Khandani Jhagra, Indian Actress Ke Shohar Par Chaku Ka Hamla
South Indian actress Kavya Gowda ke husband Soma Shekhar par unke bhai aur bhabhi ne chaku se hamla karne ka ilzaam lagaya hai. Yeh khandani jhagra ab police case ban gaya, jisme dono ne ek dusre ke khilaaf FIR darj karai. Police ne 8 logon ke khilaaf case file kiya hai.
Nakuul Mehta Ka Zyada Sandsome Honay Ki Wajah Se Film Se Nikaalay Janay Ka Inkishaf
Indian actor Nakuul Mehta ne reveal kiya ke unhein ek film se sirf is liye nikaal diya gaya kyun ke woh role ke liye “bohot zyada handsome” thay. Actor ke mutabiq sab finalize ho chuka tha, shoot dates bhi fix thi, lekin director ne achanak call kar ke yeh wajah bata di.
Laiba Khan Ki Shadi Ki Taqreebat Ka Aaghaz
Pakistani actress Laiba Khan ki shaadi ki celebrations dua-e-khair ke saath shuru ho gayi hain. Actress ne Instagram par apne nikah aur dua-e-khair ki photos share ki. Laiba ne light mauve-pink anarkali pehni thi, golden embroidery aur traditional jewelry ke saath. Nikah Madina Munawwara mein hua, aur unke dulha ka naam Jawad hai.
Bollywood Industry Mein Sirf Aik Actress Qudrati Tor Par Khoobsurat Hai: Farah Khan
Farah Khan ne Bollywood mein natural beauty par interesting comment de diya. Apne YouTube vlog mein unhon ne kaha ke industry mein plastic surgeries ka trend aam ho chuka hai aur sirf Aishwarya Rai Bachchan hi waqai natural khoobsurat lagti hain. Farah ne yeh baat mazahiya andaz mein kaha aur future film plans ka bhi hint diya.
Akeli Zindagi Stress-Free Hoti Hai, Jahan Jana Ho Ja Sakti Hoon: Saima Qureshi
Saima Qureshi ne single life par khul kar baat ki aur kaha ke akeli zindagi stress-free hoti hai. Actress ke mutabiq bina spouse ke zindagi mein tension, larai aur jawabdehi nahi hoti. Unhon ne kaha ke single reh kar woh apni marzi se jeeti hain, jahan jana ho ja sakti hain, lekin har cheez perfect bhi nahi hoti.
Bollywood Film Tere Ishq Mein Dekh Kar PhD Students Hansna Aur Sar Peetnay Par Majboor
Bollywood film Tere Ishq Mein academic facts ghalat dikhane par social media par mazaaq bangayi. Film mein Kriti Sanon ke 2200 pages ke PhD thesis ke claim par research scholars aur PhD students hansna aur hairaan hogaye. Users ne memes bana kar film ko “academic joke” qarar de diya, jab ke scholars ne writers ko research na karne par tanqeed ka nishana banaya.
Nida Yasir Ka Naya Hair Transformation Social Media Par Roast Ho Gaya
Nida Yasir ka naya hair transformation social media par buri tarah roast ho gaya. Morning show host ne permed hair aur naya styling try kiya, jise users ne Saba Qamar ke drama Muamma ki Jiji se compare kar diya. Kai logon ne look ko scary aur bilkul unsuitable kaha, jab ke comments mein mazaq bhi khoob udaya gaya.
Penguin Ki Viral Video Ne Mawra Hussain Ki Zindagi Kaise Badal Di
Mawra Hussain ne bataya ke ek viral penguin video ne unki zindagi ka ahem faisla lene mein madad ki. Actress ne kaha ke shehar tabdeel karne par logon ne career khatam honay ka kaha tha, lekin aaj unhein lagta hai ke woh decision unki zindagi ka best faisla tha. Mawra ne followers ko apna raasta khud chun’ne ka paighaam bhi diya.
Shadi Shuda Behno Ko Bhai Ke Ghar Mudakhlat Nahi Karni Chahiye, Mard Par Farz Hai Ke Apni Biwi Ke Sath Insaaf Kare: Nabiha Ali Khan
Dr Nabiha Ali Khan ne kaha ke shadi shuda behno ka bhai ke ghar mudakhlat karna ghalat hai. Unka kehna hai ke mard ka farz hai ke woh apni biwi ke saath insaaf kare aur doosron ke personal issues mein interfere na kare. Dr Nabiha ne is baat par apna sakht mauqif social media par clear kiya.
Legendary Singer Arijit Singh Ne Officially Apni Retirement Ka Elan Kar Diya
Arijit Singh ne playback singing se retirement ka elan kar diya. Singer ne kaha ke ab woh films ke liye naye gaane record nahi karein ge, lekin music banana jari rakhein ge. Arijit ne bataya ke future mein woh independent artist ke taur par kaam karein ge, jab ke kuch purane commitments abhi poore kiye jayen ge.