Islamabad Mein Yom-e-Azadi March Ki Shandar Taqreeb
Islamabad, Jinnah Sports Stadium mein Yom-e-Azadi aur Ma’raka-e-Haq ki shandar taqreeb hui. President Asif Zardari, PM Shehbaz Sharif, Field Marshal Asim Munir, federal ministers, parliament members aur citizens shamil hua. Teenon armed forces, Punjab Rangers, FC KPK aur SSG commandos ne march past kiya. Turkey aur Azerbaijan ke troops ne bhi hissa liya.
NADRA Ne Asan CNIC Name Change Procedure Announce Kar Diya
NADRA ne CNIC mein naam ya details change karne ka procedure announce kar diya. Token hasil karein, biometric verification karwayen, apne details update karein, application approve hone ka wait karein, aur fee pay karein (750-2500 PKR). Required documents: birth certificate ya affidavit, religion change ke liye Dar-ul-Fataah certificate. CNIC 7-30 din mein hasil karein.
BISE Multan Matric 2025 Result Cards Ab Available
BISE Multan ne Matric 2025 ke result cards distribute karne ka schedule announce kar diya. Regular students ke cards schools ko bhej diye gaye, private candidates board office se original roll slip dikhakar le sakte hain. Missing cards 11 October ke baad sirf duplicate issue honge. Results online aur SMS ke through bhi check kiye ja sakte hain.
Pakistan Car Sales FY2025-26 Pehle Mahina Mein Barh Gayi
Pakistan mein Financial Year2025-26 ke pehle mahina mein car sales 21.82% barh gayi. Ab tak total 7,135 cars bechi gayi. Honda Civic/City 1,143, Toyota Corolla/Yaris 2,418, Suzuki Swift 522, Cultus 239, WagonR 25 aur Alto 2,327 units sell huyi hein. Nayi Dewan Honri-VE electric car ke 24 units July 2025 mein beche gaye. dehkte hein agay kitna sale record jata hai.
18 Se 22 August Tak Pakistan Ke Mukhtalif Ilaqon Mein Barish
PMD ke mutabiq 18-22 August tak poore Pakistan mein barish ka imkaan hai. Monsoon activity tezz ho rahi hai, Arabian Sea aur Bay of Bengal ke currents mulk mein moisture le aa rahe hain. Islamabad, Kashmir, Punjab, KP, Gilgit-Baltistan, Sindh ke mukhtalif districts aur Baluchistan ke northeastern areas mein barish expected hai.
Pakistan Hajj 2026 Applications 91,300 Seats Abhi Available
Pakistan mein Hajj 2026 government scheme ke liye ab tak 91,300 applications aa chuki hain. Applicants 16 August tak ya quota fill hone tak apply kar sakte hain. Abhi 37,000 seats available hain. Scheme mein do options diye gaye hein short package 20–25 din ka hai aur Long package 38–42 din ka, cost Rs1.15–1.25 million tak hai. Quota 70% government, 30% private hai.
Karachi Mein Marka-e-Haq Musical night, PM Ne Har Saal Manane Ka Elan Kiya
Karachi National Stadium mein Independence Day aur “Marka-e-Haq” celebrate karne ke liye musical night hogi, traffic police ne special parking plan diya. Marka-e-Haq 7–10 May 2025 ka Pak-India military operation tha jo Indian strikes ke jawab mein launch hua. PM ne 10 May ko har saal “Marka-e-Haq Day” manane ka elan kiya.
Pakistan Ne Gaza Strike Par Israel Ko Sakht Tanqeed Ki
Pakistan ne Gaza mein Israeli airstrike se civilians aur 6 journalists ki maut par Israel ko sakht criticise kiya, international community se turant action ka mutalba kiya. FO ne Palestine ke liye support confirm ki, 1967 borders par sovereign state ka stance diya. Gaza City ke eastern areas mein sabse bara bombardment, Netanyahu ka naya Hamas offensive ka elan.
New Zealand PM Ne Netanyahu Par Gaza Hunger Warning Di
NZ PM Luxon ne kaha Netanyahu had se zyada aage gaye aur international community ki baat nahi sunn rahe. UN ne warn kiya ke Gaza mein bhookmari ka khatra hai kyunke Israel ne humanitarian aid roki hui hai. NZ September mein decide karega ke Palestine ko official state ke taur par recognise kare ya nahi.
South Korea Former First Lady Kim Keon Hee Giraftar
South Korea ki former First Lady Kim Keon Hee corruption charges par arrest, apne shohar ex-President Yoon Suk Yeol ke saath jail mein. Un par ilzaam: stock fraud, bribery, influence peddling, luxury gifts chhupana. Court ne evidence destroy karne ka risk bataya. Yoon par alag se insurrection trial, jisme life imprisonment ya death penalty ho sakti hai.