Shehar Ke Halat Dekhte Hue 29-30 August Tak Aam Tateel
Sialkot mein tez barish aur flood ki wajah se 29-30 August ko tamam schools aur colleges band rahenge. Sirf 48 ghanton mein 512 mm barish hui, jis se shehar aur aas paas ke ilaqa paani mein doob gaye. Deputy Commissioner Saba Asghar ke mutabiq urban areas ke nalay overflow kar rahe hain, aur flood affected logon ki madad jari hai.
Overseas Pakistani Ke Liye Nadra Ki Janib Se eik Ahem Khabar
NADRA ne overseas Pakistani ke liye bari khush khabri sunadi ab UK mein mobile registration service announce kar di hai jahan NICOP renew, gum shudah card recover ya cancel karwaya ja sakta hai. 30 August Saturday ko team Manchester (Blackburn) mein 10am se 4pm aur Bradford (Sheffield) mein 9am se 4pm tak available hogi.
Faislabad Mein Ghar Mein Ghus kar Buzurg Ki Gardan Kaat Di
Jaranwala, Faisalabad ke Chak 30 JB, Sandal Bar mein unidentified logon ne eik ghar mein ghus kar 80 saal ke Ibrahim ki gardan kaat di, jisse wo turant shaheed ho gaye, aur unka beta Tanveer bhi zakhmi ho gaya. Police ne body hospital shift kar di aur investigation shuru kar di. Attack ke do suspects abhi farar hain.
Boards 12th Class 2025 Ke Results Is Hafte Announce Honge
Khyber Pakhtunkhwa ke tamam boards jaise Peshawar, Abbottabad, Bannu, D.I. Khan aur Kohat is hafte 12th Class (Inter Part 2) 2025 ke results announce kar rahe hain. FA, FSc, I.Com aur ICS ke students ka intezaar khatam ho raha hai. Results 30 August ko release honge aur yeh unke future admissions aur universities ke liye bohot important hain.
Quetta Mein Polio Supervisor Hafiz Qadir Jan, Shaheed.
Quetta ke Killi Thekedar area mein polio campaign supervisor Hafiz Qadir Jan ko na maloom logon ne shoot kar ke shaheed kar diya. Wo parents ko upcoming vaccination drive ke baare mein aware kar rahe tha. Attack ke baad log aur police site par pohanche aur body Civil Hospital shift kar di. Police ne investigation shuru kar di.
FIA Officer Ko Women Ko Record Karne Par Suspend Kar Diya Gaya
Torkham border par FIA officer Ehtesham-ul-Haq ko suspend kar diya gaya jab social media par video viral hui jismein wo female travellers ko bina consent ke record karte nazar aaye. DG FIA ne immediate departmental inquiry order ki. Agency ne kaha ke authority misuse aur rules violation bardasht nahi kiya jayega aur staff ko professional aur courteous rehna zaroori hai.
Shah Salman Ne Organs Donate Karne Walon Ko Medal Diye
Saudi Arabia ke Khadim-e-Haramain Sharifain, Shah Salman bin Abdulaziz ne 200 citizens ko organs donate karne par third-class medal aur certificates dene ka elan kiya. Ye step humanitarian efforts aur organ donation culture ko promote karne ke liye hai. Shah Salman ko pehle bhi Prince Nayef Award for Arab Peace se nawaza ja chuka hai.
Gandum 5000 Rupay Man, Punjab Daryao Me Shadeed Flood
Saylaab se pehle gandum 3200 rupay man thi, ab 5000 rupay man tak barh sakti hai. Cotton 50% kam ho gayi, Bahawalnagar aur Chishtian sab se zyada nuqsan ka shikar. Punjab ke Ravi, Chenab aur Sutlej daryao me shadeed flood, pani gaon aur shahron me ghus gaya, ab tak 25 afraad halak hogaye.
Pindi Bhattian Kot Nakka Mein Zahreela Khana Khane Se 3 Bachay Halak
Pindi Bhattian ke gaon Kot Nikka me zahreela khana khane se 3 bachay jan se gaye, jabke 3 ki haalat abhi bhi critical hai. Sab eik hi khandan se taluq rakhte hain. Rescue 1122 ne bachon ko hospital pohanchaya, police ne tafteesh shuru kar di. Tandlianwala me bhi pehle 4 betiyan aur maa zahreela khana khane se jan se gayi thi.
Turkey Shaadi Firing, Dulha Halak, Dulhan Ke Rishtedaar Giraftar
Turkey me shaadi ki khushi hawai firing se gham me badal gayi. 23 saal ka dulha Ali, goli lagne se jan se gaya. Firing dulhan ki 47 saal ke rishtedaar ne ki, jo police ki hirasat me hai, uske paas se 2 illegal pistols baramad. Trabzon me bhi shaadi firing se 1 halak, 2 zakhmi.