Bollywood Stars Ka AI Ke Khilaaf Faisla, Aishwary Ne “Apni Pehchaan” Bachane Ke Liya Qanoon Ki Madad Li
Bollywood ke bade sitaare jaise Karan Johar, Aishwarya Rai aur Abhishek Bachchan ne apne personality rights legally protect karne ka faisla kiya hai, taake unke chehre, awaaz aur andaaz deepfake videos aur fake content mein misuse na ho. AI aur deepfake ke daur mein ye qadam filmy duniya ke liye eik badi legal tareekh samjhi ja rahi hai.
Kartik Aaryan Ka ‘Naagzilla’ Poster Shoot Wrap, Film Ki Shooting 1 November Se Shuru!
Kartik Aaryan ne apni upcoming creature comedy Naagzilla: Naag Lok Ka Pehla Kaand ka poster shoot complete kar liya hai. Film ki shooting 1 November se shuru hogi. Dharma Productions aur Mahaveer Jain ke banner tale banne wali is film mein Kartik eik ichchadhaari naag ka kirdar nibhayenge. Naagzilla 14 August 2026 ko release hogi Naag Panchami aur Independence Day weekend par.
Fans Ne khatam Kar Diya Nepotism! Harshvardhan Rane Ne Diwali Hit Par Shukriya Ada Kiya
Harshvardhan Rane ne apni film Eik Deewane Ki Deewaniyat ki kamyaabi par fans ka shukriya ada karte hue kaha ke “aap logon ne nepotism hi khatam kar diya.” Unka kehna tha ke iss Diwali, logon ne outsiders Ayushmann Khurrana aur unki films ko support karke Bollywood mein eik misaal qaim kar di. Film box office par zabardast perform kar rahi hai.
Hira Khan Ne Cheekh Kar Daku Bhagaya “Himmat Na Hoti To Lut Jaate!”
Pakistani actress Hira Khan ne eik show mein hairat angez waqia share kiya ke unhon ne apni do saheliyon ke saath mil kar eik daku ko bhaga diya. Yeh waqia lockdown ke doran Karachi mein wapas aya jab eik aadmi ne unse loot maar ki koshish ki. Hira ne cheekh kar aur hosla dikhate hua use bhagaya.
“Main Apne Bachon Ke Diapers Khud Badalta Hoon,” Mohib Mirza Ka Khulasa
Pakistani actor Mohib Mirza ne eik podcast mein kaha ke bachon ki parwarish sirf maa ki zimmedari nahi hoti, baap ko bhi barabar ka hissa lena chahiye. Unhon ne bataya ke woh apne dono bachon ke diapers khud badalte hain aur ghar ke kaamon mein Sanam Saeed ka pura saath dete hain, jaise bartan dhona aur safai mein madad karna.
Mera Muqabla Urvashi Se Nahi, Shakira Se Karo, Rakhi Sawant Ka Dhamakedaar Bayan
Bollywood actress Rakhi Sawant ne Urvashi Rautela se apna muqabla karne walon par ghussa zahir karte hua kaha ke “mera muqabla Shakira, JLo aur Kim Kardashian se karo, Urvashi se nahi main uski tarah jhoot nahi bolti.” Rakhi apne naye gaane Zaroorat ki promotion mein mehengi jewelry pehne nazar aayin jiska daawa hai ke qeemat 70 crore rupay hai.
Mahira Khan Ka Dilchasp Iqraar: Shadi Ka Jora Bahu Ke Liye Sambhal Rakha Hai!
Pakistan ki mashhoor actress Mahira Khan ne Eik interview mein unhon ne bataya ke woh apna shadi ka jora apni bahu ko dena chahti hain. Mahira ne kaha ke unka jora Umar Saeed ne tayyar kiya tha, jo eik khaas Hyderabadi design hai, mohabbat aur jazbe se bana hua.
Aamna Sheikh Ka Mashwara: “Larkiyon Ko Shadi Ka Faisla Akele Nahi Lena Chahiye”
Aamna Sheikh ne eik podcast mein kaha ke larkiyon ko shadi ka faisla akele nahi lena chahiye, balke waliden ki raza mandi zaroori hoti hai. Unhon ne bataya ke unki doosri shadi parents ke mashware se hui, aur agar pehli bhi woh karwate to behtar hoti. Aamna ne kaha, “Waliden zindagi ke faisle behtar samajhte hain.”
Alizeh Shah Ne Sab Posts Delete Kardi Or Kaha…
Pakistan ki khoobsurat aur mashhoor actress Alizeh Shah ne eik baar phir social media ko alvida keh diya hai. Unhon ne apne Instagram se tamam tasveerain delete kar di hain aur kaha ke woh is faislay se khush hain. Alizeh ka kehna tha ke “woh purani Alizeh wapas nahi aayegi,” fans ne unki mental health par fikar ka izhar kiya.
Hrithik Roshan Aur Saba Azad Ki Romantic Holiday Photos Ne Fans Ka Dil Jeet Liya!
Saba Azad ne apne boyfriend Hrithik Roshan ke saath holiday photos Instagram par share kar ke fans ko delight kar diya. Dono ko winter outfits mein Beverly Hills, Los Angeles mein enjoy karte dekha gaya. Caption mein Saba ne likha, “Nothing better than winter walking.” Fans ne comment section ko pyaare messages se bhar diya, keh rahe hain.“So cute together!”