Malala Fund Ka Gaza Mein Kaam Karne Wali Tanzeem Ko 1 Lakh Dollar Funding Ka Elan
Nobel laureate Malala Yousafzai ke Malala Fund ne Gaza mein kaam karne wali NGO ko $100,000 fund dene ka elan kar diya. Yeh paisa un bachon ki taleem aur zaroori services ke liye hoga jo jang se mutasir hain. 2023 se Malala Fund Gaza ke liye $700,000 se zyada grants de chuka hai. Malala ka zor: “Ceasefire aur bachon ka mustaqbil bachao.”
Shah Rukh Khan Pehli Dafa Arabpati Club Mein Shamil
Bollywood Badshah Shah Rukh Khan pehli martaba billionaires club mein aa gaye! Hurun India Rich List 2025 ke mutabiq King Khan 12,490 crore INR ki total daulat ke sath No.1 celebrity ban gaye. Pehle 2024 mein unki wealth 7,300 crore thi. SRK films ke sath Red Chillies Entertainment aur IPL team KKR ke co-owner bhi hain.
Aishwarya Aur Abhishek Ne YouTube Ke Khilaaf Case Kar Diya
Aishwarya Rai aur Abhishek Bachchan ne YouTube aur Google pe 4 crore ka case kar diya! Reason: unki AI deepfake videos viral ho rahi thi. Delhi High Court ne YouTube ko order diya ke aise videos turant hataye jayein. Bachchan couple ne hundreds videos/screenshots saboot ke taur pe submit kiye. Ye India ka sabse bada AI deepfake privacy case ban gaya hai!
Farah Khan Aur Deepika Padukone Ke Darmiyan Instagram Unfollow Afwaah Sirf Jhoot
Social media par Afwaahen chali ke Farah Khan aur Deepika Padukone ne eik dosray ko Instagram par unfollow kar diya. Kuch ne kaha Ranveer Singh ne bhi Farah ko unfollow kiya. Lekin Farah ne comments me afwaah ko kharij karte hua kaha: “Kya bakwaas likhte ho!” Asal me dosti purani aur mazboot hai, aur Deepika ka 8-hour work shift mazak tha.
Taliban Hukoomat Ne Mulk Bhar Mein Internet Service Band Kar Di
Taliban hukoomat ne mulk bhar mein fiber optic internet service band kar di. Kabul aur kai sobay mutasir, high-speed internet bilkul band hai aur mobile data sirf 2G chal raha hai. Hukoomat ka kehna hai “ghair ikhlaqi content” rokna hai, magar shahrion, students aur media ke mutabiq ye azaadi-e-rae dabane ki koshish hai. Internet connectivity sirf 14% reh gayi.
Paris Fashion Week Mein Aishwarya Rai Ki Heere Jari Sherwani Viral
Bollywood style icon Aishwarya Rai Bachchan ne Paris Fashion Week me ramp par jalwa bikhair diya. 51 saal ki actress ne Manish Malhotra ki diamond-studded indigo sherwani pehni jo traditional aur modern couture ka shandar mix thi. Sherwani me diamond embroidery, brooches aur luxe detailing shamil thi. Aishwarya ki viral tasweeren aur videos ne social media par dhamaka kar diya.
14 Crore Rupay Ka Inaam, MrBeast Ne Khiladi Ki Jaan Daao Par Laga Di
MrBeast ko nayi video par shadeed tanqeed ka samna. Unhon ne eik stuntman ki jaan khatre me dal kar $500,000 (14 crore PKR se zyada) ka inaam rakha. Video me stuntman ne aag, dhamako aur death traps face kiye. MrBeast ka kehna hai sab kuch professionals ne test kiya aur emergency team maujood thi, lekin fans ne isay “pagalpan” aur “intehai khatarnaak” qarar diya.
Baap Ne Beti Aur Newborn Ka Qatal Kiya Taake Abuse Chupa Sake
Okara mein eik shocking case samne aaya jahan Shabir, apni 20 saal ki beti ko rape karne ke baad uske pregnant hone par beti aur newborn ka qatal kar diya taake crime chhupa rahe. Shabir ke bete Shehbaz aur beti Sania par bhi is cover-up mein madad dene ke ilzaam hain. Police ne suspect ko arrest kar liya aur investigation jari hai.
iPhone 17 Kharidne Walon Ke Liye Badi Khabar: AI Feature Me Bug Ka Samna
Apple ki iPhone 17 series launch hone ke baad users ko AI feature bug ka samna hai. iPhone 17 ke 4 models me software bug ki complaints aayi hain jisme AI features properly kaam nahi kar rahe. iPhone 17 series me iPhone 17, iPhone 17 Pro, iPhone Air, Apple Watch 11 aur AirPods Pro 3 shamil hain, aur iPhone 17 Air ko CEO Tim Cook ne “future ka glimpse” qarar diya.
Faisal Rehman, Aaj Ki Larkiyan Bas Coffee Aur Dating Tak Limited Ho Gayi Hain
Actor Faisal Rehman ne kaha ke rishte waqt ke sath bohot badal gaye hain. Pehle larkiyan khoon se letters likhti thin, jazbaat aur qurbaniyan bohot gehri hoti thi. Aaj kal sab casual ho gaya hai coffee meetups, hangouts aur dating ko tarjeeh di jati hai. Unke mutabiq modern love ab comfort aur companionship par zyada focus karta hai.