Main Showbiz Mein Faqeer Ki Tarah Mehsoos Karti Thi, Is Liye Kaam Chhod Diya, Iffat Omar
Senior actress aur host Iffat Omar ne hairat angez inkishaaf kiya ke showbiz mein “main apne aap ko faqeer ki tarah mehsoos karti thi” isi wajah se unhone kaam chhodne ka faisla kia. Iffat ne kaha, “Industry mein izzat aur sukoon kam hai, is liye maine door rehna behtar samjha.” Unka bayan social media par viral!
Good Morning Pakistan Mein Nida Yasir Ke Over Make-Up Par Sab Ne Criticize Kia, White Base, Dark Countour!
Morning show host Nida Yasir eik baar phir social media par tanqeed ka nishana ban gayi! Good Morning Pakistan ke latest episode mein unka over make-up look viral ho gaya. Fans ne kaha, “White base ne Nida ka natural complexion kharab kar dia.” Eik user ne likha, “Unka contour beard jaisa lag raha tha!”
CSS Imtihaan Shoqia Diya, Phir Adakari Ka Rasta Chuna: Hamza Ali Abbasi
Mashhoor actor Hamza Ali Abbasi ne podcast mein inkishaaf kiya ke unhone CSS exam shoqia tor par dia tha aur police officer ke tor par service bhi join ki thi ye sab eik shart ke nateejay mein hua jo unhone apni walida se lagayi thi. Hamza ne kaha, baad mein samjha ke meri fitrat sarkari naukri ke liye nahi.
Ahliya Dipika Jigar Ke Stage 2 Cancer Se Lar Rahi Hain: Shoaib Ibrahim
Indian actor Shoaib Ibrahim ne dil dukha dene wala inkishaaf kiya ke unki ahliya Dipika Kakar liver cancer stage 2 se lar rahi hain. Shoaib ne social media par bataya ke hospital visits unki zindagi ka hissa ban chuka hain. Unhone kaha, “Report ka intezaar sabse mushkil hota hai dua hai sab kuch theek ho jaaye.”
Khalil ur Rehman Qamar Ko Nazebah Video Viral Karne Ki Dhamki, 1.5 Crore Tawaan Ka Mutaalba
Mashhoor drama writer aur director Khalil ur Rehman Qamar ko naa maloom shakhs ne nazebah video viral karne ki dhamki dete hue 1.5 crore rupay tawaan ka mutaalba kar dia! Lahore Police ne waqia ka notice le kar tehqiqaat shuru kar di hain. Khalil ur Rehman ne kaha “Mujhe musalsal bhatta khoron ki calls aur messages mil rahe hain.”
Romaisa Khan Ko Maazi Mein Apne Hi Talib-e-Ilm Ki Jaanib Se Shadi Ki Peshkash!
Mashhoor actress aur social media star Romaisa Khan ne hairat angez inkishaaf kiya ke unhe apne ex student ki taraf se shadi ki peshkash mili thi! Geo TV ke program Hansna Mana Hai mein unhone bataya ke woh 17 saal ki umar mein tuition deti thin iPhone khareedne ke liye. Romaisa ne kaha, “Peshkash par bas hans di.”
Zindagi Ka Asal Maqsad Sirf Ghoomna Phirna Hai? Haan! Jannat Mirza Ka Jawab
Pakistani ki mashhoor or dilon pay raaj karne wali Influencer aur TikTok Star Jannat Mirza ne apni behn Alishba Anjum ke sath Japan vacations ki tasveerain share ki. Eik follower ne comment kia, “Kya zindagi ka asal maqsad sirf ghoomna phirna hai?” Jannat ne bold reply dia, “Haan!” fans mein garam behas shuru.
Salman Khan Ko Ghalat Pan Masala Ads Par Legal Notice, Consumer Court Ne Jawab Talabb Kar Liya
Salman Khan ko misleading pan masala ads par legal notice ka samna! Rajasthan ke Kota Consumer Court ne unke khilaaf notice issue kiya hai. Shikayat mein kaha gaya ke Salman ne “saffron-infused pan masala” ka jhoota daawa karke consumers ko ghalat rah dikhayi. Petition mein kaha gaya “Youth ko ghalat paighaam diya ja raha hai.”
Sarmad Khoosat Ka Fawad Aur Mahira Par Bayan ‘Screen Par Dono Fireworks Lagta Hain!’
Director aur actor Sarmad Khoosat ne interview mein Fawad Khan aur Mahira Khan ke liye dil chhoo lene wali baat kahi! Unhone kaha, “Jab Fawad aur Mahira screen par saath hotay hain, to fireworks lagta hain.” Sarmad ne unki film Neelofar ko “beautiful aur hopeful project” qarar diya aur kaha, “Dono andar se bhi utne hi khoobsurat hain.”
Salman Khan Ki Shirtless Pictures Viral, Fans Ne Kaha: “Fitness Ka King Wapas Aa Gaya!”
Bollwood superstar Salman Khan ne eik baar phir social media par toofan macha diya! Unhon ne platform X (pehle Twitter) par apni do shirtless pictures share ki jahan woh dhoop mein khade nazar aaye. Caption likha: “Kuch hasil karne ke liye kuch chhodna padta hai… yeh bina chhode hai.”