US Appeals Court Ne Trump Ke Tariffs Illegal Qarar Diye

US appeals court ne Trump ke zyada tar tariffs illegal qarar diye, lekin 14 October tak chalne dene ka order diya hai taake Supreme Court mein appeal ho sake. Faisla Trump ki economic policy aur Federal Reserve independence pe badi legal fight khol raha hai. Trump ne ruling ko “partisan” kaha aur reversal ki umeed jataayi.

Bank Of Punjab Ne Pehli Dafa 10% Dividend Diya

Lahore: Bank of Punjab ne 2025 ke pehle 6 mahino mein record results announce kiye, pehli dafa 10% interim cash dividend (Rs1 per share) diya. Operating profit Rs15.52 bn raha, 278% izafa, deposits Rs1,947 bn aur assets Rs2,444 bn tak barh gaya. SME aur agri lending mein bhi bara hissa, Punjab Govt schemes mein bhi ahem role ada kiya.

SIFC, ECC Ne Cnergyico Ke Petroleum Dues Settle Kiye

SIFC aur ECC ne bara breakthrough karte hua Cnergyico PK Ltd ke outstanding petroleum dues settle karne ka framework approve kar diya. Isse refinery ko OGRA ke sath Brownfield Refining Policy implement karne ka raasta mil gaya jisme modernization, Euro-V fuel standards aur $6bn upgrades shamil hain. Refineries ab tax exemptions ka bhi intezar kar rahi hai.

Hukoomat Ne Missing Persons Ky Khandano Ke Liye Committee Banai

Islamabad se badi khabar: Hukoomat ne missing persons ke khandano ke liye legal aid committee bana di. Ye committee CNIC, Form-B aur family law issues hal karegi. Khandan email, WhatsApp ya direct visit karke shikayat bhej sakte hain. Commission ke pass ab tak 10,592 cases aaye, jin mein 6,786 trace hua. Govt ne 5 million ka support package bhi rakha hai.

Pakistan Ki Tareekh Ka Pehla Rare Blood Moon Kab Nazar Ayega?

Pakistan ki tareekh ka pehla Blood Moon 7 se 8 September 2025 ki raat nazar ayega. Chanh surkh rang ka hoga aur ye total lunar eclipse 5 ghante 27 minutes tak chalega, jismein 82 minutes ka complete eclipse hoga. Pakistan, India, Russia, Japan aur Africa mein nazar ayega, jabke US mein nahi. Mahireen ne ise decade ka sabse lamba aur rare eclipse qarar diya.

Petrol Aur Diesel Ki Qeemat 1 September Se Kam Hone Ka Imkaan

Petrol ki qeemat 1 September se Re0.61 kam ho sakti hai. High-speed diesel Rs3.13, kerosene Rs1.57 aur LDO Rs2.61 sasta ho sakta hai. OGRA apni pricing Ministry of Petroleum ko bhejegi, PM Shehbaz Sharif ki approval ke baad Finance Ministry official notification jari karen ga. Nayi qeemat midnight 1 September se lagu hogi.

TikToker Khurram Gujar Ne Overseas Pakistani Se Fraud Kiya

TikToker Khurram Gujar ko overseas Pakistani Arslan ko 6.56 crore rupay (2 lakh Euro) ka fraud karne par arrest kar liya gaya. Arslan ne paisay wapas maangne par dhamkiyan mili. Police kehti hai Khurram ne commercial plot ke naam par fraud kiya. TikTok addiction aur social media ke chalte Pakistan mein jawan bhi iske shikar ho rahe hain.

Pehli Bar Saudi Arabia Mein Gutter Ke Dhakkan Chori Hogaye

Saudi Arabia ke Jeddah, Al-Jawad area mein pehli dafa 50 se zyada gutter covers chori ho gaye. Dhakkan chori hone ki wajah se streets mein pani khula reh gaya, jis se badboo aur macharon ka khatra barh gaya hai. Local log pareshan, aur National Water Company ne investigation shuru kar di. Experts kehte hain scrap market ko regulate karna zaroori hai.

SC Ne 12 Saal Baad Beti Ke Rape Case Mein Baap Ko Riha Kar Diya

Islamabad Supreme Court ne 12 saal qaid ke baad eik admi ko riha kar diya, jise apni beti ke sath rape ke ilzaam mein life imprisonment hui thi. Court ne trial court aur LHC ke faislay kharij kar diye, kyunke saboot contradictory aur unreliable tha. Case 2010 ka hai, aur family dispute aur inheritance issues bhi saamne aaye.

Na Maloom Afraad Ki Firing Se Police Shaheed

Bannu ke Thana Cant mein namaloom afraad ki firing se police officer Riyaz Shah shaheed ho gaya. Police ne case register karke investigation shuru kar di hai. Pehle Spina Tangi Chashma mein terrorists ke saath encounter mein 3 CTD officers shaheed aur 2 zakhmi hua. Eik din pehle Kot Adil ke qareeb firing exchange mein eik terrorist killed aur 2 police officers zakhmi hua tha.