Ranbir Kapoor Ko Salgirah Par Beti Raha Ne Haath Se Card Likh Diya
Actor Ranbir Kapoor apni 43vi birthday par emotional surprise se khush ho gaye jab beti Raha ne unke liye handwritten card likha. Alia Bhatt ne Instagram par tasveerain share karte hua bataya ke Raha ne likha: “Duniya ke best Papa ko happy birthday.” Ranbir ne kaha ke unhein beti se 43 kisses ka special gift bhi mila.
Sana Javed Ka Shoaib Malik Ki Qaumi Team Mein Mojoodgi Se Mutaliq Bayan Par U-Turn
Actress Sana Javed ne shohar aur all-rounder Shoaib Malik ki national team mein mojoodgi par pehle kaha tha ke unka tajurba Pakistan ke liye umeed ki kiran ban sakta tha. Post viral hote hi criticism aya to Sana ne U-turn lete hua kaha: “Main nahi keh rahi Shoaib team mein hon zaroori hai, lekin senior players ka hona laazmi hai.”
5 Crore Bhatta Ke Liye Under-Construction Shopping Plaza Par Firing, Case Darj
Karachi Malir 15 mein under-construction shopping plaza par motorcycle sawar mulziman ki firing, police ne case darj kar liya. Baad mein international number se WhatsApp call aayi jisme firing ki zimmedari li gayi aur 5 crore rupay 1 hafte mein maange gaye. Dhmki: paisa na diya to dobara firing hogi. CCTV footage hasil ki ja rahi hai.
Eik Din Mere Bachay Honge Aur Jald Honge, Salman Baap Banne Ke Khwahishmand
Bollywood ke superstar Salman Khan ne khwahish ka izhar kar diya “Ek din mere bachay honge aur jald honge.” Talk show Too Much with Kajol & Twinkle Khanna mein Aamir Khan ke saath guftagu ke doran Salman ne kaha ke unke zyada tar rishte unki ghaltiyon ki wajah se tootay. Fans mein Salman ke is bayan ne kafi excitement paida kar di.
Karachi Traffic Police Ka Shehrion Ko Jaali Challan Payment Messages Se Hoshiyar Rehne Ka Kaha
Karachi Traffic Police ne alert jari kar diya: traffic fines ke fake SMS/online messages fraud hain, inka police ya govt se koi taluq nahi. Citizens ko kaha gaya hai ke aise messages ignore karein. Jald hi e-challan system start hoga jisme photo/video evidence ke sath automated challan ghar pohanchaya jayega. 100+ city spots par awareness ads bhi lag rahi hain.
India Ki 6 Dafa World Champion Boxer Mary Kom ko Lakhon Ka Nuksan
India ki 6 dafa world champion boxer Mary Kom ke ghar chor ghus gaye aur lakhon ka qeemti samaan aur TV chura le gaye. Us waqt Mary Kom Meghalaya mein marathon event mein thi. CCTV footage mein mulzim dikhai diye. Police ne case register kar ke 6 teams banayi hain jo mulzim ki talaash kar rahi hain.
SBP Ne Digital Funds Transfer Par Social Media Reports Clear Kar Di
SBP ne clarify kar diya ke digital funds transfer real-time hota hai, paisa foran account mein credit hota hai. Sirf branchless wallets/accounts par 2 ghante ka cooling period hai jisme withdrawal ya purchases block rehti hain. fraud se bachao ke liye. Saath hi, policy rate 11% par barqarar, August inflation 3%, July CAD $240m.
Israeli citizens Ko Iranian Spy Banne Ki Phone Calls Aur Online Offers
Israel mein Iranian intelligence ke calls ka silsila samne aaya, citizens ko phone aur online par spy ban’ne ki offers di ja rahi hain attractive salary aur security ke saath. Cyber Directorate ne warn kiya ke 03-6817 aur 03-3067 se aane wali calls ignore karein. Reports ke mutabiq Iran ne pehle bhi social media se Israelis recruit kiye hain.
Taraqqi Ka Waqt Aa Chuka, Economy Stable Ho Rahi Hai: Shehbaz Sharif
PM Shehbaz Sharif ka London mein bayan: “Pakistan ki economy stable ho rahi hai, taraqqi ka waqt aa gaya hai.” Unhon ne kaha mulk foreign policy, economy aur defence ke fields mein aage barh raha hai. Shehbaz Sharif ne team work ko zaroori qarar diya aur bataya ke Trump se mulaqaat positive rahi, Pak-US relations behtareen honge.
Bharti Durga Puja Pandal Mein Trump Ko ‘Shaitaan’ Bana Kar Pesh Kiya Gaya
West Bengal mein Durga Puja pandal mein Donald Trump ka statue “Asur (Shaitaan)” ke roop mein pesh kiya gaya. Committee ka kehna hai ke Trump ne tariffs aur visa policies se India ko dhoka diya, is liye unhein shaitaan banaya gaya. Social media par mixed reaction aya, kuch ne isey funny kaha, kuch ne naraazgi dikhai.