Hukoomat Ne Foreign Passengers Ke Liye Alag Counters Banaye
Hukoomat ne tamam international airports par foreign passengers ke liye alag immigration counters banane ka faisla kiya hai. PM Shehbaz ke hukum par uthaye gaye is qadam ka maqsad tourism aur investment ko barhawa dena hai. Is se processing time kam hoga, safar asaan banega aur Pakistan ko eik welcoming aur competitive destination banaya jayega.
Advocate Shamsul Islam Ka Qatal, Imran Afridi Ka Iqraar
Central suspect Imran Afridi ne video statement mein qatal ka iqraar kar liya. Uske mutabiq, Khawaja Shamsul Islam ne uske walid, eik police constable, ko 35 lakh rupay ke maali maslay par qatal kiya. CCTV footage mein Afridi ko masjid ki seerhiyon sa goli chalate dekha gaya. Usne nizaam-e-insaaf se mayoos ho kar tanha badla liya.
Japan Ka Sabse Garam July, 1898 Se Ab Tak Ka Record Toot Gaya!
Japan mein Is dafa July nay garmi kay saray record toordiye. 30 July ko Hyogo mein 41°C tak garmi rahi. Barsaat bhi bohat kam hui. Mount Fuji ki barf der se aayi. Cherry blossom pe bhi garmi ka asar pad raha hai. August ka maheena bhi sakht garam hone wala hai.
Iran Ke Saddar Pezeshkian Do Din Ke Dora Par Pakistan Agaye
Iran ke President Masoud Pezeshkian 2 din ke dora par Pakistan aa gaye. Lahore mein Mazar-e-Iqbal par fateha padh kar CM Maryam Nawaz aur Nawaz Sharif se mile. Islamabad mein PM Shehbaz aur President Zardari se mulaqaat hogi. Maqsad, trade $10 billion tak barhana, CPEC mein shirkat, aur border security behtar banana hai.
Pakistan Ne Afghan Refugees Ke Khilaaf Nayi Deportation Drive Shuru Kar Di!
Quetta aur Chaman se hazaron Afghans border ki taraf rawana. April se ab tak 2 lakh se zyada wapas ja chuke hain. 2023 se total 10 lakh se zyada Afghans Pakistan chhod chuke. Temporary permit walay bhi nishana. Hukoomat ka kehna hai ke sab ko izzat aur tarteeb se wapas bheja jaayega
Monsoon Ka Silsila September Ke End Tak Jari Rehne Ka Imkaan!
Southern areas mein ab tak kam barish hui hai, lekin 10 August ke baad monsoon winds ka rukh south ki taraf ho sakta hai. 5 August se Punjab ke kai shehron mein heavy rain aur flood ka khatra hai. PDMA ne alert jari kar diya, public ko ehtiyaat aur helpline 1129 par rabte ki hidayat.
Pakistan Army Ne Z-10ME Attack Helicopters Force Mein Shamil Kar Liye!
COAS Field Marshal Asim Munir ne Muzaffargarh mein induction ceremony aur firepower demo dekha. China ke ye modern helicopters har mausam mein, din raat precision strikes ki salahiyat rakhte hain. Inmein advanced radar aur electronic warfare systems laga hua hain. COAS ne troops ka hosla aur professionalism saraha, aur hybrid threats ke khilaf national unity par zor diya
Imran Khan Ka Baat Cheet Se Inkaar PTI Ke Liye Nuksan Ka Sabab
May 9 cases mein kai senior PTI leaders ko 10 saal ki saza mil chuki hai, aur mazeed faislay aanay wale hain. Party ke andar se hukoomat se baat cheet ka mashwara diya gaya, lekin Imran Khan ne inkaar kar diya. Is faislay se PTI par arrests, disqualification aur siyasi tanazul ka khatra barh gaya hai.
UAE Ne Pakistani Visa Process Tez Karne Ka Elan Kar Diya
UAE ne Pakistani citizens ke visas jaldi issue karne ka wada kiya. Mohsin Naqvi ne UAE ke Interior Minister Sheikh Saif se mulaqaat ki. Mulaqaat mein visa policy, security, smuggling control aur AI-based policing par taawun barhane par baat hui. Naqvi ne modern surveillance systems ka daura kiya aur Pakistan mein lana ki khwahish zahir ki.
Iranian President Pezeshkian Ka 2 Roza Pakistan Ka Daura
Iranian President Dr. Masoud Pezeshkian 2 August ko 2 din ke daure par Pakistan aa rahe hain, PM Shehbaz Sharif ki dawat par. Unki mulaqaat President Zardari aur PM Shehbaz se hogi. Saath delegation-level baatein bhi hongi. Pezeshkian ke sath Iranian ministers aur afsaroon ka eik bara group hoga. FO ne kaha daura dono mulkon ke taaluqat mazeed behtar karega.