PTI Ke Arkaan Ki Disqualification Ka Silsila Tez
May 9 cases ke baad PTI kafi legal pressure mein hai. Ab tak 4 lawmakers disqualify ho chuke hain, aur 39 aur ki disqualification ka khatra hai. ECP ne action lena shuru kar diya, lekin legal experts keh rahe hain ke yeh Article 225 aur 10A ka khilaaf hai. Appeals pending hain, magar sunwai ke baghair notifications jari kiye gaye.
Lahore Mein Animal Waste Se Biogas Banane Ka Tajurba
Lahore ke Lakhodair mein pehli baar animal waste se biogas banane ka kamyab tajurba hua, CM Maryam Nawaz ne “Suthra Punjab Programme” ke tehat ‘Waste to Value’ project jald shuru karne ka hukum diya. 1,000 metric ton waste se 25,000Kg gas aur Rs7 million revenue banega. Carbon credits se har saal $4.2 million kamaaye jaenge.
Liquor Case Mein CM Gandapur Ki Court Hazri
Khyber Pakhtunkhwa ke CM Ali Amin Gandapur ne 2016 ke liquor aur illegal arms case mein Islamabad court ke samne surrender kiya. Unhon nay ilzaam ko radd karte hue kaha ke bottle mein sharab nahi, shehad tha aur hathyaar licensed thay. Court ne unke arrest warrants aur surety ka show-cause notice khatam kar diya. Case Bani Gala ke paas ka tha.
Beto Ko Pakistan Aane Se Mana Kiya, Protest Mein Shamil Nahi Honge
Imran Khan ne jail se wazeh keh diya: “Mere betay Pakistan nahi aa rahe, protest ka hissa nahi banenge!” Suleman aur Kasim US mein lawmakers se mil rahe thay. Kasim ne X par Imran ki tanhai aur na-insaafi par awaz uthayi. PTI ki anti-government tehreek 5 August ko apne peak par pohancha gi.
Mustafa Amir Murder: Armaghan, Shiraz Ka Challan Jama
Mustafa Amir ke agwa aur qatal ka challan ATC Karachi mein pesh, mulzim Armaghan aur Shiraz naamzad. Shiraz ne qatal ka iqraar karte hue kaha ke Armaghan ne Mustafa ko Hub le jaa kar zinda jala diya. DNA report, CCTV footage, aur mobile saboot mil gaye. Court ne dono mulzimeen ko agle hearing mein pesh karne ka hukam de diya.
New York, Manhattan Mein Firing Mein NYPD Officer Jaan Bahaq
Midtown Manhattan ke 345 Park Avenue ki amarat mein eik musallah shakhs ne firing kar ke 4 logon ko qatal kar diya, jismein NYPD officer Didarul Islam bhi shaheed hue. Aakhir mein, us shakhs ne khud ko goli maar kar khudkushi kar li. Yeh afsosnaak waqia NFL headquarters ke paas hua, jiska jaiza ab police aur FBI le rahe hain.
Trade Deal Ki Umeed, Stock Market Mein Toofan
Pakistan ky Finance Minister Aurangzeb US gaye hain trade deal finalize karne, jiske positive impact se PSX ka KSE-100 index Tuesday ko 863 points barh kar 140,243 tak chala gaya. Investors SBP policy aur credit rating upgrade se bhut umeedein hein. Lucky Cement, PSO aur Systems jaise stocks ne market ko support kiya, jabke kuch banks ne pressure dala.
NADRA Ke Nayi Digital Sahoolat Ab Har Cheez Mobile Mein
NADRA ne Pak ID app ke zariye eik nayi digital sahoolat launch kar di hai! Ab Pakistani shehri bilkul free mein apne vehicle registration aur arms licence cards mobile mein download kar sakte hain. Physical copy ki zaroorat nahi. Sirf app download karen, login karen aur card ID Vault mein save karen. Service 100% freehai!
Labubu Dolls Ka Global Craze San Diego Comic-Con Mein
San Diego Comic-Con mein Labubu dolls ka craze dekhnay ko mila. Ye doll 2015 mein Hong Kong ke artist Kasing Lung ne banai thi. 2019 mein Pop Mart ne isay blind boxes ke zariye launch kiya. Blackpink ki Lisa ne 2024 mein promote kiya, jisse Thailand aur US mein Labubu viral hogayi. Fans line mein lag kar khareed rahe hain.
Aaj Karachi Ke Kin Ilaqon Mein Pani Band Rahega?
Karachi mein pani ki supply mutasir, K-Electric ne Dhabeji Grid par 9 ghante ka maintenance shutdown shuru kar diya hai, jisse 85 million gallon pani ki kami ka khadsha hai. Landhi, Korangi, DHA, Shah Faisal aur North Nazimabad mein supply kam hogi. Water Corporation ne awaam se pani ihtiyaat se istemal karne ki appeal ki hai.