Tape Ball Cricket Ki Barhti Shohrat Par Khushi Ka Izhar
Karachi mein Naya Nazimabad Ground par tape ball tournament ke final ke moka par Inzamam-ul-Haq aur Sarfaraz Ahmed ne tape ball cricket ki barhti maqbooliyat ko khushi ka baais qarar diya. Inzamam ne kaha unke daur mein 50 lakh ka inaam bhi nahi hota tha. Sarfaraz ne apni shuruaat street cricket se hone ka tazkira kiya.
Vice Captain Shadab khan Ka Asia Cup Mein Shamil Hona Mushkil
Shoulder injury ke sabab vice captain Shadab Khan ke Asia Cup 2025 mein shamil hone ke imkanat kam ho gaye hain. Medical reports ke mutabiq unki wapsi October se pehle mumkin nahi. Asia Cup 9–28 September tak UAE mein hoga. Pakistan apna pehla match 12 ko Oman aur 14 ko India ke khilaf khele ga.
Trump Ne Gaza Mein Food Centres Ka Elan Kar Diya
US President Trump ne Gaza mein food centres banane ka elan kiya bina boundaries ke, taake bhook se bilakne walon ko foran madad mil sake. UK PM Starmer ne ise insani afat qarar diya aur Israel par aid access ke liye pressure ka kaha. Trump ne $60m aid di; ceasefire ki himayat ki, magar Palestinian statehood par raaye se guraiz kiya.
PTI Ko Bara Nuqsan, Teen Rehnuma Na Ahal Qarar
ECP ne PTI ke MNA Ahmed Chattha aur Punjab Opposition Leader Malik Ahmed Khan ko 9 May ke dange aur fasad mein 10 saal qaid ke baad Article 63(1)(h) ke tehat na-ahal qarar de diya. Senator Ejaz Chaudhry bhi disqualify hue. Dange Imran Khan ki giraftari ke baad shuru hue; kai PTI rehnuma ab bhi qaid mein hain.
Germany Karachi Consulate Ne Non-EU Visas Band Kar Diye Hain
Germany ke Karachi Consulate ne non-EU citizens ke liye tamam visa services foran band kar di hain, hatta ke un logon ke liye bhi jinki appointments confirm thi. Applicants ko kaha gaya hai ke services bahal hone par dobara register karein. Saath hi, US ne visa applicants ke liye social media public karna lazmi qarar diya hai.
Chikungunya Ka Khauf, Wabaa Phailna Ka Andesha
WHO ne warning di hai ke chikungunya virus ki bari global wabaa ka khatra hai. Ye machhar se phailta hai, bukhar aur joints ke dard ka sabab banta hai. 119 mulkon mein report ho chuka hai, 5.6 billion log risk mein hain. Virus South Asia, Africa aur Europe tak phail raha hai. France mein local transmission confirm ho chuki hai.
America Ne UNESCO Ko Chora, China ne jagah le li
America ne UNESCO se nikalne ka faisla kiya, keh kar ke yeh uske qaumi mafad mein nahi. Trump ko global idaron aur soft power par bharosa nahi. China chori hui jagah ka faida utha kar apna asar barha raha hai. UNESCO sirf virsa nahi, balkay duniya ka bayania aur pehchan banane ka zariya bhi hai
Elon Musk Ka Starlink Pakistan Pohanchna Ko Tayyar Hai!
Elon Musk ka Starlink ab Pakistan ka rukh kar raha hai. Fiber aur cables ke baghair, yeh satellite internet har sheher, gaon aur pahaar tak super fast internet layega 50 se 500 Mbps tak! Sirf eik choti dish aur Wi-Fi router chahiye. Launch expected hai 2025 ke end tak. Ye mehanga zaroor hoga, lekin future mein yeh internet ka asli game changer ban sakta hai.
Stock Market Ne Udaan Bhari, Phir Wapas Gir Gaya
Pakistan Stock Exchange (PSX) mein hafta ke pehle din tezi dekhi gayi, 100 Index 870 points barh kar 1,40,077 tak gaya. Baad mein utaar charhao ke baad sirf 253 points ka izafa raha aur index 1,39,460 par band hua. Trading ke doran index 1,40,149 tak bhi gaya. Guzishta hafta mein market 1,39,207 par band hui thi.
Pakistan Mein Naujawano Ke Liye Naye Career Chances
2025 Pakistan ke job market mein naye mauqe laa raha hai. Tech, healthcare, energy aur education sectors taraqqi par hain. Digital skills, Urdu,English fluency aur leadership qualities ki demand barh rahi hai. Software developers, data scientists aur doctors ki zaroorat zyada hai. Job portals, networking aur naye skills se aap apna mustaqbil roshan bana sakte hain