Wahaj Ali Aur Mahira Khan Ki Pairing Fans Ne Pasand Nahi Ki
Wahaj Ali aur Mahira Khan ki pairing TV ad aur upcoming drama Mitti De Baway ke baad fans ko bilkul impress nahi kar saki. Social media par age difference, awkward romance aur weak chemistry par tanqeed ki ja rahi hai. Fans ne choreography aur romantic scenes ko bhi forced aur boring qarar diya hai.
Wazan Kam Karna Chahte Hain To Jail Ka Saaf Aur Sehat Bakhsh Khana Khayein: Ducky Bhai
YouTuber Ducky Bhai ne apne wazan mein kami ka credit jail ke saaf aur sehat bakhsh khanay ko diya. Media se guftagu mein unhon ne kaha ke aam log ghalat samajhte hain, jabke jail ka khana hifzan-e-sehat ke usoolon ke mutabiq hota hai. Unka bayan social media par kaafi viral ho raha hai.
Mazboot Imaan Tamaam Mushkilaat Se Larnay Ki Himmat Deta Hai: Mehwish Hayat
Mehwish Hayat ka kehna hai ke mazboot imaan zindagi ki mushkilaat aur zehni dabao ka muqabla karne ki taqat deta hai. Recent interview mein actress ne bataya ke Allah par poora bharosa aur dua insaan ko sakoon, sabr aur umeed deta hai, khaas taur par aaj ki tez raftaar zindagi mein.
Actress Shiza Hashmi Ne Big Producers Aur Channels Ke Raaz Be Naqaab Kar Diye
Actress Shiza Hashmi ne 21 MM Show mein Pakistani drama industry ke lobby system ko expose kar diya. Unka kehna hai ke big producers aur channels sirf powerful backgrounds walon ko kaam dete hain. Shiza ne Six Sigma, Big Bang, Geo TV aur 7th Sky par wait karwane, ignore karne aur corrupt staff ke serious allegations lagaye.
Wive Ko Husband Ke Samne Awaaz Buland Karni Chahiye: Rani Mukerji
Bollywood actress Rani Mukerji ke remarks social media par backfire ho gaye jab unhon ne kaha ke wives ko apne husbands ke samne awaaz buland karni chahiye. Kuch logon ne unki baat ko criticise karte hue kaha ke relationships mein shouting normalise karna sahi nahi. Rani filhal Mardaani 3 ke release ka intezar kar rahi hain.
Pakistani Aur Indian Fans Ne Sanam Baloch Par Pyar Lutaya, TV Par Wapsi Ki Darkhwast
Pakistani actress aur host Sanam Baloch phir se fans ki tawajjoh ka markaz ban gayi hain. Pakistan aur India dono se fans social media par unki TV par wapsi ka mutalba kar rahe hain. Dastaan, Kankar aur Durr-e-Shehwar jaisay dramas yaad dilate hue fans ne unki acting aur screen presence ko lajawab qarar diya.
Arijit Singh Ke Baad Sahir Ali Bagga Ka Bhi Apne Career Se Mutaliq Ahem Faisla
Sahir Ali Bagga ne apne career se mutaliq aik ahem faisla lene ka elan kar diya hai. Unhon ne Instagram story ke zariye bataya ke yeh faisla sachai, azadi aur khalis fun par mabni hoga. Yeh bayan Arijit Singh ke music se hat kar azadi chunnay ke elan ke baad samne aaya hai, jis ne fans mein tajassus paida kar diya hai.
Maya Khan Ne Samar Jafri Ki Struggles Aur Mehnat Par Khul Kar Baat Ki
Maya Khan ne aik show mein Gen Z Samar Jafri ki mehnat aur struggle par khul kar baat ki. Unhon ne Samar ko apna pasandeeda Gen Z actor qarar diya aur kaha ke unhon ne set par uska sabr, khamoshi aur Allah par yaqeen se bohat kuch seekha hai. Maya ne Gen Z aur Millennials ke darmiyan farq par bhi roshni daali.
Jawad Ahmed Ka Kehna Hai Ke Atif Aslam Aur Rahat Fateh Ali Khan Lalach Mein Mubtala Singers Hain
Singer aur siyasi rehnuma Jawad Ahmed ne aik TV show mein Atif Aslam aur Rahat Fateh Ali Khan ko “greedy” qarar de diya. Unka kehna tha ke yeh singers sirf paisay aur elite events ko priority dete hain. Jawad ke mutabiq, artists ko fans ke liye available hona chahiye, jabke pehle hum muft gaon mein bhi perform kiya karte thay.
Main Chahti Hoon Koi Naik Mard Mile, Jisay Mujh Par Yaqeen Ho, Mein Kuch Bhi Pehnu Usay Farq Na Paray
Social media star Samiya Hijab ke bayan ne phir se online behas chhed di hai. Unhon ne kaha ke unhein aik naik mard chahiye jo un par poora yaqeen kare. Samiya ke mutabiq, unke kapron par judge kiye baghair respect aur trust hi strong rishtay ki bunyaad hoti hai, jis par log mukhtalif reactions de rahe hain.