Malik Riaz Absconder, NAB 7 August Ko Auction Karega
Islamabad High Court ne Bahria Town ki petitions reject kar di, NAB ab 7 August ko 6 properties ke auction karega. Malik Riaz £190 million Al-Qadir case mein absconder hain. Company ke accounts freeze, staff arrest aur operations band hain. Malik Riaz ne kaha woh arbitration ke liye tayyar hain aur dignified solution chahte hain.
Pakistan Wins 4 Medals At Nuclear Olympiad 2025
Pakistan ne Malaysia mein INSO-2025 Nuclear Olympiad mein 4 medals jeet liye. 19 mulkon ke students ne hissa liya. Muhammad Tayyab ne gold, Ammar Asad ne silver, jabke Rawah Javed aur Tatheer Aima ne bronze medals jeete. Team ko PIEAS aur PAEC ke experts ne train kiya. Science aur education ke liye yeh eik ahem kamyabi hai.
Pakistan Mein Polio Cases Barh Kar 19 Ho Gaye
Pakistan ke polio cases 2025 mein 19 tak pohanch gaye hain. Lakki Marwat se naya case samne aaya KP ka 12wa case. South KP mein vaccine se inkaar ab bhi bara challenge hai. 1 September se naya nationwide vaccination campaign shuru ho raha hai. Har parent se appeal hai ke bacho ko polio drops zaroor dilwaayein. Sirf vaccine hi bacha sakti hai.
Afghan PoR Holders Ki Deportation 1 September Se Shuru
Pakistan ne Afghan PoR card holders ki deportation ka faisla kar liya hai. 1 September se wapsi ka official amal shuru hoga. Un logon ko nikala jayega jinka PoR 30 June ko expire ho chuka hai. Ab tak 13 lakh Afghans wapas bheje ja chuke hain. UN aur human rights groups ne is faislay par concern zahir kiya hai.
Achakzai Ne Insaf Ka Kaha, Siyasi Parties Ko Apas Mein Baat Ka Mashwara
Mahmood Achakzai ne siyasi parties se kaha ke mulk ko crisis se nikalne ke liye mil kar baat karein. Har kisi ko apni ghaltiyon ka aitraaf karna chahiye. Unka kehna tha ke Imran Khan ki behnon ko jail mein mulaqaat se rokna ghalat hai. PTI ka protest jari hai, 300 workers giraftar, kuch MPAs ko uthakar baad mein chhora gaya.
Rawalpindi Mein 10 Hazar Gharon Ko Zakat Relief
Rawalpindi mein 10,000 deserving families ko Rs 24,000 Zakat assistance JazzCash ke zariye transfer ki gayi. Adiala Jail ke un prisoners ke fines bhi aaj ada kiye ja rahe hain jo saza mukammal kar chuke hain. Serious crimes walay is mein shamil nahi. Agle mahina dowry support aur scholarships ke funds bhi release kiye jaayenge
Kashmir Ke Saath Yakjehti, Pakistan Ka Zor Daar Paighaam
Pakistan ne Youm-e-Istehsal par Kashmirion ke saath purzor yakjehti ka izhar kiya. PM Shehbaz ne kaha ke masla Kashmir Pakistan ki foreign policy ka central hissa ka hai. Armed forces ne bhi Kashmirion ke haq-e-khud iradiyat ki himayat ki. President Zardari aur army leadership ne India ke 5 August 2019 ke illegal actions ki shiddat se muzammat ki.
Climate Change Ne Indus Delta Ko Tabah Kar Diya
Indus Delta mein climate crisis intensify kar gaya hai. Samundari pani ke intrusion ne zameen ko baykaar aur logon ke rozgar ko tabah kar diya. Aakhri 20 saalon mein 1.2 million log beghar ho chuke hain. 1950s ke baad se pani ka flow 80% kam aur salinity 70% barh chuki hai. Hukumat ka “Living Indus Initiative” jari hai, lekin logon ki hijrat ab bhi jari hai.
Lahore Se 300 PTI Supporters Giraftar, Ehtijaj Jari
Imran Khan ki giraftari ke 2 saal mukammal hone par PTI ka mulk bhar mein pur-aman ehtijaj jari. Lahore mein 300 se zyada party ke rukn giraftar, 7 MPAs bhi chand ghanton ke liye police custody mein rahe. Islamabad aur Rawalpindi mein Section 144 naafiz. PTI leadership ne supporters se peaceful protest jari rakhne ki appeal ki hai.
UK Ne Chevening Scholarships Ka Eik Martaba Phir Elan Kar Diya
UK ne Pakistan ke mid-career professionals ke liye fully funded Chevening Scholarships ka elan kar diya hai. Scholarship mein tuition fees, visa, travel, aur rehne ka kharcha shamil hai. 1 saal ki Master’s degree ke liye hai. Applications 5 August se 7 October 2025 tak online submit ki ja sakti hain. Leadership aur networking skills zaroori hain.