Pehle Mukhalfat Ab CM Gandapur Ne Support De Di
CM Gandapur ne pehle Bajaur operation ki mukhalfat ki, lekin agle din usay “targeted operation” keh kar support kar diya. Unho ne kaha fauj KP hukumat ki ijazat se ayi hai. 2 August se jirge shuru honge taake awam ke concerns sune ja saken. PTI ne operation ko reject kiya, Yeh keh kar ke is se be-gunah log nuksan utha rahe hain.
Trump-Pakistan Oil Deal, India Par Nayi Tax Policy
Trump ne Pakistan ke saath oil reserves develop karne ki deal finalize karli, Saath hi, India par 25% naya import tax aur Russia se hathiyar aur fuel khareedna par extra jurmane ka elan. Trump ne kaha, deadline 1 August tak hai warna doosri countries ko bhi bhari tax ka samna karna padega.
SBP Ne 11% Policy Rate Barqarar Rakha, Reserves $14bn Cross
State Bank ne policy rate 11% par barqarar rakhne ka faisla kiya. June 2025 mein inflation 3.2% raha, lekin gas prices ke izafa se future inflation ka risk barh gaya. SBP ke foreign exchange reserves behtari ke sath $14 billion ka level cross kar chuka hain. GDP growth 3.25–4.25% rehne ka imkaan hai. MPC ne macroeconomic stability, fiscal reforms aur prudent policies jari rakhne par zor diya.
Pakistan Ne Bharat Ke Ilzamaat Radd Kiye
Pakistan ne Pahalgam attack par Bharat ke jhootay ilzamaat aur “Operation Sindoor” ke daaway ko sakhti se inkaar kar diya. FO ne kaha India ne bina saboot karwai ki, jisme be-gunah log shaheed hua. Nuclear blackmail aur Indus Treaty par bharati dawon ko bhi radd kiya. Pakistan ne aman aur Kashmir ke hal ke liye UN Charter par zor diya.
Pakistan Ka LA Olympics 2028 Cricket Se Bahar Hone Ka Imkaan
Pakistan ka LA Olympics 2028 men’s cricket event mein shaamil hona mushkil. ICC ne regional qualification format approve kiya hai jisme har continent ki top team qualify karenge. India, Australia, South Africa, Great Britain aur USA already qualify ho chuka hai. Sirf eik slot baaqi hai. Pakistan aur New Zealand ne is decision par narazgi ka izhar kiya hai.
Laura Dahlmeier Rockfall Incident Kay Baad laila Peak Say Lapata
Germany ki mashhoor mountaineer Laura Dahlmeier Gilgit-Baltistan ke Hushy Valley (zila Ghanche) mein Laila Peak 6,096m climb karte hue 28 July ko rockfall ka shikar ho kar 5,700m ki bulandi par ghaib ho gayi. Saathi Marina Eva bach kar base camp pohanch gayi. Helicopter survey ne sangeen choton aur “no signs of life” ki tasdeeq ki. Rescue mission jari hai.
Pakistan Ne Kashmir Ke Maslay Mein UN Ka Kirdar Barhane Ki Darkhwast Ki
Pakistan ne UN se kaha ke Kashmir jese purane conflicts ke hal ke liye peacekeeping missions ka kirdar barhaya jaye. UNSC mein Ambassador Asim Iftikhar ne kaha missions clear mandate aur political process ke sath ho. Pakistan 48 missions mein hissa le chuka, 235,000 peacekeepers ne duty di, 182 shaheed hue. Reform aur technology integration ki bhi demand ki gayi.
Sindh Govt Nay Rs40,000 Minimum Wage Set Kar Diya Workers Ke Liye
Sindh Govt ne unskilled workers ka minimum wage Rs40,000/month aur hourly Rs192 set kiya hai, effective 1st July 2025. Semi-skilled ko Rs41,380, skilled ko Rs49,628, aur highly skilled ko Rs51,745 milenge. Equal pay for male-female ensure kiya gaya hai. Labour Minister ne kaha inflation se bachao aur mazdooron ke rights ki protection priority hai.
Dubai Airport Ne 2025 Mein Passenger Record Tor Diya
Dubai Airport ne 2025 ke pehle 6 mahina mein 46 million passengers ko handle karke record tor diya hai. Har mahina average 7.7 million logon ny safar kiya. Iran-Israel war ke bawajood yeh growth hui. Dubai Airports ke CEO Paul Griffiths keh rahe hain ke is saal 96 million tak pohanchna ki umeed hai. Sabse zyada safar India, Saudi Arabia aur UK se hua.
Modi Ne India-Pakistan Jang Rokne Mein Trump Ka Qirdar Radd Kar Diya
Modi ne parliament mein wazeh keh diya ke India-Pakistan jang rokne mein kisi world leader, including Trump, ka koi qirdar nahi tha. Operation Sindoor ke doran Pakistan ne khud larai rokne ki darkhwast ki. Rahul Gandhi ne Trump ke peace claim par Modi ko challenge kiya, jabke Trump ne Scotland mein kaha ke usne dono mulkon ka war roka.