason Holder ne match-winning chokka maara. Pakistan ka 134 ka target defend nahi ho saka. Nawaz ne 3 wickets liye, Holder ne 4. Hassan Nawaz ne 40 runs banaye. Series ka faisla ab 4 August ko hoga.
Pakistan, Iran Ne Annual $8 billion Trade Target Set Kiya
Pakistan aur Iran ne annual $8 billion trade ka target set kiya. Commerce Ministers ne Joint Economic Commission ko fast-track karne aur B2B meetings shuru karne par ittefaq kiya. Iranian President Dr. Pezeshkian 2 din ke dora par Pakistan mein, top leadership se mulaqatain. Defence cooperation aur smuggling control par bhi ahem discussions hue.
Betay Foreigners Nahi, Pakistani Hain PTI Ka Dawa
PTI ne kaha Imran Khan ke betay Kasim aur Sulaiman ko hukoomat jan bujh kar foreigners keh rahi hai. Dono ke paas NICOP hai, visa apply kar chuke hain. Embassy se jawab nahi mil raha, jabke Ministry keh rahi hai unka visa se koi lena dena nahi. PTI ne visa tracking IDs bhi media ko de di hain
Pakistan Ka Smart Move, Trump Se Taluqat Behtar
Pakistan aur US ke taluqat Trump ke daur mein behtar ho gaye hain, jabke India se uske rishtey kharaab ho rahe hain. Modi ke kuch actions ne Trump ko naraaz kiya. Pakistan ne Trump ka ego samajh kar smart diplomacy dikhayi. Magar Pakistan China ka strategic partner hi rahega. India par ab dono taraf se pressure hai.
Ahsan Iqbal Aur China Ne CPEC Phase Two Discuss Kiya
Planning Minister Ahsan Iqbal ne Beijing mein Chinese Vice Foreign Minister Sun Weidong se mulaqaat ki. Dono ne CPEC Phase-II ke tahat industrial development aur business cooperation barhane par razamandi di. Ahsan Iqbal ne PM Shehbaz Shareef ka paigham diya aur URAAN initiative ko CPEC ke objectives ke mutabiq qarar diya jo reforms aur stability ka hissa hai.
Hukoomat Ne Foreign Passengers Ke Liye Alag Counters Banaye
Hukoomat ne tamam international airports par foreign passengers ke liye alag immigration counters banane ka faisla kiya hai. PM Shehbaz ke hukum par uthaye gaye is qadam ka maqsad tourism aur investment ko barhawa dena hai. Is se processing time kam hoga, safar asaan banega aur Pakistan ko eik welcoming aur competitive destination banaya jayega.
Advocate Shamsul Islam Ka Qatal, Imran Afridi Ka Iqraar
Central suspect Imran Afridi ne video statement mein qatal ka iqraar kar liya. Uske mutabiq, Khawaja Shamsul Islam ne uske walid, eik police constable, ko 35 lakh rupay ke maali maslay par qatal kiya. CCTV footage mein Afridi ko masjid ki seerhiyon sa goli chalate dekha gaya. Usne nizaam-e-insaaf se mayoos ho kar tanha badla liya.
Japan Ka Sabse Garam July, 1898 Se Ab Tak Ka Record Toot Gaya!
Japan mein Is dafa July nay garmi kay saray record toordiye. 30 July ko Hyogo mein 41°C tak garmi rahi. Barsaat bhi bohat kam hui. Mount Fuji ki barf der se aayi. Cherry blossom pe bhi garmi ka asar pad raha hai. August ka maheena bhi sakht garam hone wala hai.
Iran Ke Saddar Pezeshkian Do Din Ke Dora Par Pakistan Agaye
Iran ke President Masoud Pezeshkian 2 din ke dora par Pakistan aa gaye. Lahore mein Mazar-e-Iqbal par fateha padh kar CM Maryam Nawaz aur Nawaz Sharif se mile. Islamabad mein PM Shehbaz aur President Zardari se mulaqaat hogi. Maqsad, trade $10 billion tak barhana, CPEC mein shirkat, aur border security behtar banana hai.