Kya Ali Raza Aur Kinza Hashmi Dating Kar Rahe Hain
Fans yeh andazay laga rahe hain ke Ali Raza aur Kinza Hashmi sirf co-stars nahi balke dating bhi karahe hain. Valentines Day par Kinza ki “lover” wali pictures aur ek car detail ne fans ko shak mein daal diya hai. Logon ka kehna hai ke tasveer Ali Raza ki car ki hai, jis ke baad dating rumours aur tez ho gaye hain.
Shamoon Abbasi Aur Sherry Shah Separate Bedrooms Par Baat Karte Hue
Shamoon Abbasi aur Sherry Shah ne apni married life ka ek unique pehlu share kar diya. Dono ne bataya ke woh separate bedrooms rakhte hain aur ek doosray ko space dete hain. Unka kehna hai ke personal space se unki communication behtar hui hai aur unka rishta zyada strong aur healthy bana hai.
Nasir Adeeb Ne Shaan Shahid Ke Khilaaf Jang Ka Elan Kar Diya
Senior Pakistani writer Nasir Adeeb ne actor Shaan Shahid ke khilaaf “jang ka elan” kar diya hai. YouTube vlog mein Nasir Adeeb ne ilzaam lagaya ke Shaan Shahid ne unhein press conference ke doran zaleel kiya. Unhon ne kaha ke zulm ke khilaaf khamoshi ghalat hoti hai aur is rawayye ka jawab dena zaroori tha.
Shahid Afridi Ka Shaheen Shah Afridi Ke Khilaaf Bayan
Shahid Afridi ne Pakistan team ki kharab performance par khul kar baat karte hue apne damaad Shaheen Shah Afridi ko bhi criticize kar diya. Unhon ne kaha ke Babar Azam, Shaheen Afridi aur Shadab Khan ko team se drop kar dena chahiye aur ab naye talent ko mauqa milna chahiye. Is statement par social media par mix reactions aa rahe hain.
Actresses Apni Shadi Par Kiraye Ke Joray Aur Jewelry Pehanti Hain: Laiba Khan
Pakistani actress Laiba Khan ne khulasa kiya hai ke zyada tar actresses apni shadi par rent ke joray aur jewelry pehanti hain. Unka kehna hai ke mehngai ki wajah se mehnga bridal jora khareedna ab zaroori nahi. Laiba ne kaha ke shadi ka asal maqsad khushi aur naya rishta hota hai, na ke kapron ki numaish.
“Be Prepared” Saba Qamar Ka Ishara: Kya Kuch Bara Aane Wala Hai?
Pakistani actress Saba Qamar ne Instagram Story par aik cryptic message share kar ke fans ko curious kar diya hai. Unhon ne followers ko “be prepared” rehne ka kaha, jisse naye project ya announcement ki speculation shuru ho gayi. Yeh post unke recent statement ke baad aayi jo freedom of expression par thi.
Nadia Afgan Ka Social Media Par Celebrities Ke Show Off Par Rad-e-Amal
Pakistani actress Nadia Afgan ne social media par celebrities ke show-off culture par apni raye de di hai. Samaa TV ke show Subh Ka Samaa mein baat karte hue unhon ne kaha ke social media ab earning ka zariya ban chuka hai, lekin Islam humein private cheezein chupane aur low-profile rehne ki taleem deta hai.
Muneeb Butt Aur Laiba Khan Ke Naye Drame Ki Tafseelaat
Pakistan ke mashhoor and talented actors Muneeb Butt aur actress Laiba Khan pehli martaba ek sath naye drama serial Tapish mein nazar aayenge. Yeh project Geo Entertainment ke liye banaya ja raha hai, jise 7th Sky Entertainment produce kar raha hai. Drama mid-2026 mein on-air hone ki umeed hai.
Valentine’s Day Par Alina Aamir Ka Stunning Style Sab Ki Tawajjo Ka Markaz Ban Gaya
Pakistani mashhoor TikToker Alina Aamir ne Valentine’s Day par Instagram par khoobsurat tasveerain aur ek video share ki. Video mein unhon ne lip-sync ke zariye mohabbat ka paighaam diya. Maroon dress, phool aur surkh balloons ke saath unki tasveerain social media users ko kaafi pasand aa rahi hain, Aur unki pics sab jagah viral horahi hain.
Zainab Yousaf Ki Larkiyon Ko Sugar Daddies Ke Hawalay Se Tips
Pakistani model Zainab Yousaf ne sugar daddies ke hawalay se larkiyon ko advice de di hai. Aik podcast mein baat karte hue unhon ne kaha ke aise mardon se shadi ki umeed rakhna ghalat hai kyun ke woh pehle se shadi shuda hotay hain. Unka kehna tha ke ya toh apna career banayein ya phir jazbati nuqsaan se bach kar practical sochain.