Ayeza Khan Ki Cosmetic Surgery Ne Social Media Par Behas Chher Di
Ayeza Khan ki Europe ki recent photos ne social media par debate chher di. Fans ne unke chehre mein noticeable changes dekhe aur kuch ne ise styling kaha, jabke bohot se log samajhte hain ke unhone cosmetic procedure karwaya hai. Ayeza Khan ne ab tak afwah ka koi jawab nahi diya, lekin social media par discussions tezi se phail rahi hain.
Yasir Hussain Ne Doston Ke Saath Birthday Celebrate Kiya
Yasir Hussain ne apni birthday friends aur family ke saath celebrate ki. Unhon ne birthday post par mazaahiya caption likh kar fans ko entertain kiya. Celebration mein Iqra Aziz ke ilawa Sana Javed, Shoaib Malik aur close friends shamil thay. Simple outfits aur relaxed get-together ki pictures social media par kaafi like ki ja rahi hain.
YouTuber Ducky Bhai Ki Jail Ke Baad Mental Health Mutasir, Iqra Kanwal Ka Inkishaaf
Iqra Kanwal ne apne vlog mein reveal kiya ke jail se rehayi ke baad Ducky Bhai ki mental health affect hui hai. Iqra aur unke husband Areeb ne bataya ke doctor aur family ke mashwaray par unhein thora space diya ja raha hai. Yeh Ducky Bhai ka pehla jail experience tha jo unke liye emotionally bohot tough sabit hua.
60 Ki Umar Mein Dobara Mohabbat Milne Ki Tawaqqo Nahi Thi: Aamir Khan
Bollywood actor Aamir Khan ne kaha ke 60 saal ki umar mein dobara mohabbat milne ki umeed nahi thi. Unhone apni partner Gauri Spratt ke saath rishta aur purani wives Rina Dutta aur Kiran Rao ke sath respect aur strong relation ka zikr kiya. Aamir ne kaha ke ye log unki life aur personality ko behtareen banane mein madadgar rahe.
Geo’s Drama ‘Case No. 9’ Ne 100M Views Cross Kiye Youtube Pay 22 Ep Complete Hone Ke Baad
Case No. 9 YouTube par 100 million views cross kar gaya hai sirf 22 episodes ke baad. Faysal Quraishi starer ye drama crime aur justice ko boldly depict karta hai aur sensitive social issues ko highlight karta hai. Episode 22 ke release ke baad viewership aur barh gayi. Drama Ali Faizan direct aur 7th Sky Entertainment produce kar raha hai.
Talha Anjum Dobara Pakistan Ke Most-Streamed Artist, Critics Ko Karara Jawaab
Talha Anjum ko Spotify Annual Wrapped 2025 mein Pakistan ka sabse zyada suna jane wala local artist award diya gaya, dusri dafa lagatar. Unhone critics ko jawab dete hue kaha ke unko girane ki saazishen, boycott, legal notices aur jhooti khabrein kaam nahi aayin. Talha ne apni success ko Khuda ka karam aur fans ka pyar qarar diya.
Aamir Khan Ne Apne Relationships Par Khul Kar Baat Ki Kaha ‘Hum Sab Asal Mein Ek Hi Family Hain’
Aamir Khan ne apne relationships par khul kar baat ki, jisme unki ex-wives Reena Dutta aur Kiran Rao bhi shamil hain. Unhone kaha ke separation ke bawajood sab ek family hain, aur har ek ne unki personal growth mein bara role ada kiya. Aamir ne apni partner Gauri Spratt ke saath 18 maheene ka rishta aur 25 saal ki dosti bhi share ki.
Mehreen Pirzada Ne Indian Airline Ko ’Jahannum Mein Jao’ Keh Diya
Mehreen Pirzada ne Indian airline Indigo ko social media par “Jahannum Mein Jao” keh diya. Unhone flight delays, ghalat information aur passengers ko airports par phansaye jaane par shikayat ki. Airline ne maafi maangi aur flight time sahi hone ka kaha. DGCA ne Indigo ko schedule theek karne, refunds aur passengers ko facilities dene ke orders jari kiye.
Sehar Khan Ki Bold Dressing Par Backlash
Sehar Khan ke bold western outfit par social media par kaafi backlash dekhne mein aa raha hai. Drama Ek Aur Pakeezah ke launch event Lahore mein Sehar ne black palazzo pants aur brown silk top ke saath short blazer pehna, jis par users ne tanqeed ki. Event ki pictures viral ho rahi hain aur opinions divided hain.
Qubool Hai Se Saat Phere Tak, Sarah Khan Aur Krash Pathak Ne Shadi Kar Li
Indian TV actress Sarah Khan ne actor Sunil Lehari ke beta Krash Pathak se shadi kar li. Court marriage ke baad December mein traditional ceremonies hui jin ki photos couple ne social media par share ki. Shadi mein Hindu aur nikah dono rituals shamil the. Sarah ki ye doosri shadi hai; pehli shadi Ali Merchant se 2011 mein khatam hui thi.