Punjab Ke Railway Stations Par Free Wi-Fi Ka Elan
Hanif Abbasi ne Punjab ke 40 railway stations par free Wi-Fi ka elan kar diya! Punjab govt ne Rs 350 billion ka investment announce kiya hai taake 8 railway routes upgrade kiye ja sakein. ML-1 project priority par hai, jabke ML-2 planning phase mein hai. Railways ko modern aur international standards ke mutabiq banaya ja raha hai.
Spain Introduces Digital Nomad Visa for Pakistanis, Rs21,500 Only
Spain ne Pakistanis ke liye sirf Rs21,500 ka Digital Nomad Visa launch kar diya! Remote workers Spain mein 1 saal tak legally kaam aur rahaish rakh saktay hain, 5 saal tak extension possible. Apply karne ke liye €2,762 monthly income, 3 mah ke remote work ka tajurba, aur clean criminal record. Apply Pakistan se ya Spain mein tourist visa par bhi mumkin!
Bannu Hamla, Constable Shaheed, 3 Dehshat Gard Halak
Bannu ke Fateh Khel check post par 40-50 dehshat gard ka hamla hua jis ke natija mein constable Rooh Niaz shaheed, 3 police walay zakhmi, 3 dehshat gard halak. Heavy weapons ka istamaal, firing 1 ghanta jari rahi. Raste band kiye gaye, police ne jawabi action liya. Shaheed ka janaza ada, search operation abhi jari hai.
Tarnol Donkey Meat Scandal, Attock Farm Sealed Immediately
Tarnol donkey meat scandal ka link Attock ke Akhori farm se mil gaya! Raid mein gadhon ka khoon, haddiyan aur laashein baramad. Farm seal kar diya gaya. Yeh gosht Tarnol le ja kar hotels aur markets ko diya ja raha tha. Authorities ab export aur doosre shehron tak network ki tehqiqaat kar rahi hain. Inquiry jari hai.
FBR Ka Crackdown, 11 Hazar Taxpayers Ko Notices Bheje
FBR ne 11,000 companies aur afraad ko notice bhej kar kaha ke sales tax returns ki ghaltiyan dur karo, warna jurmane, account freeze aur business seal ho sakta hai. Advanced system se 2024 ke returns mein anomalies samne aayi. FBR ne kaha ke ye non-binding notices hain, magar agle step mein sakht action ho sakta hai.
PoR Expiry Ke Baad Afghan Refugees Ko Nikalna Ka Hukum
Hukumat ne PoR card rakhne wale Afghan refugees ko bhi ghair-qanooni qarar de kar deport karne ka faisla kar liya hai. 30 June ko cards expire ho gaye, aur ab police aur administration ko giraftari ka ikhtiyar mil gaya hai. 1 million se zyada Afghans panic mein hain. UNHCR ne bhi is faislay par gehri tashweesh ka izhar kiya hai.
Zalzala, 600 Saal Baad Volcano Phat Gaya
Russia ke Kuril Islands ke paas 7.0 magnitude ka zalzala aaya, jiske baad Kamchatka mein tsunami warning di gayi jo baad mein wapas le li gayi. Kuch ghanton baad Krasheninnikov Volcano 600 saal baad phat gaya. 6,000 meter tak raakh uth kar Pacific Ocean ki taraf phel gayi. Orange aviation alert jari. Koi abaadi raaste mein nahi. Dono waqiat linked ho sakte hain.
Monsoon Se 299 Halak, Mazeed Barishon Ki Paish Goi Jari
Monsoon barishon se mulk bhar mein halakatain 299 tak pohanch gayi hain, 715 log zakhmi hue. 1676 ghar tabah ho gaye, 428 livestock halak. NDMA ne 2,880 log rescue kiye aur 13,000 se zyada relief items distribute kiye hein ab tak. PMD ne 4–7 August tak aur barishon ki warning di hai, urban flooding ka khatra barqarar hai.
PTI Guerrilla Tehreek Shuru, Jalsa Ki Ijazat Rad
Islamabad ki intizamiya ne PTI ko 5 August ke jalse ki ijazat nahi di. Jawab mein PTI ne aaj se “siyasi guerrilla tehreek” ka elan kiya. Aamir Mughal ne kaha roads block hongi, paigham diya jayega, aur workers police ke aane se pehle wahan se nikal jaayenge. Tehreek mulk bhar mein phailayi jaayegi. Protest jail se lead hoga.
Trump Ka Oil Project Ka Elan, Investment Ke Chances
Trump ne Pakistan ke oil aur gas reserves mil kar develop karne ka elan kiya hai. ExxonMobil ki wapsi ka abhi faisla nahi hua. Pakistan ne offshore fields ke liye 30 September ko bidding ka plan banaya hai. US ne pehli baar Reko Diq aur $8 trillion ke mineral sector mein investment ka signal diya hai.