Lisbon Funicular Derail, 3 Halak, Kai Log Zakhmi
Lisbon ka mashhoor Gloria funicular derail ho gaya, jisme kam az kam 3 log halak aur kai zakhmi hua. Accident Liberty Avenue ke paas 6:15 pm ko hua, funicular high speed mein building se takra gaya. President aur mayor ne isay tragedy qarar diya. Firefighters aur medical staff ne site par rescue operations shuru kar diye.
Sania Saeed Ne Kaha Har Couple Bacche Deserve Nahi Karta
Sania Saeed ne kaha ke har couple bachon ke liye tayar nahi hota. Actress ne eik tv show mein bataya ke bohot se couples emotionally aur mentally strong nahi hote, is wajah se parenting mushkil ho sakti hai. Unhone young parents ke mental health issues aur postpartum depression par roshni daali aur parents ko responsibly faisla karne ki salah di.
Sir, Maine Ghalti Ki Samiya Hijab Ke Mulzim Ka Iqraar
TikToker Samiya Hijab ke alleged kidnapper Hassan Zahid. Courtroom mein unho ne confess kar liya ke usne TikToker Samiya Hijab ko kidnap kiya aur dhamkiyan di, judge ke saamne bola: “Sir, ghalti ho gayi.” Suspect ko 5 din ka police remand mil gaya, authorities us se weapon, cash aur gari recover kar rahi hain.
Medical Board Ne Imran Khan Ke Ear Dental Masail Report Kiye
PIMS medical board ne report jari karte hua bataya ke Imran Khan ki sehat overall theek hai, lekin unke ear aur dental sensitivity ke liye “supportive management” recommend ki gayi hai. January 2024 se specialist checkups chal rahe hain, aur October 2024 se August 2025 tak 15 se zyada tests ho chuke hain. Recent checkup Adiala Jail mein hua.
Bollywood Actress Shilpa Shetty Ka Mashhoor Mumbai Restaurant Band
Bollywood actress Shilpa Shetty ne apna mashhoor Mumbai restaurant Bastian Bandra band kar diya. Yea faisla unhon taab liya jab un par aur unke husband Raj Kundra par INR 60 crore fraud ka ilzaam darj hua. Shilpa ne Instagram par closure announce kiya. Bandra branch band hogayi hai, magar Bastian at the Top chalti rahegi.
Hukoomat Ne Aam Tateel Ka Elan Kiya, Schools Colleges Band
Federal govt ne 6 September ko mulk bhar mein public holiday ka elan kar diya. Yeh chhutti Eid Milad-un-Nabi (SAW) aur Defence Day ke silsile mein hogi. Notification ke mutabiq govt offices, schools, colleges aur private institutions band rahenge. Din ko poore mulk mein mehfilen, durood, aur juloos ke zariye manaya jayega.
CM Sindh Ne Mamta Program Mein Cash Madad Barhadi
CM Sindh Murad Ali Shah ne Mamta Program mein khawateen ki cash madad 30 hazar se barha kar 41 hazar rupay karne ki hidayat di. Program se ab tak 7 lakh 70 hazar khawateen faida le rahi hain, jo 15 districts mein chal raha hai. CM ne program ko 7 naye districts tak expand karne ki manzoori bhi de di.
Karachi Mein 10 Agwa Shuda Bachay Baramad
Karachi mein AVCC ne operation karke 10 agwa shuda bachay baramad kar liye, jismein Abdul Moeez (16), Asghar Ali (2), Mosa (4), Ayan (11) aur doosre bachay shamil hain. 3 afraad giraftar hochuke hein, investigation jari hai. Kal Musa ko bhi agwa hone se bachaya gaya. Hijrat Colony se larki Maira agwa, 15 lakh ransom maanga gaya hai investigations abhi bhi jari hain.
Imran Khan Legal Tareeqe Se Release Honge, Kisi Deal Se Nahi
Adiala Jail mein mulaqaat ke baad Barrister Gohar ne kaha ke Imran Khan sirf legal tareeqe se release honge, kisi deal se nahi. PTI ne by-elections boycott karne ka faisla confirm kar dia, sab members ne standing committees se resign kar dia. Khan sahab ne CM KP Ali Amin Gandapur ko September mein rallies ka zimma de dia.
TikToker Samiya Hijab Kidnap Case, Mulzim Remand Pe
Islamabad court ne TikToker Samiya Hijab ke alleged kidnapper Hassan Zahid ko 5 din ke physical remand pe bhej dia. Samiya ne bataya Hassan rishta reject hone ke baad stalk karta, death threats deta aur zabardasti gari mein bitha kar le gaya. Yaad rahe Samiya ki dost Sana Yousuf bhi isi wajah se qatal hui thi.