Pakistanio Ky Liye Bari Khushkhabri! Türkiye Ne Pakistani Visa Fee Update Kardi
Türkiye ne Pakistanion ke liye Transit Visa Fees Update kardi hai. Türkiye ne Pakistanion ke liye transit visa fees revise kar di hain. Single transit: 3m $180, 6m $200, 12m $220. Double transit: 3m $240, 6m $260, 12m $280. Payment PKR mein hogi SBP rate ke mutabiq. Applications officially Anatolia Travel Services process kare gi.
HEC Ne Pakistani Students Ke Liye Omani Scholarships Announce Ki
HEC ne announce kiya hai ke Pakistani students ke liye Omani Scholarship Program 2025–26 open ho gaya hai. Yeh fully funded undergraduate scholarships hain jisme tuition fee free hogi, OMR 200 ya 140 monthly stipend milega aur har saal air ticket bhi milegi. Eligible candidates (under 23, Intermediate last 3 saal mein) apply kar sakte hain. Deadline: 25 Aug (universities), 23 Sep (HEC).
NADRA Ne Peshawar Airport Par Overseas Facilitation Desk Upgrade kiya
NADRA ne Bacha Khan International Airport par apna overseas facilitation desk upgrade kar diya. Ab NICOP, FRC aur POC jaise services direct terminal ke office mein available hain, Pak-ID app support ke sath. Yeh step senior citizens, disabled aur urgent travellers ke liye waiting time kam karega, aur govt ke “Digital Pakistan” initiatives ka hissa hai.
Govt Ne 85,000 Metric Tons Sugar Import Ke Liye LCs Open Kiye
Govt ne 85,000 metric tons sugar import karne ke liye LCs open kar diye. Pehli shipment chand hafton mein ports par pohanchay gi. Agreement rising sugar prices (PKR 200/kg) aur shortages ko control karne ke liye hua. Officials ne kaha imported sugar international standards ki hogi, supply continuity aur inflation control ensure kiya jaega.
K-Electric Ne Karachi Ke Konse Areas Ko Load-Shedding Se Chhutkara Diya?
Karachi, K-Electric ne Jama Cloth Market aur Burns Road ko load-shedding se chhutkara de diya. KE ke mutabiq bills ki timely payment aur electricity theft kam hone ki wajah se yeh mumkin hua. Ab 70% area load-shedding free hai, aur target hai 2030 tak 90% Karachi ko relief mile. Areas with theft/outstanding dues ko zyada load-shedding ka samna hoga.
Wazirabad By-Election Mein Cheema Family Ko Sakht Challenge
Wazirabad by-election Cheema family ki 2008 se chalti aa rahi jeet ko challenge kar raha hai, kyunke federal minister ka bhai Bilal Tarar PML-N ke liye NA-66 ka strong favourite ban kar samne aa gaya hai. PTI ne seat se withdrawal kar diya hai, jabke PML-N mein Mehr Ishtiaq, Mian Nouman aur Rana Mashud ticket ke liye koshish kar rahe hain.
Rawalpindi Mein Shohar Aur Beta Biwi Ke Qatal Mein Mulawis
Rawalpindi, Girja area mein afsosnaak waqia hua husband Amir Abbas aur uska beta par biwi Samina ko shaheed karne aur chup kar Kot Addu mein dafan karne ki koshish ka ilzaam. Funeral ke doran relatives ne torture ke nishan dekhe to burial rok di gayi. Police ne post-mortem ke baad murder case register kar ke suspects ki giraftari ka hukum de diya.
Karachi Court Ne Rape Aur Abduction Case Mein 50 Saal Qaid Ki Saza Di
Karachi, Local court ne Shahbaz alias Shabi ko 15 saal ki larki ke rape, abduction aur dhamkian dene ke case mein 50 saal qaid aur Rs1.65m jurmana suna diya. June 2021 ka case Brigade Police Station mein register hua tha. Dusre waqia mein, DNA match ke baad Muhammad Huzaif ko 16 saal ki neighbor ke rape aur qatal par jail bhej diya gaya.
Bajaur Mein KP Govt Ka Helicopter Crash, 3 Shaheed
Peshawar, KP govt ka MI-17 helicopter, jo Bajaur ke Salarzai mein relief saman le ja raha tha, Mohmand airspace mein bad weather ki wajah se crash kar gaya, 3 log shaheed. CM Ali Amin Gandapur ne rescue orders diye. Is k sath hi, heavy rains aur flash floods ne KP mein 43 logon ki jaan le li, 14 zakhmi, ghar tabah.
Mahnoor Cheema Ne 24 A Grades Hasil Karke World Record Banaya
British-Pakistani student Mahnoor Cheema ne duniya bhar ka record tod dia, A-Levels mein 24 A grades hasil karke history bana di. Mahnoor ab Oxford University mein medicine parhe gi. Is se pehle usne GCSE ke 34 subjects pass kiye the, 17 A+ grades ke sath. Mahnoor ke walid ne kaha yeh sirf family nahi, duniya bhar ke students ke liye inspiration hai.