Pakistan-US Energy Trade Deal Finalize, Tariff Mein Raiyat Ki Umeed
Pakistan aur US ke darmiyan energy aur trade cooperation par nayi deal finalize ho gayi. Trump ne kaha ke Pakistan ke oil reserves explore kiye jaenge. Pakistan ko US exports par 29% tariff mein kami ki umeed hai. Deal se energy, IT, crypto aur mining sectors mein nayi investment aur economic collaboration ka aaghaz hoga.
Trump Ne India Ko Dead Economy Kaha, Tariffs Announce Kiye
Trump ne India ki economy ko “dead” keh kar Russia se oil leny par criticize kiya. 1 August se India par 25% tariff aur penalty lagu hogi. Indian companies ne Russian oil lena temporarily rok diya. Rahul Gandhi ne Trump se ittefaq kiya aur BJP ko zimmedar thehraya. Medvedev ne Trump ke statements ko bekaar aur ghalat qarar diya.
7 Saal Ka Bachha Terrorism Case Mein Court Mein Pesh
Gwadar mein CTD ne 7 saal ke bache par terrorism ka case darj kiya, ilzam hai ke usne TikTok par Gulzar Dost ki speech share ki jo Fourth Schedule mein hain. Bacha court mein pesh hua. HRCP ne is qadam ko insaaf aur bachon ke huqooq ke khilaaf qarar de kar case wapas lene aur zimmedar afsaron ke khilaf action ki demand ki.
UN Report, India-Pak Tensions Ke Baad Terrorism Ka Khatra Barh Gaya
UN report ne kaha hai ke India-Pak tensions ke baad TTP, IS-K aur Al Qaeda jaise groups zyada strong ho rahe hain. TTP ko Afghanistan se madad mil rahi hai aur woh Baloch groups ke saath training camps chala raha hai. IS-K bachon ko suicide attacks ke liye tayar kar raha hai. Al Qaeda kamzor hua hai, magar abhi bhi active hai.
Punjab Govt Ke Electric Bike Scheme, Rs100,000 Reward Announced
Punjab govt ne electric bike kharidne walon ke liye Rs100,000 tak ka reward announce kiya hai. Pehle Rs50,000 registration ke baad milenge, baqi 6,000 km chalane par. Sirf new electric bikes allow hongi. Saath hi, 15 bikers ka Central Asia tour shuru ho gaya hai, jisme Pakistan ka positive image promote kiya jayega.
Petrol Sasta, Diesel Mehnga, Naye Rate Ka Elan
Hukoomat ne 1 August se petrol ki qeemat Rs7.54 kam kar ke Rs264.61 aur diesel ki qeemat Rs1.48 barha kar Rs285.83 kar di. LPG cylinder bhi Rs209 sasta ho gaya. Faislay OGRA aur international market review ke baad kiya gaya. Petrol sasta hone se bike aur car users ko raahat mili, jabke diesel mehnga honay se mehangai ka khatra.
Sindh Govt Ne Azadi Day Ke Liye Prizes Announce Kiye
Sindh govt ne 14 August celebrations ka mega plan announce kiya! Behtareen decorate kiye gaye vehicles, shops aur buildings ko prizes milenge. Karachi, Hyderabad, Sukkur mein concerts, rickshaw rally, poetry night, human flag aur vintage car shows honge. 5 August ko Kashmir protest event, aur disabled persons ke liye alag program bhi hoga.
Pasand Ki Shadi, Biwi Ke Bhaiyon Ne Qatal Kiya
Mastung, Balochistan mein pasand ki shadi karne wale joday ko unki biwi ke bhaiyon ne family gathering ka keh kar Lakpass ke eik hotel mein bulaya aur goliya maar kar qatal kar diya. Shohar Muhammad Shoaib aur uski haamla biwi Panjgur ke rehne wale tha. Dono ke do chhote bachay bhi hain. 5 bhai naamzad, action jari.
ATC Ne PTI Ke Senior Leaders Ko 10 Saal Qaid Ki Saza Sunai
Faisalabad ATC ne May 9 case mein PTI leaders Omar Ayub, Shibli Faraz aur Zartaj Gul ko 10 saal qaid ki saza suna di. Fawad Chaudhry aur Zain Qureshi bari. 3 din mein itne saalon ki saza par Gohar ka tough reaction: “Yeh faislay jamhooriyat tabah kar rahe hain, adliyah se log mayoos ho gaye hain.”
Harassment Case Mein KE Kay CEO Ko Hatane Ka Hukam
Sindh Ombudsman ne KE CEO Moonis Alvi ko harassment case mein job se hatane ka hukam de diya. Un par Rs2.5 million jurmana bhi laga, ada na karne par assets freeze aur CNIC, passport block honge. Alvi ne faisla “distressing” kaha aur appeal ka elan kiya. KE Board ne unhein dobara CEO banane ka faisla kiya hai.