US Tariffs Se Indian Rupee Record Girawat, GDP Khatre Mein
America ke 50% tariffs ke baad Indian Rupee record girawat, dollar ke muqabla mein 88.29 par agaya hai. Exports 55% tak girne ka khatra, trade deficit aur payments par barha pressure. Sirf iss saal 9.7 billion dollars investment nikal gayi, experts ke mutabiq GDP 60–80 basis points gir sakti hai, economy aur slow hogi.
Senate Ne SBP, SECP Boards Ki Salary Powers Wapas Leli
Senate Finance Committee ne faisla kiya ke SBP aur SECP boards ke paas apni top executives ki salaries fix karne ka ikhtiyar nahi hoga. Faisla us waqt aya jab SECP chairman ki salary Rs41 million aur commissioners ki 35.8 million pohanchne par PAC ne bhi shock express kiya. Audit ne illegal allowances aur salary hikes expose kiye.
Govt Ne 5 Saala Textile Aur Industrial Policy Banai
Commerce Minister Jam Kamal Khan ne kaha ke govt agle 5 saal ke liye textile aur industrial policy finalize kar rahi hai jiska maqsad trade barriers khatam karna, manufacturing cost kam karna aur exports barhana hai. Minister ne kaha pehli dafa govt aur industry eik page pe hain. Bangladesh ki industrial success ko bhi example banaya gaya.
Indonesia Protests, Makassar Fire Mein 3 Halak, 4 Zakhmi
Indonesia Makassar, mein council building ko protesters ne aag lagayi jismein 3 log halak aur 4 zakhmi hua. Protests eik motorcycle taxi driver ki police vehicle se maut ke baad mulk bhar mein phail gaya, sabse bara tashadud Jakarta aur Sulawesi mein hua. Police ne 7 officers ko inquiry ke liye detain kiya, President Prabowo ne investigation aur family ko support ka wada kiya.
US Appeals Court Ne Trump Ke Tariffs Illegal Qarar Diye
US appeals court ne Trump ke zyada tar tariffs illegal qarar diye, lekin 14 October tak chalne dene ka order diya hai taake Supreme Court mein appeal ho sake. Faisla Trump ki economic policy aur Federal Reserve independence pe badi legal fight khol raha hai. Trump ne ruling ko “partisan” kaha aur reversal ki umeed jataayi.
Bank Of Punjab Ne Pehli Dafa 10% Dividend Diya
Lahore: Bank of Punjab ne 2025 ke pehle 6 mahino mein record results announce kiye, pehli dafa 10% interim cash dividend (Rs1 per share) diya. Operating profit Rs15.52 bn raha, 278% izafa, deposits Rs1,947 bn aur assets Rs2,444 bn tak barh gaya. SME aur agri lending mein bhi bara hissa, Punjab Govt schemes mein bhi ahem role ada kiya.
SIFC, ECC Ne Cnergyico Ke Petroleum Dues Settle Kiye
SIFC aur ECC ne bara breakthrough karte hua Cnergyico PK Ltd ke outstanding petroleum dues settle karne ka framework approve kar diya. Isse refinery ko OGRA ke sath Brownfield Refining Policy implement karne ka raasta mil gaya jisme modernization, Euro-V fuel standards aur $6bn upgrades shamil hain. Refineries ab tax exemptions ka bhi intezar kar rahi hai.
Hukoomat Ne Missing Persons Ky Khandano Ke Liye Committee Banai
Islamabad se badi khabar: Hukoomat ne missing persons ke khandano ke liye legal aid committee bana di. Ye committee CNIC, Form-B aur family law issues hal karegi. Khandan email, WhatsApp ya direct visit karke shikayat bhej sakte hain. Commission ke pass ab tak 10,592 cases aaye, jin mein 6,786 trace hua. Govt ne 5 million ka support package bhi rakha hai.
Pakistan Ki Tareekh Ka Pehla Rare Blood Moon Kab Nazar Ayega?
Pakistan ki tareekh ka pehla Blood Moon 7 se 8 September 2025 ki raat nazar ayega. Chanh surkh rang ka hoga aur ye total lunar eclipse 5 ghante 27 minutes tak chalega, jismein 82 minutes ka complete eclipse hoga. Pakistan, India, Russia, Japan aur Africa mein nazar ayega, jabke US mein nahi. Mahireen ne ise decade ka sabse lamba aur rare eclipse qarar diya.
Petrol Aur Diesel Ki Qeemat 1 September Se Kam Hone Ka Imkaan
Petrol ki qeemat 1 September se Re0.61 kam ho sakti hai. High-speed diesel Rs3.13, kerosene Rs1.57 aur LDO Rs2.61 sasta ho sakta hai. OGRA apni pricing Ministry of Petroleum ko bhejegi, PM Shehbaz Sharif ki approval ke baad Finance Ministry official notification jari karen ga. Nayi qeemat midnight 1 September se lagu hogi.