No Artist Deserves To Be Treated Like A Criminal: Sonya Hussyn
Sonya Hussyn ne Nadia Khan ki Talha Anjum par on-air tanqeed ko beja qarar dete hue kaha ke koi bhi funkaar criminal jaisa bartao deserve nahi karta. Unhon ne wazahat ki ke fan ki mohabbat par Indian flag uthana kisi ghaddari ka saboot nahi. Sonya ke mutabiq Talha ek self-made artist hai jise izzat milni chahiye, na ke zaleel karna.
Nafrat Ne Khudkhushi Par Majboor Kar Dia Tha: Feroze Khan
Feroze Khan ne ek interview mein bataya ke social media ki nafrat, court ke chakkar aur bachon se doori ne unhein gehri zehni kashmakash mein daal diya. Unhon ne kaha ke woh ek dafa behosh ho gaye aur apni zindagi khatam karne ka socha. Feroze ke mutabiq unki walida ki duaon ne unhein wapas zindagi ki taraf lautaaya.
Massive Hit, Sirf 4 Episodes Ne 50M Views Cross Kar Liye
Pakistani drama Meri Zindagi Hai Tu sirf chaar episodes mein 50 million views cross karke massive hit ban gaya hai. Bilal Abbas Khan aur Hania Aamir ki onscreen chemistry ne social media par zabardast buzz create kiya hai. Kuch logon ne drama ko zyada “looks-focused” qarar diya, lekin digital platforms par iski popularity tezi se barhti ja rahi hai.
Iqra Aziz Aur Saheefa Jabbar ka Jhagra Kis Baat Par Hua?
Toronto ke club mein Iqra Aziz, Yasir Hussain aur Saheefa Jabbar ke darmiyan ek ghalat fehmi ki wajah se jhagra ho gaya. Saheefa ke mutabiq Yasir zara zyada friendly behave kar rahe the, jis par Iqra naraaz ho gayi aur unhone gusse mein Yasir par drink phenki aur Saheefa ko thappad bhi mara, magar saheefa ne mana galati zyada iqra ki thi.
Sushmita Sen Ne Heart Surgery Behoshi Ke Baghair Kyun Karwai?
Sushmita ne ek interview mein khulasa kiya ke unhon ne heart surgery se pehle behoshi ka injection lagwane se inkaar kar diya tha. Unka kehna tha ke woh operation ke doran hosh mein rehna chahti theen kyunke be-khabar reh kar surgery karwana unhein aur zyada khaufnaak laga raha tha Sushmita ne bataya operation ke doran woh doctors se baat karti rahi thi.
Faizan Sheikh Ka Bollywood Par Tanz “Har Dafa Wohi Purani Story”
Faizan Sheikh ne Bollywood ki film Dhurandhar par tanz kay sath stereotypical Pakistani portrayal ko mock kiya. Social media post mein unhon ne hint diya ke Bollywood har dafa wohi purani kahani dobara sunata hai aur “kuch naya try karo” ka mashwara diya۔ Trailer mein Lyari ke gang conflicts , PPP flags aur Benazir references ne bhi Pakistanis mein gussa paida kiya hai.
Mangni Mein Nahi Pohanche, Shadi Mein Dair Se Aaye: Salman Saeed
Pakistani actor Salman Saeed ne bataya ke woh apni mangni mein shamil nahi ho sake aur shadi mein bhi dair se pohanche. Unhone is ki wajah Karachi mein shootings aur COVID-19 ki wajah se darr aur musibatein batayi. Salman ne khud wedding preparations ka intezam kiya, photos khinchi aur mehndi aur shadi ke mamlaat ko manage kiya.
Shohar Agar Biwi Ko Makeup Bhi Nahi Dila Sakta To Shadi Nahi Karni Chahiye
Kanwal Khan ne kaha ke agar shohar apni biwi ko makeup ya beauty care ka saman bhi nahi dilwa sakta to usay shadi nahi karni chahiye. Unke mutabiq biwi ke liye food, shelter aur zaroori cheezen provide karna shohar ki zimmedari hai. Kanwal ne yeh bhi kaha ke parents ko apne beta ki kabil-e-itminan honay ki jaach karni chahiye shadi se pehle.
Poore Career Mein Itna Paisa Nahi Kamaya Jitna YouTube Ne Diya
Farah ne Soha Ali Khan ke podcast mein bataya ke unhone apne poore career, hatta ke itni saari filmein direct karne ke bawajood bhi kabhi itna paisa nahi kamaya jitna unhe YouTube se mila. Unke cooking vlogs jo unke khansama Dilip ke saath viral hue ne unke channel ko bohot popular bana diya. Farah kay mutabiq youtube har pressure se pak hai.
Zindagi Ka Pehla Crore Kis Umar Mein Kamaya?
Bollywood actor aur businessman Vivek Oberoi ne kaha ke unhone sirf 16 saal ki umar mein apna pehla 1 crore rupaye kamaye. Pehle 15 saal mein hi woh financially independent ho gaye the aur apni mehnat se stock market mein trading karke paisa kamaya. Aaj woh multiple businesses chala rahe hain aur unke kul assets taqreeban 1200 crore rupaye hain.