‘Ye Kya Ho Gaya’ John Abraham Ne Clean-Shaven Transformation Ke Saath Fans Ko Shock Kar Diya
Actor John Abraham ne apni nayi clean-shaven look ke saath fans ko shock kar diya. Social media par unke transformation ki tasveerain viral ho gayi, jahan kuch log unhein pehchan nahi paaye aur sehat par sawal uthaye. Kuch fans ne defend karte hue kaha ke John 54 saal ke ho gaye hain aur naturally unka face badal gaya hai.
Alizeh Shah Ne Shazia Manzoor Ki Dishonesty Par Unhein Aaray Hathon Lay Liya
Pakistani actress Alizeh Shah ne senior singer Shazia Manzoor ke bayan par sakht reaction diya hai. Shazia ke claim ke mutabiq unhon ne jaan boojh kar dhakka nahi diya tha, Alizeh ne Instagram par unhein sincerity aur honesty ka lesson diya. Alizeh ka kehna tha ke seniors ko controversy ke bajaye apne kaam se viral hona chahiye.
Aakhir ‘Meri Zindagi Hai Tu’ Ke Kitne Episodes Reh Gaye? Writer Ne Bata Diya
ARY Digital ka hit drama Meri Zindagi Hai Tu apne aakhri marahil mein dakhil ho chuka hai. Writer Radain Shah ne morning show mein bataya ke drama ka ending likha ja chuka hai aur sirf 6 se 7 episodes baqi hain. Unhon ne kaha ke kahani ko zyada stretch nahi kiya jayega. Drama ki cast aur TRPs ko bhi unhon ne saraha.
Areeka Haq Ka Kafeel Mein Daneen Ke Kirdar Se Ikhtilaaf
Areeka Haq ne drama Kafeel mein apne kirdar Daneen se ikhtilaaf ka izhar kiya hai. Unka kehna hai ke Daneen ka obsessive aur intense pyaar unki real-life personality se match nahi karta. Areeka ke mutabiq director Meesam Naqvi ne unhein samjhaya ke yeh Areeka nahi balkay sirf ek character hai.
Iqra Aziz Ne Fans Ko Apni Nanhi Pari Ka Naam Bata Diya
Iqra Aziz aur Yasir Hussain ke ghar doosray bachay ki paidaish hui hai. Actress ne Instagram par reel share kar ke apni beti ka naam bataya. Card ke mutabiq 24 January 2026 ko beti “Sofia Hussain” paida hui. Iqra ne Allah ka shukar ada kiya. Reel social media par tezi se viral ho rahi hai.
Beta Ki Wajah Se Meri Duniya Palat Gayi, Imran Hashmi
Actor Imran Hashmi ne yaad kiya ke 2014 mein betay Ayaan ko cancer diagnose honay ki khabar ne unki zindagi badal kar rakh di. Unka kehna hai ke is mushkil daur ne unhein career se zyada ek baap ki zimmedari ka ehsaas dilaya. Yeh waqt unki zindagi ka sab se dardnaak lamha tha.
Mujhe Bechari Roles Pasand Nhi Is Wajah Se Kahi Drama Serials Reject Kiye
Pakistani actress Hina Afridi ne Inkishaaf kiya hai ke unhon ne apne career mein kai popular drama serials reject kiye. Actress ka kehna hai ke woh sirf strong aur empowering kirdar karti hain. Unhon ne Iqtidar aur Behroopia jaise dramas is liye chhoray kyun ke unhein “bechari” roles pasand nahi.
Main Simple Shadi Karungi, Sirf Rs 20-30 Lakh Mein Ho Jayegi: Alishbah Anjum
Pakistani digital creator Alishbah Anjum ne apne wedding plans ke bare mein khul kar bataya ke woh simple shadi pasand karti hain. Unka kehna hai ke sirf nikkah aur walima hona chahiye, budget Rs 20-30 lakh ke darmiyan. Fans ne is approach ko appreciate kiya aur online discussions shuru ho gayi ke shadiyon ka trend ab budget-conscious ho raha hai.
Zakir Khan Ne Comedy Se 3–5 Saal Ka Break Lene Ka Elan Kar Diya
Indian stand-up comedian Zakir Khan ne sehat aur personal life ko priority dete hue comedy se lamba break lene ki wajah bata di hai. Unka kehna hai ke musalsal tours aur travel ne sehat par asar dala. Yeh break 3 se 5 saal tak ho sakta hai. Zakir ne fans ko yaqeen dilaya ke behtar ho kar wapas aayenge.
Live Tv Par Female Tiktokers Guests Ke Darmiyan Jhagra
21 MM Show mein live TV par do female TikTokers, Alia Sattar aur Asiel Lawrence, ke darmiyan shadeed jhagra ho gaya. Behas baalon tak ja pohanchi jab Alia ne Asiel ke baal pakar liye. Jhagra gaana play na honay par shuru hua. Senior host Uzma Khan ne beech bachao karaya. Video social media par viral ho rahi hai.