‘Doodh Ki Dhuli Nahi Hai’: Mathira, Rakhi Sawant Ke Sulook Par Bharak Uthi
Model aur host Mathira ne Indian actress Rakhi Sawant ko “manhoos aurat” keh diya. kehna tha, “Rakhi doodh ki dhuli nahi, jaan boojh kar hume tang karti rahi.” Podcast mein Mathira ne bataya ke Rakhi ne interview bistar par let kar diya aur baar baar line kaati. Fans ne bhi Rakhi ko “drama queen” keh diya!
Amitabh Bachchan Ko Dhamkiyan, Diljit Dosanjh Se Mulaqaat Mehngi Par Gayi
Bollywood legend Amitabh Bachchan ko security threats mil gaye hain, sab kuch hua Diljit Dosanjh se milne ke baad! KBC show mein Diljit ne izzat ke taur par Bachchan ke pair chhuye the, jiske baad eik extremist group ne dono ko dhamkian di hain. Agencies alert hain aur unki security tight kar di gayi hai.
Romance Abhi Naya Naya Aya Hai Zindagi Mein, Main Us Se Lutf Andoz Ho Rahi Hoon: Saba Qamar
Pakistani actress Saba Qamar ne khulasa kiya ke romance abhi naya naya aya hai unki zindagi mein aur wo us ka poora maza le rahi hain! Podcast mein baat karte hue unhon ne bataya ke shooting ke doran unhe mild heart attack hua tha. Ab theek hain aur kehti hain, “Stress bhi dil ka dora la sakta hai.”
Karachi Ganda Nahi, Logon Ki Soch Gandi Hai, Javeria Saud Ka Dou Took Jawaab
Actress Javeria Saud ne Saba Qamar ke Karachi wale bayan par kaha, “Karachi ganda nahi, logon ki soch gandi hai!” Saba ne eik interview mein “Astaghfirullah” keh kar Karachi move karne se inkaar kiya tha, jise logon ne city-bashing samjha. Javeria ne kaha, “Jo Karachi ko bura kehta hai, wo apne mulk ko bura kehta hai.”
Joint Family Mein Khush Hoon Magar Masail Bhi Zyada Hotay Hain: Hassan Ahmed
Actor Hassan Ahmed ne kaha ke wo joint family system mein reh kar khush hain, lekin mante hain ke problems bhi zyada hoti hain! Apni wife Sunita Marshall ke sath event mein unhon ne bataya ke drama “Jama Taqseem” mein unka role naye mor par hai. Fans ne unki family values aur realistic soch ko appreciate kiya.
Deepika Padukone Ne Sabse Pehle Film Crew Ke Liye Fixed Working Hours Aur Overtime Pay Ki Baat Ki
Deepika ka purana interview viral ho gaya, jahan usne sabse pehle film crew ke liye fixed working hours aur overtime pay ki demand ki! Deepika ne kaha, “Crew pehle aata hai aur sabse baad jaata hai, unhe fair pay aur sehatmand khana milna chahiye.” Ab 8 ghante ki shift maangne par log troll kar rahe hain.
Emraan Hashmi Ne Film ‘Animal’ Ki Tareef Ki, Filmmaking Style Ko “Bold Aur Uncorrupted” Qarar Diya
Bollywood ke OG star Emraan Hashmi ne film ‘Animal’ ki tareefon ke pul baandh diye! Unhone director Sandeep Reddy Vanga ko “uncorrupted aur bold filmmaker” kaha. Emraan ne kaha ke Animal eik raw, fearless aur emotional film hai jise Vanga ne pure conviction ke saath banaya “ye film dil se nikli hai,” unka kehna tha!
Ananya Panday Aur Lakshya Ki Starrer Chand Mera Dil 10 April 2026 Ko Cinemas Mein Release Hogi
Ananya Panday aur Lakshya ki pehli romantic film Chand Mera Dil ab confirm ho gayi hai ye film 10 April 2026 ko cinemas mein release hogi! Dharma Productions ki iss movie ko direct kar rahe hain Vivek Soni, jabke producers hain Karan Johar, Adar Poonawalla, aur Apoorva Mehta. Ye Ananya aur Lakshya ki pehli on-screen jodi hogi!
Sahir Lodhi Ne Apni Ahliya Ko Showbiz Se Kyun Door Rakha Hai?
Host aur actor Sahir Lodhi ne pehli dafa bataya ke unki wife showbiz se door is liye hain kyunki wo shohrat nahi, sakoon bhari zindagi pasand karti hain. Dua Malik ke podcast mein Sahir ne kaha, “Main ne kabhi mana nahi kiya, wo khud spotlight se door rehna chahti hain.” Fans ne unki respect aur privacy ki tareef ki.
Farah Khan Kehti Hain Wo Samajhti Hain Outsiders Ka ‘Nepo Babies’ Par Gussa
Farah Khan ne kaha ke wo outsiders ke nepo babies par gusse ko achi tarah samajhti hain. Podcast mein Sania Mirza se baat karte hue Farah ne bataya ke unka bachpan bohot mushkil tha eik kamre ke ghar mein rehte the aur paison ke liye struggle karti rahi. Unhone kaha, “Aaj kal sabko struggle story chahiye, chahe asli ho ya fake.”