Aiman Ko Tayyar Hone Ki Zaroorat Hi Nahi, She’s Already Beautiful: Muneeb Butt
Pakistani Actor Muneeb Butt ne interview mein reveal kiya ke unki wife Aiman Khan ko tayyar hone ki zaroorat nahi, woh naturally hi khoobsurat lagti hain. Muneeb ne Aiman ki simplicity aur grace ki tareef ki aur kaha ke unka natural charm har din unhein effortless shine deta hai.
Hiba Bukhari Ka Humrahi Ke Secret Cast Member Ka Inkishaaf
Hiba Bukhari ne Ramzan show Bahar-e-Ramzan mein apne upcoming drama Humrahi ka aik secret cast member reveal hone par reaction diya. Host Faysal Quraishi ne ghalti se Arez Ahmed ka naam le liya. Hiba ne confirm kiya ke Arez cast ka hissa hain, lekin unka kirdar abhi secret hi rahega.
Kanwal Aftab Ne Bar-Bar Umrah Par Jaane Ki Tanqeed Ka Jawab De Diya
Kanwal-Aftab ne bar-bar Umrah trips par hone wali tanqeed ka jawab dediya. Unka kehna hai ke sirf paisa hi nahi balke niyyat aur Allah ki marzi bhi zaroori hoti hai. Kanwal ne kaha ke unhon ne apne se zyada ameer log dekhe hain jo kabhi Umrah par nahi jaate. Is bayan ke baad social media par mukhtalif reactions samne aa rahe hai.
Hiba Bukhari Ne Viral Clip Se Judi Age Controversy Par Wazahat Dedi
Hiba Bukhari ne viral PTV clip se judi age controversy par wazahat kar di hai. Faysal Quraishi ke Ramzan transmission mein unhon ne bataya ke clip mein nazar aane wali larki woh khud theen, jab woh 7th ya 8th standard mein theen. Actress ne kaha ke woh apni age chhupane se nahi ghabraatein.
Zara Noor Abbas Ne Waalid Aur Bhaiyon Ki Strictness Par Khul Kar Baat Ki
Zara Noor Abbas ne Hasna Mana Hai mein apni zindagi ke sakht gharelu mahol par khul kar baat ki. Unhon ne bataya ke unke waalid aur bhai bohat strict thay aur unhein na law parhne di gayi aur na hi showbiz join karne ki ijazat. Zara ke mutabiq, industry mein aane ki ijazat unhein sirf unke shohar ne di.
Zeba Ki Asal Jami Se Achanak Mulaqaat, Kya Purani Mohabbat Phir Se Zinda Hogi?
Kafeel ke Episode 21 mein kahani ne badi turn li jab Zeba apni dost ki shadi mein asal Jami se milti hai. Yeh mulaqaat dono ke liye shock se kam nahi hoti. Nazron hi nazron mein purani mohabbat aur dard samne aa jata hai. Isi episode mein Zeba saalon ke tashaddud ke baad Khula ka faisla bhi karti hai.
Apne Se 10 Saal Badi Lady Ko Sarcastic Andaz Mein “Aapa” Keh Kar Age Shame Karna Intehai Galat hai: Urwa Hocane
Urwa Hocane ne Fahad Mustafa par tanqeed ki hai ke unhon ne live Ramzan transmission jaisay bare platform par Atiqa Odho ke saath disrespectful rawaiya ikhtiyar kiya. Unhon ne sarcastic tone mein “Aapa” keh kar age-shaming bhi ki. Urwa ka kehna hai ke senior artist ka ehtiram zaroori hai aur Fahad ko maafi mangni chahiye.
Fahad Mustafa Ka Atiqa Odho Par Tanzia Waar
Fahad Mustafa ne Atiqa Odho ke mashwaray par tanziya jawab de kar naya tanaza khara kar diya. Atiqa ne Hasna Mana Hai mein kaha tha ke Fahad ko apni age ki actresses ke saath kaam karna chahiye. Jawaban, Fahad ne Jeeto Pakistan mein “Atiqa Aapa” keh kar surgeries ka mashwara diya, jis par social media ne unhein ageist qarar diya.
Nadia Khan Aur Team Ka Fiza Ali Ke Ramzan Drame Par Reaction
Nadia Khan ne Fiza Ali ke viral Ramzan drama par apna reaction diya. Unka kehna hai ke family issues ko public domain mein nahi lana chahiye aur yeh Ramzan transmission ke liye sahi content nahi. Mufti Sahab ne bhi kaha ke personal fights ko ghar tak hi rakha jaye. Nadia ne warn kiya ke viral stunts aksar planned hote hain, accidental nahi.
Faysal Quraishi Ne Showbiz Stars Se Shadiyan Rokne Ka Mutalba Kar Diya
Faysal Quraishi ne Ramadan transmission ke doran mazahiya andaaz mein showbiz stars ko shadiyan rokne ka mashwara de diya. Guest Momina Iqbal se baat karte hue unhon ne kaha ke lagataar celebrity weddings ki wajah se gifts par lakhon rupay kharch ho jate hain, jis par unhon ne hans kar tanqeed ki.