Lock-Up star Shreya ne Pakistani actress Hania Aamir ki taraf se social media par follow kiye jaane par apni khushi ka izhar kiya hai. Unhon ne mazak mein bataya ke wo filhal Hania ko follow-back nahi kar sakteen. Unki is dilchasp aur khush-gawar baat ne social media par fans ki tawajjo hasil kar li hai.
Bushra Ansari ne wazahat ki hai ke unki alahdagi se mutaalliq kahani Syra Yousuf aur Shahroz Sabzwari ke baare me nahi thi. Unhon ne bataya ke wo kahani unke banker doston ki thi. Bushra Ansari ne Syra ki tareef karte hue bataya ke Syra ke Shahroz ke ghar walon ke sath ab bhi ache talluqaat hain.
Maroof adakaara Nimra Khan ne apni dusri alahdagi ke baad shohar ko social media par open “narcissist” qaraar diya hai. Instagram story par post share karte hue unhon ne kaha ke narcissist log humsafar nahi balke ghulam chahte hain. Un ke is bayaan par social media users mukhtalif rad-e-amal de rahe hain.
Maroof actor Faysal Qureshi ne Hania Aamir ki maqbooliyat par izhar-e-khayal karte hue kaha ke aaj kal har taraf unhi ka raj hai. Unka kehna tha ke agar aap bahir niklein aur signboards dekhein to har jagah Hania Aamir hi nazar aayengi, aur har cheez un ke naam par bik rahi hai.
Maroof actor Shahood Alvi ne morning show Good Morning Pakistan me gharelu khawateen ke hawale se tanzia bayanat diye hain. Unka kehna tha ke mard ke ghar aane par khawateen se adrak lehsan ki boo aati hai. Shahood Alvi ke is bayan par social media par kafi tanqeed ki ja rahi hai.
