Sufiyan Muqeem Ubhra, Babar T20 Top 20 Mein Hai
Pakistan ke Sufiyan Muqeem ne ICC T20I bowling rankings mein 69 positions ka jump lagate hue 34th position hasil kar li. Hassan Nawaz, Saim Ayub aur Sahibzada Farhan ne bhi achi progress ki. Babar Azam aur Rizwan teen positions neeche gaye. Test rankings mein Rizwan 20th aur Noman Ali 6th number par aa gaye.
Pakistan Aur Azerbaijan Ka Trade Boost Plan Tay
Pakistan aur Azerbaijan ne joint trade company banane ka faisla kiya hai taake exports, imports aur business ventures ko promote kiya ja sake. Ambassador Farhadov ne private sector ka kirdar zaroori qarar diya. Air connectivity barhne se logon aur trade ka rawabta behtar hoga. Key sectors: energy, IT, tourism, textiles, agriculture aur logistics mein cooperation ka plan hai.
Heart Attack Ke Signs Samjhein, Jaan Bachayein Barwaqt Action Se
Heart attack ke ahem signs mein chest pain, shortness of breath, cold sweat, nausea, fatigue, aur dard jo baazu, gardan ya peeth tak jaye shamil hain. In symptoms par foran tawajju dein aur emergency services ko call karein. Barwaqt pehchaan aur action lena zindagi bacha sakta hai. Apny piyaron ka or apna khayal rahkein.
TTP Aur Jirga Ka Moahida, Tirah Mein Qayaam Barqarar
TTP aur Bar Qambarkhel jirga ke darmiyan 5 points par moahida hua. TTP ne kaha ke woh civilians ko human shield nahi banayenge, Zakat aur Ushr nahi uthayenge, aur na kisi ko agwa ya torture kareinge. Tirah se nikalne ka koi wazeh plan nahi diya gaya. Awam ne moahide par mila jula reaction diya, kuch ne isay drama kaha.
India, Uttarakhand Flash Flood Se 100 Lapata, 4 Halaak
Uttarakhand ke Dharali mein flash flood se 4 log jaan bahaq, 100 laapata, jismein 11 faujis bhi shamil. Cloudburst ke baad pani aur matti ka toofan buildings baha le gaya. Army ne drones, sniffer dogs aur heavy machinery se rescue shuru kar diya. Experts ke mutabiq yeh extreme event climate change ka nateeja ho sakta hai.
Pakistan China Se EV Technology Lene Ko Tayyar Hai
Ahsan Iqbal ne Beijing mein kaha ke Pakistan, China ki EV technology aur sodium-ion batteries ka faida uthana chahta hai. Sath hi government ne 116,000 electric bikes aur 3,170 rickshaws ke liye Rs100bn subsidy scheme approve ki. EVs Pakistan-China future cooperation ka hissa hain. PM Shehbaz Sharif 14 August ko scheme launch karein ge.
COAS Asim Munir Ke President Banne Ki Afwaah Rad
Military spokesperson Lt Gen Ahmed Sharif ne COAS Field Marshal Asim Munir ke president banne ki afwaahon ko “nonsense” qarar diya. Govt aur army ne in afwaahon ko propaganda kaha. Mohsin Naqvi ne bhi wazeh kiya ke Zardari aur army leadership ke strong ties hain. COAS ka focus sirf mulk ki stability aur security par hai.
Trump Ki Rooftop Appearance, Nuclear Missiles Ka Mazaaq Kiya
Donald Trump ne White House rooftop par achanak appearance de kar “nuclear missiles” lagane ka mazaak kiya. Russia se tensions ke darmiyan Trump ne do nuclear submarines bhi deploy kiye. Woh White House mein $200 million ka ballroom banana chahte hain, jo woh khud fund kareinge. Trump ka unique, dramatic style phir se headlines bana raha hai.
Malik Riaz Absconder, NAB 7 August Ko Auction Karega
Islamabad High Court ne Bahria Town ki petitions reject kar di, NAB ab 7 August ko 6 properties ke auction karega. Malik Riaz £190 million Al-Qadir case mein absconder hain. Company ke accounts freeze, staff arrest aur operations band hain. Malik Riaz ne kaha woh arbitration ke liye tayyar hain aur dignified solution chahte hain.
Pakistan Wins 4 Medals At Nuclear Olympiad 2025
Pakistan ne Malaysia mein INSO-2025 Nuclear Olympiad mein 4 medals jeet liye. 19 mulkon ke students ne hissa liya. Muhammad Tayyab ne gold, Ammar Asad ne silver, jabke Rawah Javed aur Tatheer Aima ne bronze medals jeete. Team ko PIEAS aur PAEC ke experts ne train kiya. Science aur education ke liye yeh eik ahem kamyabi hai.