“Har Maa Mere Jaisa Beta Aur Har Biwi Mere Jaisa Shohar Chahti Hai”: ‘Jeeto Pakistan’ Se Milne Wali Maqbooliyat Par Fahad Mustafa Ka Bada Dawa

Fahad Mustafa ne BBC Urdu ko diye gaye aik interview mein khawateen mein apni maqbooliyat par baat ki hai. Unhon ne kaha ke 14 saal se game show ‘Jeeto Pakistan’ host karne ki wajah se unhein aisi maqbooliyat mili hai ke ab Pakistan ki har maa un jaisa beta, har behen un jaisa bhai aur har biwi un jaisa shohar chahti hai.