Maimoona Qudoos Nay Kaha Lahore Showbiz Karachi Se Zyada “Ganda” Hai
Pakistani actress Maimoona Qudoos ne eik podcast mein shobiz industry ke bare mein hairat angez inkishaaf kiye. Unka kehna hai ke Karachi ki nisbat Lahore ki showbiz industry mein zyada “gaand or behoodgi” hai. Karachi walay ziada professional aur deal-based approach rakhte hain, jabke Lahore mein negative trends zyada hain.
Sehar Hayat Ne Sami Rasheed Se Separation Confirm Kardi
Pakistani digital creator aur actress Sehar Hayat ne Instagram Q&A session mein confirm kar diya ke unki TikToker husband Sami Rasheed se separation ho chuki hai. Sehar ne kaha ke woh ab saath nahi hain, magar Sami hamesha unki beti Aira ke walid rahenge. Fans ke sawalon par unhone single mother ban’ne ki baat bhi accept ki.
Sanam Javaid Ki Behan Falak Recovery Case IHC Mein
PTI activist Sanam Javaid ki behan Falak Javaid ki recovery ke liye unke walid ne Islamabad High Court mein petition file kar di. Advocate Mian Ali Ashfaq ne court se appeal ki hai ke Falak ko pesh kiya jaye aur uske khilaaf agar koi case ya inquiry hai to details share ki jayein.
Online Game khelne Kay Liye Ek Shakhs Ny Apne Ghar Kay Logon Ko Qatal Kia Or Phir Usko Hui 100 Saal Qaid Ki Saza
Game ki lutt ny eik shakhs se apne hi gharwalon ka qatal karwadia! Lahore session court ne Ali Zain ko 100 saal qaid aur Rs40 lakh jurmana suna diya. Usne 2022 mein online game khelte hue apni walida, bhai aur 2 behno ko goli maar kar qatal kiya tha. Judge ne kaha ke umar ke sabab 4 dafa umar qaid di ja rahi hai.
UAE Schools Mein Students Ke Liye Zuhr Namaz School Mein Ada Karna Wajib Hogaya
UAE Ministry of Education ne nayi policy ka elan kar diya! Ab mulk ki tamam public schools mein rozana Zuhr ki namaz ke liye waqt rakha jayega. Students ko jamaat ke sath namaz ada karni hogi. Ye policy officially confirm ho gayi hai aur foran hi schools mein implement ki ja rahi hai.
ECC Ne Used Cars Commercial Import Ki Ijazat De Di
Ab used car bhi import hosakti hain. ECC ne used cars ki commercial import ki ijazat de di! Ab 5 saal se kam purani gaadiyan 30 June 2026 tak import ki ja sakengi, uske baad age limit hata di jayegi. 40% regulatory duty hogi jo har saal 10% kam hoti jayegi aur 2029-30 tak khatam kar di jayegi.
Wajahat Rauf Ne Bataya Hania Aamir Ki Success Ka Raaz
Director Wajahat Rauf ne bataya ke Hania Aamir ki international success ka asli raaz unki lagataar mehnat hai, sirf kismat nahi. Podcast mein unhone kaha ke Hania hamesha apne talent ko improve karti rehti hain aur kabhi idle nahi hoti. Shazia Wajahat ne bhi kaha ke Hania Pakistan ka naam roshan kar rahi hain.
Falak Javaid Achhra Se NCCIA Ke Hathon Giraftar
National Cyber Crime Investigation Agency (NCCIA) ne Falak Javaid ko Lahore ke area Achhra se giraftar kar liya. Un par do cases registered hain eik state institutions ke khilaaf propaganda aur doosra eik female politician ke khilaaf nazeeba zuban istimaal karne ka. Aaj hi unki recovery ke liye unke walid ne IHC mein petition file ki thi.
Rajab Butt Illegal Apps Case Mein Aur NCCIA Radar Pe
NCCIA ne YouTubers Rajab Butt, Anas aur Huraria ke khilaaf illegal apps aur online gambling promote karne par cases register kar liye! Teeno ko teen baar notice bheja gaya magar woh appear nahi huye. Ab unko Pakistan wapas lane ki tayyari. Meanwhile, Rajab Butt ke ghar firing case mein 2 suspects bhi arrest.
Quaid-e-Azam Ke Nawase Nusli Wadia Par Fraud Case
Mumbai police ne Quaid-e-Azam ke nawase aur Wadia Group ke head Nusli Wadia, unke family members aur 7 afrAad ke khilaAf fraud case register kar liya! Ilzaam hai ke Ferani Hotels dispute mein unho ne fake documents court mein jama karwaye. Case 30 saal purane land deal se jura hai. Investigation abhi chal rahi hai.