Karachi SITE Police Action, Croreon Lootne Wala Gang Giraftar
Karachi, SITE area mein croreon ka maal lootne wala dangerous gang police ke shikanjay mein. SITE-B police ne secret action mein 5 mulzim aslah ke sath giraftar kar liye, 6 abhi bhi farar. SSP Kemari Faizan Ali ke mutabiq gang factory workers ko bandi banata aur copper, cables loot kar bhaag jata. Girftar daku pehle bhi jail ja chuke hain.
Karachi Millat Town Dumper Accident, 2.5 Saal Ka Baccha Jaan Bahaq
Millat Town morh par wrong way aate dumper ne bike ko takkar maar di, 2.5 saal ka Arham Muhammad mouqa par jaan bahaq. Alfalah thaana mein muqadma darj hoga. Kal raat Korangi Road par 2 accidents mein 2 log jaan bahaq, eik aurat zakhmi. Nadra Center aur Qayyumabad ke paas bhi truck aur bus ki takkaron se halakatein
Karachi Ke Tamam Thaana Digital, Paperless System Par Shift
Sindh Police ne Karachi ke tamam thaano ko 1 month mein PSRMS system par shift karne ka faisla kar liya. Doosre divisions 2 months mein digital ho jayenge. Agle chand months mein thaana aur investigation wing paperless banenge. IG Sindh Ghulam Nabi Memon ne staff training aur naye ASIs ko investigation mein lagane ki hidayat di.
Road Cutting Se Shehar Pareshaan, Commissioner Karachi Ne Ijlaas Bulaya
Gas company ki road cutting se shehar ki roads tabah, shehri pareshaan. Is surat-e-haal par Commissioner Karachi ne aaj 12 baje ijlaas bulaya hai. MD Sui Gas, CEO Water Corporation, KMC aur municipal commissioners shamil honge. Zaraye ke mutabiq CM Sindh ke notice ke baad meeting bulayi gayi. SuiGas ne September tak kaam khatam karna tha, ab December tak mohlaat mang raha hai.
Punjab Ke Darya Beh Gaye, Saylabi Surat e Haal Shadeed
Bharat ke pani chhorne ki wajah se Punjab ke darya beh gaye, Ravi, Chenab aur Sutlej mein pani ki satah barh gayi. Okara, Haveli Lakha, Qadirabad aur Jalalpur Bhattian ke gaon saylabi pani mein, faslon ko shadeed nuksan, logon ka nikalna jari. Lahore mein Head Marala aur Khanki par unche darje ka saylab, intizamia aur rescue idaray high alert par hain.
Bharat Ne Dam Ke Gate Khole, Punjab Ke Daryaon Mein Flood
Bharat ke dam ke gate kholne se Punjab ke daryaon mein flood ka khatra barh gaya, Chenab ka flow 9.2 lakh cusecs cross kar gaya. Punjab govt ne Kasur, Sialkot, Narowal samait 7 zilaon mein fauj bula li. NDMA aur Army rescue/relief monitor kar rahe hain, PM Shehbaz ne federal ministers ko affected areas ka foran daura karne ka hukum diya.
Nadra Naya Nizam, Ghair Muqami Afraad Family Records Se Out
Pakistan mein ghair-qanooni rehaishiyon ke khilaaf operation jari, Nadra ka naya nizam foreign nationals ki pehchan asaan bana raha. Har Pakistani ghar baithe Pak ID app ya office se free mein apna family record dekh sakta hai. Spokesperson ke mutabiq ajnabi shaks family tree mein ghalti, dhoke ya jaan boojh kar shamil ho sakta hai, jise report karke hataaya ja sakta hai.
Eik Shakhs Ne Biwi, Beti, Bhatija Aur Sasur Ko Qatal Kar Diya
Lahore ke Harbanspura area mein domestic jhagre par mulzim Imran ne apni biwi, 14 saal ki beti, 15 saal ke bhatija aur sasur ko qatal kar diya aur wardat ke baad farar ho gaya. Police ne laashain hospital bhej kar case register kar liya, SP Cantt ke mutabiq mulzim ki giriftari ke liye special team chapa maar rahi hai.
Balochistan Mein Plastic Bags Par Mukammal Pabandi
Quetta aur Balochistan bhar mein plastic bags par pabandi laga di gayi hai. CM Sarfaraz Bugti ki meeting mein faisla hua. Quetta ke 84 wards se rozana 1,000 ton kachra uthaya jata hai, ab tak 2,81,000 ton kachra collect hua. 18 nallo ki safai complete, government ne environment friendly bags use karne ki hidayat di.
Upper Dir KP, 3 Din Ke Operation Mein 9 Terrorists Khatam
KP ke Upper Dir mein police aur CTD ke 3 din ke joint operation mein 9 Fitna al-Khawarij terrorists khatam hua. Clashes mein 2 civilians shaheed aur 10 personnel zakhmi hua. PM Shehbaz aur Interior Minister Mohsin Naqvi ne forces ki bravery aur professionalism ki tareef ki aur zakhmi personnel ke liye best medical care ki hidayat di.