Science Ne Sabit Kiya Aurtein Behes Mein Zyada Theek Hoti Hein
Science ne sabit kiya hai ke arguments mein aksar khawateen zyada theek hoti hain. Unki emotional intelligence, empathy aur detail pe focus unhein behtar faislay tak le jata hai. Mard hamesha ghalat nahi hote, magar kisi aur ka nuqtah-e-nazar samajhna zaroori hai. Kabhi kabhi chup rehna ya maan lena, asal aqalmandi hoti hai
M-2 Par Dehshat Naak Haadsa, 9 Halak, 31 Zakhmi
Chakwal mein M-2 Motorway par passenger bus ulat gayi, jisme 9 afraad halak aur 31 zakhmi hue. Bus Islamabad se Lahore ja rahi thi jab Balkasar Interchange ke qareeb tyre burst se haadsa hua. Bachay aur auratein bhi halak honay walon mein shamil hain. Rescue ne zakhmiyon ko hospital muntakil kiya. Driver ke khilaf karwai jari hai.
Chawal Ki Fasal Tabah, Pani Ki Talaash Jari
Badin mein paani ki kami ka buhran shadeed ho gaya hai, jabke Kotri Barrage mein paani dastiyaab hai. Kisaan ehtijaaj par hain, kyunke chawal ki fasal paani ki kami se sukh rahi hai. Protest mein kisano ne mutalba kiya ke Mirwah canal ka paani 11.5 se barhakar 17.5 feet kiya jaye aur 3,400 cusecs paani mukammal tor par diya jaye.
Khyber Mein Qatal Par Protest, Goliyon Se 5 Halak
Tirah Valley, Khyber mein larki ke qatal ke khilaf ehtijaaj ke doran firing se 5 afraad jaan bahaq aur 17 zakhmi ho gaye. Brigade HQ ke samne ehtijaaj mein dispensary ko aag laga di gayi. PM Shehbaz aur CM Gandapur ne afsos ka izhar kiya. Hukumat ne maali madad ka elan kiya jaan bahaq kay liye 1.5 crore or zahkmi kay liye 1.2 lac. Baat cheet ke baad ehtijaaj khatam hua.
Monsoon Se Mulk Bhar Mein Tabahi, Halakatain Barh Gayi
Monsoon barishon aur floods ke natije mein mulk bhar mein 271 log jaan bahaq aur 655 zakhmi ho chuke hain. Aakhri 24 ghanton mein 6 halakat aur 22 zakhmi report hue. DG Khan mein Indus River se 20 se zyada bastiyan doob gayi hain. G-B mein 10 log jaan se ja chuke hain. 28 July se nayi monsoon spell ka aaghaaz ho raha hai.
Mehangai Ne Awam Ko Rula Diya, Rate Control Na ho Saka
Punjab mein sabziyon aur phalon ki qeematien paanch hafte se lagataar barh rahi hain. Har cheez Rs200/kg se zyada mein mil rahi hai. Zinda murghi ka rate Rs389-403 hai, magar Rs450-480 mein bik rahi hai. Price control department price control mein nakaam ho gai hai. Awam mehangai se pareshaan hai, magar hukoomat ki taraf se koi action nahi liya gaya.
Pakistan Railways Ka Digital Daur, Awam Ke Liye Khush Khabri
Itwaar ko Pakistan Railways ke liye bade reforms ka elan hua. Railway Minister Hanif Abbasi ne kaha Rohri-Karachi agreement jaldi tay ho jayega. Lahore-Rawalpindi track upgrade ke liye Rs50 billion mil chuke hain, jisse safar 2 ghante ka reh jayega. Digital system, free Wi-Fi, escalators, ATMs, behtar khana shamil hai. Smuggling aur ticketless safar par sakhti hogi. 500 naye Railway Police recruit hue hain.