Senior adakara Asma Abbas aik bar phir dadi banne wali hain. Unhon ne apni bahu ki godh bharai ki rasm se dilchasp tasaveer social media par share karten hue apni khushi ka izhar kiya hai. Is moqay par beti Zara Noor Abbas aur bahu ke sath khushgawar lamhat ki tasaveer behad pasand ki ja rahi hain.
Indian Journalist Faridoon Shahryar ne Pakistani drama ‘Dar-e-Nijat’ aur Sheheryar Munawar ke kirdar ‘Abu Bakar’ ki behad tareef ki hai. Unhon ne kaha ke Sheheryar ne sab par jadu kar diya hai aur drama India samet sarhad ke dono taraf aur overseas market mein tareekhi maqbooliyat hasil kar raha hai.
Hit drama ‘Dar-e-Nijat’ mein Sheheryar Munawar ke kirdar ‘Abu Bakar’ par netizens ne aik mazakiya galti pakar li hai. Social media meme makers aur fans ka kehna hai ke Abu Bakar har cheez mein perfect hai lekin lagta hai driving mein nahi, jis par ab Internet par mazakiya charcha jari hai.
Maaroof adakara Durefishan Saleem ne Hajj ke apne rohani tajurbe par baat karte hue kaha ke Hajj ne unhein Allah ke har faisle ko imaan aur bharose ke sath qabool karna sikhaya hai. Unka yeh imani bayan fans ke dilon ko chhu raha hai aur social media par behad pasand kiya ja raha hai.
Maaroof adakara Mishi Khan ne fashion show mein kalaam ke istemal par sakht nafrat ka izhar kiya hai. Unka kehna hai ke kalaam ki aik khas izzat aur muqaddas maqam hota hai, is liye isay kisi bhi fashion show ya commercial maqsad ke liye istemal nahi kiya ja sakta.
