Aly Khan Ka Mahira Khan Aur Humayun Saeed Par Dilchasp Bayanaat
Aly Khan ne show Hasna Mana Hai mein Mahira Khan, Humayun Saeed aur Babar Azam par khulay khayalat ka izhar kiya. Unhon ne kaha Mahira ko scripts soch samajh kar choose karni chahiye. Humayun par roles lene ka mazaahiya tanz kiya. Babar Azam ko speaking aur dialect behtar karne ka mashwara diya.
Iqra Aziz Ne Baat Ki Second Baby Ki Planning Par
Iqra Aziz ne second baby planning par baat karte hue kaha ke wo ek bari family ka hissa hain. Yasir Hussain ke 10 siblings hain aur unhein lagta hai bari family hona bohat achi baat hai. Bachon ke paas siblings hotay hain aur wo akela feel nahi karte. Fans ne unki soch se ittefaq kiya.
Rabi Pirzada Gets Married Pictures Aur Videos Social Media Pay Share Ki
Former actress aur influencer Rabi Pirzada ne khamoshi se Nikkah kar liya. Unhon ne apni private wedding ceremony ki pictures Instagram par share ki. Groom ne abhi koi tasveer share nahi ki. Rabi cream aur red outfits mein bohat khoobsurat lag rahi thin aur parents aur family ke sath nazar aayin.
Film Production Aasan Kaam Nahi, Fawad Khan
Pakistan ke superstar Fawad Khan ne film Neelofar se producer ke taur par debut kar diya. Unka kehna hai ke film production bilkul aasan kaam nahi, lekin koshish zaroori hoti hai. Fawad Pakistan Idol mein judge bhi hain, jahan wo young singers ko mentor kar rahe hain. Social media se door reh kar wo sirf kaam par focus karte hain.
Alia Bhatt Ne Sanjay Leela Bhansali Ki Gangubai Kathiawadi Ko Apna Sab Se Risky Role Kaha
Alia Bhatt ne Sanjay Leela Bhansali ki film Gangubai Kathiawadi ko apna career ka sab se risky role qarar diya. Red Sea Film Festival mein unhon ne kaha ke unhein khud doubt tha ke woh yeh role kar paayengi ya nahi. Alia ne poora bharosa Bhansali par karte hue is role ko “all or nothing” decision bataya.
Dr Nabiha Ali Khan Aur Haris Khokhar Ki Mayon Pictures Aur Videos Viral
Influencer aur psychologist Dr Nabiha Ali Khan ne apni Mayon Haris Khokhar ke sath celebrate ki. Dono traditional peelay libas mein nazar aaye aur khushi se dance karte rahe. Mayon ki videos aur pictures social media par share ki gayin jo fans ne bohat pasand ki. Wedding festivities ka baqaida aaghaz ho chuka hai.
Pakistani Women Asia Ki Sab Se Zyada Attractive Qarar Di Gayi
South Asia Index ke latest poll ke mutabiq Pakistani khawateen Asia ki sab se zyada attractive qarar di gayi hain. Survey mein Pakistan ne top position hasil ki. Poll ke mutabiq Pakistani women apni grace, charm aur culture ki wajah se mashhoor hain. Mahira Khan, Sajal Aly aur Hania Aamir jaisi stars ne global level par mulk ka naam roshan kiya.
Case Number 9: Ye Drama Sirf Ek Case Nahi Balke…
Shahzeb Khanzada ne drama “Case Number 9” likha jo sirf ek kahani nahi balke ek mission hai. Drama rape aur auraton ke haqooq par roshni dalta hai, police, media aur society ka kirdar dikhata hai. Drama mein Saba Qamar, Faisal Qureshi aur Amna Sheikh ne zabardast acting ki. Shahzeb ka maksad hai ke logon ko aware kiya jaye aur insaf ko samjha jaye.
Mahima Chaudhry Ka Career Aur Zindagi Badal Dene Wala Lamha
Mahima Chaudhry ne apne career ke mushkil daur par baat karte hue bataya ke film Dil Kya Kare ke set par ek hadsa hua jismein unke chehre mein 67 sheeshay ke tukray ghus gaye thay. Unhon ne yeh bhi kaha ke Pardes ke baad ghalat contractual misconception ki wajah se unhein kai films se nikaal diya gaya.
Sonakshi Sinha Ka Online Hate Par Sakht Radd-e-Amal, Cyber Laws Ko Aur Mazboot Karne Ka Mutalba
Sonakshi Sinha ne actors aur film critics par honay walay online attacks par sakht concern zahir kiya hai. Mumbai mein recent outing ke doran unhon ne kaha ke online hate bohot barh chuka hai. Unka kehna hai ke koi bhi kahin se kuch bhi bol deta hai, is liye isko control karne ke liye strict cyber laws bohot zaroori hain.