Pakistani Sitaare “Met Gala” Ke Red Carpet Par
Pakistani sitaron ne AI technology ka istemal karte hue “Met Gala” ke carpet par apne khayali looks share kiye hain. Azfar Rehman, Ahmed Ali Butt aur Qudsia Ali samait kayi adakaaron ki ye viral tasaveer dekh kar fans hairan reh gaye. In tasaveer mein dikhaya gaya hai ke agar Pakistani celebrities is bade event ka hissa hote to wo kaise lagte.
Showbiz Walay Paison Ke Liye Jhoot Dikhate Hain; Hira Mani
Adakaara Hira Mani ne showbiz industry ke baaray mein aik bada bayan diya hai. Unka kehna hai ke showbiz se taluq rakhne wale log paison ki khatir jhoot dikhate hain aur isi jhoot ko aage barhatay hain. Unke is bayan ne social media par aik nayi bahas chher di hai.
“Ab Sirf Apni Sehat Par Tawajjo Hai”; Zara Tareen Ka Mushkil Waqt Ke Baad Zindagi Mein Aane Wali Tabdeeliyon Par Bayan
Adakaara Zara Tareen ne apni zindagi ki mushkilat aur heartbreak par khul kar baat ki hai. Unhon ne bataya ke takleef-deh halat ke baad ab woh sirf apni sehat aur zaat par tawajjo de rahi hain. Zara ka manna hai ke akele waqt guzarnay se insaan ko apni fitrat samajhne aur purani galtiyan na dohrane mein madad milti hai.
Shahzad Nawaz Ko Podcast Mein Smoking Karna Mehnga Par Gaya; Social Media Par Ghair Zimmedarana Rawayye Par Fans Barham
Adakaar Shahzad Nawaz ko podcast ke doran cigarette noshi karne par sakht tanqeed ka samna hai. Sarifeen ka kehna hai ke interview ke doran smoking karna ghalat tarz-e-amal hai aur ye akhlaqiyat ke khilaaf hai. Logon ne mashwara diya ke unhein on-screen aisi ghair-zimmedarana rawayye se parhez karni chahiye.
“Wo Mera Account Nahi Tha”; Zoha Waseem Ka Alizeh Shah Ke Sath Shuru Hone Wali Behas Par Bara Inkishaaf
Singer Zoha Waseem ne Alizeh Shah ke sath lafzi jung ki tardeed kar di hai. Unhon ne wazahat ki ke Twitter par Alizeh ko jawab dene wala account fake tha. Zoha ka kehna hai ke unka sirf aik hi official account hai aur wo X (Twitter), Threads ya YouTube par mojood nahi hain.
“Danish Taimoor Maghroor Ho Gaye Hain”; Uzma Tahir Ka Adakaar Ke Badle Hue Rawayye Par Sakht Radd-e-Amal
Uzma Tahir ne Danish Taimoor ko sakht tanqeed ka nishana banate hue unhein arrogant kaha. Unhon ne kaha ke Danish apni kamyabi ke baad purane sathiyon ko bhool gaye hain aur unhon ne Uzma ke podcast mein aane se bhi inkar kar diya. Uzma ne Danish ke purane dinon ki yaad dilate hue kaha ke unhein apni shuruat nahi bhoolni chahiye.
“Mujhe To Pata Hi Nahi Tha”; Jannat Mirza Ka Viral Mangni Ki Video Par Hairat Angez Rad-e-Amal
TikTok star Jannat Mirza ne apni mangni ki viral video par khamoshi tod di hai. Unhon ne aik mazaahiya Instagram story share ki jis mein likha ke unhein apne bare mein aisi khabrein mil rahi hain jo unhein khud bhi nahi maloom. Is rad-e-amal se saaf zahir hota hai ke mangni ki khabar mehaz aik afwah thi.
Ahmed Randhawa Ka Mashhoor Star Se Mohabbat Ka Izhaar; Date Ki Offer Thukraye Jaane Ki Kahani Viral
Adakaar Ahmed Randhawa ne inkishaaf kiya hai ke unhon ne school ke zamane mein aik aisi larki ko date karne ki koshish ki jo aaj media ki bari star hai. Unhon ne bataya ke woh larki unse do saal senior thi magar us waqt woh kisi aur ko date kar rahi thi, jis wajah se unki baat nahi ban saki.
Gohar Har Role Mein Jaan Daal Dete Hain; Kubra Khan
Adakaara Kubra Khan ne apne shohar aur adakaar Gohar Rasheed ki khulay dil se tareef ki hai. Instagram par aik jazbaati story share karte hue unhon ne kaha ke Gohar har tarah ke mushkil role ko bakhoobi nibhana jante hain. Fans is jori ki aik doosre ke liye mohabbat ko boht pasand kar rahe hain.
Iqrar Ul Hassan Ki Wives Qurat Aur Aroosa Ki Dosti Shadeed Trolling Ka Shikar
Iqrar ul Hassan ki wives, Qurat ul Ain aur Aroosa Khan, ko unki dosti ki wajah se social media par sakht tanqeed ka samna hai. Edinburgh se share ki gayi tasveeron mein dono ka piyar dekh kar viewers ne mazaq udaya aur unhein “shameless” qarar diya. Bohat se logon ne Iqrar ul Hassan ki teen shadiyon par bhi sawal uthaye hain.