Rajab Butt Ki Wife Emaan Fatima Dost Nadeem Naniwala Ke Saath Dekhi Gayin: Social Media Par Behas Chhir Gayi
YouTuber Rajab Butt ki ahliya Emaan Fatima ko unke dost Nadeem Naniwala ke sath Youm-e-Azaadi ki ek taqreeb me dekha gaya hai. Is mouqe par unke bhai Aoun bhi mojood thay. Rajab Butt se ikhtilafat ke baad content creation me qadam rakhne wali Emaan ki is shirkat par social media par mila jula reaction dekhne ko mil raha hai.
Maa Baap Aur Jawan Bhai Chale Gaye”: Film Star Laila Ka Tamasha Season 5 Mein Apni Dukh Bhari Zindagi Par Jazbaati Izhar
Film star Laila ne reality show Tamasha Season 5 me apni zindagi ki dardnak azmaishon ka zikr karte hue jazbaati bayan diya hai. Unhon ne bataya ke unhon ne apne maa baap, do jawan bhaiyon aur ghar gariyon samet croreon ki jaidaad kho di, jiske baad wo bilkul akeli reh gayin.
Tamasha Cafe Ke Mehnge Khane Winner Ki Prize Money Kam Kar Rahe Hain: Mishi Khan
Maroof host Mishi Khan ne reality show Tamasha Season 5 ke intazamiya par tanqeed karte hue contestants ko ration dene ka mutalaba kiya hai. Unka kehna hai ke ‘Tamasha Cafe’ ke mehngay khane prize money kam kar rahe hain. Fans ne bhi Mishi ke is bayan par unki himayat ki hai.
‘Views Ke Liye Akhlaqiyat Na Bhoolain’: Mahenur Haider Ka ‘Fake Fans’ Aur Social Media Culture Par Barham Izhar
Adakaara Mahenur Haider ne un ‘fake fans’ par tanqeed ki hai jo celebrities ke sath tasaveer banwa kar views ke liye ghalat content banate hain. Unhon ne social media par badhti hui Views ki hawas par sawal uthaya aur logon ko akhlaqiyat aur sharafat ka khayal rakhne ki hidayat ki.
‘OMG So Many Rakhi Sawant In Pakistan’: Rakhi Sawant Ka ‘Tamasha Season 5’ Ke Contestants Par Mazaqiya Reaction
Rakhi Sawant ne Pakistani show Tamasha Season 5 par reaction dete hue kaha ke Pakistan me bohot se Rakhi Sawant hain. Unhon ne show ke drame ko pasand kiya aur aik contestant par mazaqiya jumla kastey hue kaha ke ye male Rakhi Sawant hai. jis pe fans ne bhi mazaqiya response dia.
‘Ye Josh Sirf Muft Ke Cake Aur Bajoon Tak Mehdood Hai’: Sonya Hussain Ka Youm-e-Azaadi Par Awam Ke Rawayye Par Afsos
Adakaara Sonya Hussain ne Youm-e-Azaadi par qaum ke rawayye par tanqeed karte hue kaha ke hamara josh o jazba sirf muft ke cake, bajoon aur phaty hue silencer tak mehdood hai. Unhon ne kaha ke jo qaum khud munazzam aur ba-usool na ho, wo apne huqooq ke liye nahi larr sakti.
‘Tamasha Season 5’ Mein Babrik Shah Aur Zee Khan Ki Ladai Ne Mazahiya Mor Le Liya: Babrik Ki Mimicry Social Media Par Viral
Tamasha Season 5 me contestant Zee Khan aur Samiya Hijab ke darmayan ladai shuru hui, jis me Babrik Shah ne shamil ho kar mahool mazaqiya bana diya. Babrik Shah ne Zee Khan ke exaggerated reactions aur gusse ki nakal utari. Unka ye mazaqiya andaaz social media par viral ho gaya hai.
“Ijazat Ke Baghair Video Banana Galat Hai”: Mohammad Ahmed Ka Social Media Ke Ghalat Istemal Par Ahem Paigham
Senior actor Mohammad Ahmed ne social media ke sahi istemal par baat karte hue kaha ke log mobile phone ka galat istemal kar rahe hain. Kisi ki ijazat ke bagair uski video ya reel bana kar internet par post karna bilkul galat hai. Unhon ne logo ko doosron ki privacy ka khayal rakhne ki hidayat ki.
“Bas Tera Saath Ho” Ne Mera Career Badal Diya: Rizwan Ali Jafri Ka Drame Ki Kamyabi Par Izhaar-e-Khayal
Maroof actor Rizwan Ali Jafri ne Bas Tera Saath Ho ki kamyabi par baat karte hue bataya ke is drame ne unka career badal diya hai. Unhon ne kaha ke log unke kirdar ‘Faham Qureshi’ ko bohot pasand kar rahe hain aur ab unhe awam ki taraf se pehle se zyada muhabbat mil rahi hai.
Saboor Aly Ka Apni Dedh Saal Ki Beti Ko School Bhejne Ka Faisla: Social Media Par Nayi Behas Shuru
Maroof adakaara Saboor Aly ne apni dedh saal ki beti Serena Ali ke pehle din ki tasaveer share ki hain. Beti ko itni kam umar me playschool bhejney par social media users ke darmayan eik nayi behas shuru ho gayi hai. Khawateen aur fans is faisley par mix reactions de rahe hain.