Meri Bahuain Fame Fabiha Apna Birthday Celebrate Karti Nazar Ayein
Meri Bahuain mein Fabiha ka kirdar nibhanay wali actress Rahat Ghani ne apna birthday seaside celebrate kiya. Actress ne beach house par doston ke saath cake cut kiya aur photoshoot bhi karwaya. Is mauqe par woh mint green gown mein bohat khoobsurat nazar aayin, jabke co-actor Ahmad Rafique bhi celebration mein shamil thay.
Celina Jaitly Ka Kehna Hai Ke Unhe 15vi Shadi Ki Salgirah Par Talaq Ka Notice Dia Gaya
Celina Jaitly ne apne shohar Peter Haag ke khilaaf domestic violence ka case file kiya, ₹50 crore damages ke liye. Unho ne shadi ki 15vi anniversary par divorce notice milne aur apne 3 bachon tak access na hone ka zikr kiya. Celina ka kehna hai ke unke bachon ko unke khilaaf brainwash kiya ja raha hai aur assets par daawa ho raha hai.
20 Saal Ki Shehzadi Leonor 150 Saal Baad Spain Ki Pehli Malika Ban Ne Ke Liye Tayyar
20 saal ki Princess Leonor Spain ki agli queen banne ke liye tayyar hain, jo 150 saal baad pehli baara mulk ki full-power queen hongi. Unho ne International Baccalaureate complete kiya, army aur navy training li, aur PC-21 plane mein pehli solo flight bhi ki. Unko Gold Medal of Region of Murcia se bhi nawaza gaya.
New York Ke Mayor Zohran Mamdani Wife Ke Sath Naye Ghar Mein Shift Ho Gaye
Newly elected New York Mayor Zohran Mamdani apni wife Rama Duaji ke saath Grace Mansion mein shift ho gaye, jo mayor ki official residence hai. 34 saal ke Mamdani ne Instagram par is move ko “awam ka ghar” qarar diya. Pehle wo Queens ke rent-controlled apartment mein rehte the, ab unka naya ghar 11,000 sq. ft. ka shandar mansion hai.
Taapsee Pannu Ne Bollywood Funkaaroun Ki Social Media Par Shohrat Ka Bhanda Phod Diya
Bollywood actress Taapsee Pannu ne social media par fake popularity aur PR game par khul kar tanqeed ki. Unhon ne kaha ke followers khareedna aur dusron ko neecha dikhana ab dangerous trend ban chuka hai. Taapsee ke mutabiq success ka taluq kaam se hona chahiye, na ke artificial image se.
“Mere Waalid Mujhe Germany Le Kar Gaye…” Aamir Khan Ki Beti Ira Khan Ne Bataya….
Aamir Khan ki beti Ira Khan ne body image aur weight struggles par khul kar baat ki hai. Unhon ne bataya ke khud ko “fat” samajhne ki wajah se unhein khanay ka khauf ho gaya tha aur eating disorder ke signs aa gaye thay. Is mushkil daur mein Aamir Khan unhein recovery ke liye Germany ke fasting retreat par le gaye.
Kya Disha Patani Talwinder Ko Date Kar Rahi Hain? Viral Video Mein Singer Ka Chehra Finally Reveal
Disha Patani aur Talwinder ke dating rumors tez ho gaye hain jab Nupur Sanon aur Stebin Ben ki shadi se ek video viral hua. Video mein Disha ek mystery man ka haath pakray nazar aayi, jise fans Talwinder keh rahe hain. Isi video se pehli dafa singer ka chehra bhi reveal hua, jis par social media par zabardast reactions aa rahe hain.
Hum Ne Seniors Se Seekha, Aaj Sikhane Wale Nahi, Seekhne Ki Justuju Bhi Nahi: Saba Faisal
Pakistani senior actress Saba Faisal ne kaha ke unhone apne seniors se bohot kuch seekha, lekin aaj kal sikhane wale nahi aur seekhne ki justuju bhi nahi. Unhone nayi generation ke actors ke nakhre, set par interest ki kami aur basic skills na hone par tanqeed ki, aur emphasize kiya ke acting ka asal fun body language aur eye work mein hai.
Nadia Khan Aur Musaddiq Malik Ke Nazreen Se Mutaliq Tauheen Amaiz Remarks Par Shadeed Tanqeed
Nadia Khan aur Musaddiq Malik ne drame ke viewers ke social media comments par controversial remarks diye, jisse un par shadeed tanqeed hui. Musaddiq Malik ne kaha ke viewers ki raye ki koi ahmiyat nahi, agar kisi ko drame pasand na aaye to dekhna chor dein. Logon ne is ko nazreen ki touheen qarar diya aur boycott ka mutalba kiya.
Kya Talaq Ki Paish Goi Sach Hogi? Hania Aamir Ne Rad-e-Amal Dediya
Pakistani actress Hania Aamir ne apni talaq ki prediction par astrologers ko tanziya jawab diya. Instagram story mein unhone likha, “Ajeeb, pehle shadi to hone do.” Yeh prediction viral TV clip mein aayi thi jahan kaha gaya tha ke agar Hania 2026 mein shadi karti hain to future mein talaq ka samna ho sakta hai. Ab tak koi official confirmation nahi.