“Resham Aik Behtareen Insan Hain, Doosron Ki Tazleel Band Karo” Mishi Khan Ka Deedar Ke Bayan Par Shadeed Rad-E-Amal
Mashhoor host Mishi Khan ne Deedar ki janib se Resham par lagaye gaye ilzamaat ka karara jawab de diya. Mishi ne kaha ke ratings ke liye doosre adakaaron ki tazleel band honi chahiye. Unhon ne Resham ko aik behtareen insan qarar dete hue kaha ke jo log unki niji zindagi par baat kar rahe hain, wo pehle apne gireban mein jhaankein.
“Gas Nahi Aati Magar Bill 26 Hazaar Kya Main Gas Kha Rahi Hoon?”: Sadia Imam
Sadia Imam ne gas ke bhari bills par hukumat par kadi tanqeed kardi. Unhon ne gussay mein sawal kiya ke gas na hone ke bawajood 26 hazaar bill kaise agaya? Sadia ka kehna hai ke itne bhari bill dekh kar aisa lagta hai jaise wo gas kha rahi hain. Unka ye bayan mehangai se pareshan awaam ki bharpoor tarjumani kar raha hai.
“Meera Khamoshi Se Aag Se Guzar Gayi” Adakaara Ka Apni Zindagi Ki Androoni Jangon Par Jazbaati Paighamaat
Meera ne social media par apni zindagi ki mushkilaat ke bare mein aik gehri baat share kardi. Unhon ne kaha ke har mazboot aurat ki zindagi mein aik aisa chapter hota hai jo wo kabhi bayan nahi karti. Aur bataya unhon ne bhi khamoshi se mushkil waqt guzara hai aur wo aaj bhi har mushkil ka samna karne ke liye khari hain.
“Numbers Sab Kuch Bayan Karte Hain” Ali Ansari Ka Sajal Aly Ke Muqablay Mein Apna Drama Zyada Hit Hone Par Dilchasp Inkishaaf
Ali Ansari ne Sajal Aly ke muqablay mein apna drama hit hone par khul kar baat ki. Unhon ne kaha ke Sajal ka drama “Dil Wali Gali Mein” production ke lehaaz se behtar tha, magar views aur ratings mein unka drama baazi legaya. Ali ne industry ke makhsoos “groups” par bhi tanqeed ki aur naye logon ko mauqa dene ka mashwara diya.
“Bohat Baray Drame Mein Jald Araha Hun” Tabish Hashmi Ka Film Debut Ke Baad Acting Mein Bara Dhamaka Karne Ka Elan
Mashhoor host Tabish Hashmi ne apni film “Aag Lagay Basti Mein” ki kamyabi ke baad aik aur bara inkishaaf kar diya. Hassan Choudary se baat karte hue unhon ne bataya ke wo bohat jald aik “bohot baray drama project” mein nazar anay walay hain. Film debut ke baad ab fans unhein dramas mein acting karte dekhne ke liye be-tab hain.
“Mera Account Hack Hua Tha” Naseem Shah Ka Maryam Nawaz Par Tanqeedi Tweet Se Inkaar, PCB Ne Show-Cause Notice Jari Kar Diya
Naseem Shah ne CM Punjab Maryam Nawaz ke khilaaf viral tweet se la-taluqi ka izhaar kar diya. Tweet mein Maryam Nawaz ke stadium anay par tanqeed ki gayi thi, jisay Naseem ne “account hack” honay ka nateeja qarar diya hai. Is controversy ke baad PCB ne Naseem Shah ko show-cause notice jari kar ke unse wazahat talab kar li hai.
Shaan Shahid Aur Sara Loren Ke Bharat Mein Kaam Karne Par Mukhtalif Nazaryaat
Shaan Shahid aur Sara Loren ne Bharat mein kaam karne par mukhtalif raye ka izhaar kiya hai. Shaan ka kehna hai ke wahan adakaaron ko wo izzat nahi milti jo Pakistan mein hai, isliye unhon ne wahan kaam na karne ka faisla kiya. Sara Loren ne ikhtelaf karte hue kaha ke Bollywood mein kaam karne se artist ko behtareen exposure milta hai.
“Main Khud Victim Ban Kar F.I.A Gayi” Bee Gul Ka Drama “Aik Aur Pakeezah” Ki Haqeeqi Research Par Bara Inkishaaf, Fans Hairan
Bee Gul ne apne drame “Aik Aur Pakeezah” ki research ke liye bada qadam liya tha. Unhon ne inkishaaf kiya ke haqeeqi surat-e-haal janne ke liye wo khud “victim” ban kar F.I.A aur lawyers ke paas gayein. Bee Gul ne c*ybercrime ke v.ictims ke saath hone wale rawayye ko qareeb se dekh kar drame ko intehai haqeeqi banaya hai.
Nida Yasir Aur Yasir Nawaz Ka Europe Mein Vacation
Pakistan ki mashhoor jori Nida Yasir aur Yasir Nawaz aaj kal Europe mein vacations enjoy kar rahe hain. Is saal unhon ne Eid bhi Europe mein guzari, jahan unhon ne Netherlands ki tareekhi jagahon ki sair ki. Nida Yasir apne makhsoos “gypsy style” libas mein bohat pur-kashish nazar aa rahi hain.
“Resham Ne Kai Ghar Tabah Kiye” Adakaara Deedar Ka Resham Par Sangeen Ilzaam
Punjabi filmon ki star Deedar ne adakaara Resham par ghar tabah karne ka sangeen ilzaam laga kar sab ko hairan kar diya. Deedar ka kehna hai ke Resham asli zindagi mein intehai “negative” hain aur unhon ne kai logon ki zindagiyan kharab ki hain. Unhon ne Resham ke mojooda doston ko bhi unse bach kar rehne ki sakht hidayat di hai.