Hania Aamir Aur Yashma Gill Ki Christmas Celebration Par Sakht Tanqeed
Hania Aamir aur Yashma Gill ki Christmas celebration social media par shadeed tanqeed ka nishana ban gayi. Yashma ne Christmas Eve ki pictures share ki jahan dono Santa caps aur beards mein nazar aayin. Kai users ne is celebration par sakht comments kiye aur religious concerns ka izhar kiya.
Orry Ne Dhruv Ko Janhvi Kapoor Ki Appearance Par Tanqeed Karne Par Janhvi Ka Difa Kiya
Content creator Orry ne Janhvi Kapoor ka defense kiya aur Dhruv Rathee ko “anti-nationalist” qarar diya. Yeh reaction Rathee ke YouTube video par aaya jismein unhon ne Janhvi aur dusre Bollywood actors ki alleged plastic surgery ko criticize kiya. Orry ne kaha ke Janhvi ko bhi Rathee ke existence ka pata nahi aur wo sirf attention ke liye videos banata hai.
Katrina Ne Salman Khan Ko Kis Tarah Ki Zindagi Ki Dua Di
Katrina Kaif ne Salman Khan ko unki 60th birthday par heartfelt wishes di. Katrina ne Salman ke liye dua ki ke unki zindagi har din mohabbat aur roshni se bharpur ho. Dono ne pehle filmon jaise Ek Tha Tiger, Tiger Zinda Hai, aur Bharat mein saath kaam kiya hai, aur Salman ke future projects mein Battle of Galwan shamil hai.
Rushna Khan Ne Case No. 9 Ke Offer Aur Top Actors Ke Sath Kaam Ka Tajurba Share Kiya
Pakistan ki nayi ubharti hoi Actress Rushna Khan ne Geo TV ke podcast mein Case No. 9 ke offer milne aur top actors ke sath kaam karne ka experience share kiya. Unhon ne drama ko apna dream project kaha aur Faysal Quraishi aur Saba Qamar ki professionalism aur support ko bohot appreciate kiya.
Hiba Bukhari Aur Yasir Hussain Ne Danish Taimoor Ko Pakistan Ka Salman Khan Qarar De Diya
Mashhoor actors Hiba Bukhari aur Yasir Hussain ne Karachi Urdu Conference mein Danish Taimoor ka strong defense karte hue unhein “Pakistan ka Salman Khan” kaha. Unka kehna tha ke Danish ka ek signature style hai jo audience ko pasand hai aur isi wajah se wo billion-view dramas de rahe hain aur superstar ban chuke hain.
Drishyam 3 Se Akshaye Khanna Ke Exit Ki Asal Wajah Kiya Hai?
Drishyam 3 se Akshaye Khanna ke exit ki asli wajah samne aa gayi hai. Reports ke mutabiq actor ne film ke liye Rs. 21 crore fees demand ki jo makers ke liye zyada thi. Fees ke ilawa kuch creative points par bhi ikhtilaf hua, jis ke baad Akshaye ne project chhor diya.
John Abraham Ke Fan Ne Diya Functional Mini Hayabusa Bike; Video Ho Gaya Viral
John Abraham jo motorcycles ke bhi bohot bade shoqeen hain. Recently, unke fan ne unko ek functional mini Suzuki Hayabusa gift ki, jisme real engine aur working exhaust tha. Video viral ho gaya, jisme John bike ko closely inspect karte aur playfully kehte nazar aaye, “Can I ride it?” aur “Can I sit on it?”
Nasa Ka Chand Par Utarne Ka Dawa Jaali Hai: Kim Kardashian
American socialite Kim Kardashian ne daawa kiya ke Nasa aur US government ne 1969 ka moon landing fake dikhaya. Unhon ne kaha ke TikTok videos mein Buzz Aldrin ke bayanaat se lagta hai ke yeh waqia hua hi nahi. Is bayan par social media aur experts ki taraf se sakht tanqeed ho rahi hai. Nasa mission ko tareekhi haqeeqat mana jata hai.
Dramas Aur Film Fans Ke Liye Kyun 2026 Exciting Saal Hoga?
Pakistani drama aur film fans ke liye 2026 bohot exciting saal hoga, kyunke kai naye on-screen couples debut kar rahe hain. Maya Ali aur Ahad Raza Mir drama Ayee Jazba-e-Dil mein saath nazar aayenge, Mahira Khan aur Fahad Mustafa film project mein wapas aa rahe hain, aur Mahira Khan aur Wahaj Ali Mitti De Bawey mein pehli baar screen share karenge.
Hamare Muashray Mein Hindu Dost Bhi Hain Jinki Numaindagi Ahem Aur Zaroori Hai: Naveen Waqar
Pakistani actress Naveen Waqar ne drama Case Number 9 mein Hindu kirdar ada karne par kaha ke hamare muashray mein Hindu dost bhi mojood hain jin ki numaindagi zaroori hai. Unhon ne kaha ke drama haqeeqi masail aur mukhtalif baradriyon ko highlight karta hai. Kirdar par unhein Hindu community se positive response mila.