Bhai Ki Saabiqa Mangetar Ke Ayeza Khan Aur Unke Khandan Par Ilzaamat
Ayeza Khan par unke bhai ki ex-fiancée Arooba Tariq ne sangin ilzaamat laga diye. Arooba ka kehna hai ke unki mangni tootne ki asal wajah Ayeza hain jo sab ko control karti hain aur “sakht geer behan” hain. Unhon ne Ayeza ko jhooti, dhoka baz aur sussral walon ke saath badtameezi karne wali qarar diya. Social media par mix reactions samne aaye.
Sirf 1000 Rupay Milte The, Woh Bhi Wahiyat Shart Ke Sath, Saif Ali Khan Ka Inkishaaf
Bollywood actor Saif Ali Khan ka inkishaaf, career ke shuruati dinon mein unhe haftay ke sirf 1000 rupay milte the, woh bhi eik producer ki anokhi shart puri karne ke bad: har dafa paisay lene par 10 kisses gaal par dena parti thi! Rich background ke bawajood, Saif ko ghar, shadi aur bachon ki zimmedariyan ne bohot pressure mein rakha.
Wazir-e-Aala Sindh ka Karachi Ki Tamam Sarkon Ki Taameer-e-Nau Aur Murammat Ka Hukum
CM Sindh Murad Ali Shah ne Karachi ki sabhi sarkon ki murammat aur taameer-e-nau ka hukum de diya! Barishon se shehar ki sarkein kharab hone par KMC aur towns ko survey aur schemes banane ki hidayat. Murad Shah ne kaha: drainage system bhi banaya jaye taa ke barish ka paani rukay nahi aur sarkein durable rahen.
20 Se 35 Lakh Tak Qarza, Mera Ghar Mera Ashiyana
Apna ghar banane walon ke liye bari khush khabri! Govt ne “Mera Ghar Mera Ashiyana” scheme launch kardi. Ab Pakistani citizens 20–35 lakh tak qarza 20 saal ki muddat aur subsidised markup par le sakte hain. Sirf un logon ke liye jo pehli dafa ghar khareed rahe hain. Scheme mein 5 marla ghar ya 1360 sq ft flat cover hoga.
Farah Sadia Pehle Pyar Ko Yaad Karke Ro Pari
Anchor aur actress Farah Sadia pehle pyar ko yaad karte hue Mazaq Raat par ro padi. Amjad Islam Amjad ki nazm parhte waqt woh emotional ho gayin. Farah ne mashwara diya ke shaadi mein waliden ki baat zaroor mani jaye, one-sided love ko “nonsense” kaha aur bataya ke asal mohabbat izzat aur reciprocity mein hai.
Microsoft Ne Gaza Surveillance Par Israel Ki Service Kam Ki
Microsoft ne Israel ke eik defence unit ka kuch cloud access band kar diya jo Gaza mein mass surveillance ke liye use ho raha tha. Investigation mein confirm hua ke Azure par Palestinian calls ka data store ho raha tha. Microsoft ne kaha hum civilian surveillance support nahi karte. Pro-Palestinian groups ne is faislay ka welcome kiya.
Dera Ismail Khan Mein Mini Bus Khatarnaak Haadse Ka Shikaar, 11 Afraad Jaan Bahaq
Dera Ismail Khan ke Darazinda area mein mini bus ka shadeed accident, brakes fail hone se gaari ulat gayi. Eik hi khandan ke 11 afraad jaan bahaq, 3 zakhmi. Bus Khanuzai (Balochistan) se D.I. Khan aa rahi thi. Rescue 1122 ne zakhmiyon ko hospital shift kar diya. Halak shuda mein 5 khawateen aur bachche bhi shamil.
School Ke 3 Talabaa Ko Ziadti Ka Nishana Bana Diya Gaya
India ke Hyderabad (Telangana) mein school ki 3 talabaa ka rape. Police ke mutabiq festival attend karne nikli ladkiyon ko 3 afraad ne phusla kar hotel le gaye, phir eik lodge (64 km door) le ja kar alag rooms mein ziadti ki. Agle din unhe chhod diya gaya. Parents ke report par medical hua, ziadti confirm aur mulziman giraftar.
Hasan Raheem: “Hamari Shaadi Poori Duniya Ke Liye Gilgiti Riwayat Ka Crash Course Thi”
Singer Hasan Raheem ne kaha ke unki shaadi poore Pakistan aur duniya ke liye Gilgit traditions ka crash course thi! Interview me unhone bataya ke unhone shaadi par dada aur walid ki pehni hui jacked aur “shoqa” pehna, saath hi “shaati” topi bhi lagayi. Hasan ne kaha, logon ko unka traditional dance aur culture unexpected taur par bohot pasand aaya.
Khatoon Beti Ki Laash Ko 20 Saal Tak Freezer Mein Rakhne Par Giraftar
Japan mein 75 saal ki khatoon giraftar! Police ke mutabiq usne apni beti Makiko ki laash 20 saal tak freezer mein chhupaye rakhi. Beti 1975 mein paida hui thi, agar zinda hoti to 49–50 saal ki hoti. Khatoon ne khud police ko bataya, laash se smell aati thi is liye freezer kharida. Post-mortem jari.