Fahad Mustafa Is Saal Apni Teesri Film Ke Sath Cinema Gharon Me Wapis Aa Rahe Hain, Jis Me Sab Se Bara Surprise Maroof Rapper Talha Anjum Ka Acting Debut Hai. Talha Anjum Film Mein, Main Villain Ka Kirdar Ada Karein Ge Jo Pakistan Ki Talkh Haqaiq Ko Ujagar Kare Gi.
Maroof Adakaar Aur Model Sonya Hussyn Ne Apni Salgirah Ke Mauqay Par Aik Bare Birthday Dinner Ka Intezam Kiya, Jis Me Showbiz Industry Ke Bare Stars Ne Shirkat Ki. Rust Orange Dress Me Malboos Sonya Ki Is Party Me Zara Noor Abbas, Asad Siddiqui, Amna Ilyas Aur Umer Aalam Samait Digar Maroof Fankar Nazar Aaye.
Psychologist Aur Social Media Personality Dr. Nabiha Ali Khan Ko Apne Halia Bayanat Par Sakht Tanqeed Ka Samna Hai. Unhon Ne Aik Podcast Me Khawateen Aur Barhte Hue Tashaddud Ke Cases Par Guftagu Ki, Jis Par Social Media Users Ne ‘Victim Blaming’ Ka Ilzam Lagate Hue Shadeed Naraazi Ka Izhar Kiya Hai.
Maroof Television Host Aur Social Media Personality Mathira Ki Bold Aur Body-Hugging dress Me TikTok Reels Par Social Media Users Ne Shadeed Tanqeed Ki Hai. Lambay Arsay Baad Un Ki Cosmetic Procedures Aur Weight Gain Par Bohat Se Shaiqeen Ne Unhein Body-Shame Kiya, Jabke Mathira Bilakhauf Aisi Videos Share Karti Rehti Hain.
“Haute Talk” YouTube Show Me Hassan Choudhary Se Baat Karte Hue Actress Sehar Hashmi Ne Drama ‘Zanjeerain’ Ke Set Par Co-Actors Ke ‘Cold Behaviour’ Par Wazahat Di Hai. Unhon Ne Kaha Ke Un Ka Ishara Cast Ya Danyal Zafar Ki Taraf Nahi Tha, Balkay Set Par Kuch Behind-The-Scenes Staff Ka Rawayya Rude Tha.
