Insaaf Ka Nizaam Fail, Experts Ne Alarm Bajaya
Experts ne Habib University Karachi mein conference ke doran Pakistan ke legal aur civil system ko “holnaak” aur “broken” qarar diya. NCHR Chair Rabiya Javeri ne kaha rape cases ka conviction sirf 0.5% hai. SP Amna Baig ne police aur culture ke taluq pe roshni dali. 26th Amendment pe tanqeed, aur human rights reforms ki demand uthai gayi.
Lahore Mein Tez Barish, Low Areas Pani Mein Doob Gaye
Lahore mein itwaar ko tez hawaon aur tez barish ne shehar ki zindagi ko disturb kar diya. Shimla Hill aur low-lying areas paani mein doob gaye. Airport aur Paniwala Talab mein 89mm tak barish record hui. MET department ka kehna hai ke monsoon ka silsila halka hai, lekin northeast Punjab mein mazeed barish ka imkaan hai.
Lahore Ke Parks Mein Tobacco Par Sakht Pabandi
Punjab govt ne tamam parks mein tobacco products par pabandi laga di! PHA ne No Smoking boards lagane shuru kar diye. Smoking, vapes aur har qisam ke tobacco use, sale aur ads completely banned hain. Violation par Rs1,000 fine, police hawale aur legal action hoga. Citizens se appeal: sehat mand environment ka saath dein!
Pakistan ke Nurses Low Salary Par Foreign Jobs Dhoondhne Lage
Low salaries aur zyada workload ki wajah se Pakistan ke nurses UK, Canada aur Gulf ja rahe hain. 2024 mein 5.8% highly educated workforce ne mulk chhora. Sirf 116,659 nurses registered hain jabke zaroorat 7 lakh ki hai. WHO standards se neeche ratio. Govt efforts ke bawajood nurses ka brain drain health system ko weak kar raha hai.
Punjab Mein Bheek Maangna Walon Ke Khilaaf Crackdown
Punjab govt ne bheek maangna walon ke khilaaf crackdown ka faisla kar liya. Social Welfare Secretary Javed Akhtar ke under special committee banai gayi hai jo 15 din mein action plan degi. Har jail mein beggary barracks tayar, 10,000 ki capacity. Sirf Lahore ki jails mein 1,000 beggars ke liye jagah mukarrar ki gayi hai.
Muzaffargarh Mein 2 Na Baligh Larkiyon Ki Shadi Police Ny Nakaam Kardi
Sanawan ke gaon Patti Naich mein 2 Na Baligh yateem larkiyon ki zabardasti shadi ki koshish police ne barwaqt action le kar nakaam bana di. Noor Fatima (15) aur Maryam Abbas (16) ki Ali (15) aur Bilal (14) saala baccho se bagair raza mandi shadi karwai ja rahi thi. Police ne 4 afraad ko giraftar kar liya.
Khanewal Mein Lagataar Daketiyan, Sona Cash Loot Liya
Khanewal mein chand dinon ke andar lagataar chaar daketiyan report hui hain. Rab Nawaz, Akbar, Ehsaan aur Imtiaz Hassan ko sona, cash aur mobile phones se mehroom kar diya gaya. Har waqia mein musallah afraad ne gunpoint par loota. Ye sab alag alag log hain, lekin loot ka silsila jura hua lagta hai. Police ne tehqiqaat shuru kar di hai.
CSS 2026 Ka Elan, Age Aur Attempts Mein Riayat
FPSC ne CSS 2026 ka schedule jari kar diya hai. MPT applications 11 se 25 August 2025 tak li jaayengi, aur written exam 4 February 2026 se hoga. National Assembly ne age limit 30 se barhakar 35 saal aur eik extra attempt ki approval de di. Naye rules 2026 se lagu honge, taakay zyada candidates apply kar saken.
Pakistan Iran Ka Sath, Israel Ke Zulm Ki Muzammat
PM Shehbaz ne Iranian President Dr. Pezeshkian ke saath mulaqaat mein Iran ke nuclear program ke pur-aman haq ki himayat ki. Dono ne Israel ke Gaza aur Iran par hamlon ki sakht muzammat ki. $8 billion trade target, border security, aur terrorism ke khilaaf mil kar action lene par ittefaq hua. Dosti mazeed mazboot banane ka irada zahir kiya gaya.
Hajj 2026 Dues Shuru, Repeat Hajj Par Pabandi Khatam
Hajj 2026 ke liye dues ki pehli qist Monday se jama ki jaayegi. Registered applicants Saturday tak paisay banks ya online portal ke zariye jama karwa sakte hain. Package Rs 11.5–12.5 lakh tak hoga, Dam-e-Shukr shamil hai. Repeat Hajj aur age limit ke restriction khatam, lekin 1 March 2014 ke baad paida hua bachay eligible nahi hain.