Pakistan ke Nurses Low Salary Par Foreign Jobs Dhoondhne Lage
Low salaries aur zyada workload ki wajah se Pakistan ke nurses UK, Canada aur Gulf ja rahe hain. 2024 mein 5.8% highly educated workforce ne mulk chhora. Sirf 116,659 nurses registered hain jabke zaroorat 7 lakh ki hai. WHO standards se neeche ratio. Govt efforts ke bawajood nurses ka brain drain health system ko weak kar raha hai.
Punjab Mein Bheek Maangna Walon Ke Khilaaf Crackdown
Punjab govt ne bheek maangna walon ke khilaaf crackdown ka faisla kar liya. Social Welfare Secretary Javed Akhtar ke under special committee banai gayi hai jo 15 din mein action plan degi. Har jail mein beggary barracks tayar, 10,000 ki capacity. Sirf Lahore ki jails mein 1,000 beggars ke liye jagah mukarrar ki gayi hai.
Muzaffargarh Mein 2 Na Baligh Larkiyon Ki Shadi Police Ny Nakaam Kardi
Sanawan ke gaon Patti Naich mein 2 Na Baligh yateem larkiyon ki zabardasti shadi ki koshish police ne barwaqt action le kar nakaam bana di. Noor Fatima (15) aur Maryam Abbas (16) ki Ali (15) aur Bilal (14) saala baccho se bagair raza mandi shadi karwai ja rahi thi. Police ne 4 afraad ko giraftar kar liya.
Khanewal Mein Lagataar Daketiyan, Sona Cash Loot Liya
Khanewal mein chand dinon ke andar lagataar chaar daketiyan report hui hain. Rab Nawaz, Akbar, Ehsaan aur Imtiaz Hassan ko sona, cash aur mobile phones se mehroom kar diya gaya. Har waqia mein musallah afraad ne gunpoint par loota. Ye sab alag alag log hain, lekin loot ka silsila jura hua lagta hai. Police ne tehqiqaat shuru kar di hai.
CSS 2026 Ka Elan, Age Aur Attempts Mein Riayat
FPSC ne CSS 2026 ka schedule jari kar diya hai. MPT applications 11 se 25 August 2025 tak li jaayengi, aur written exam 4 February 2026 se hoga. National Assembly ne age limit 30 se barhakar 35 saal aur eik extra attempt ki approval de di. Naye rules 2026 se lagu honge, taakay zyada candidates apply kar saken.
Pakistan Iran Ka Sath, Israel Ke Zulm Ki Muzammat
PM Shehbaz ne Iranian President Dr. Pezeshkian ke saath mulaqaat mein Iran ke nuclear program ke pur-aman haq ki himayat ki. Dono ne Israel ke Gaza aur Iran par hamlon ki sakht muzammat ki. $8 billion trade target, border security, aur terrorism ke khilaaf mil kar action lene par ittefaq hua. Dosti mazeed mazboot banane ka irada zahir kiya gaya.
Hajj 2026 Dues Shuru, Repeat Hajj Par Pabandi Khatam
Hajj 2026 ke liye dues ki pehli qist Monday se jama ki jaayegi. Registered applicants Saturday tak paisay banks ya online portal ke zariye jama karwa sakte hain. Package Rs 11.5–12.5 lakh tak hoga, Dam-e-Shukr shamil hai. Repeat Hajj aur age limit ke restriction khatam, lekin 1 March 2014 ke baad paida hua bachay eligible nahi hain.
Punjab Mein Sabzi Aur Chicken Ki Qeematain Asmaan Par
Punjab mein sabzi aur murghi ke gosht ki qeematain aasman choo gayi hain. Sarkari rate list sirf naam ki reh gayi hai. Lehsun, adrak, tamatar, pyaaz sab kuch double rate par mil raha hai. Chicken Rs 480/kg tak ja chuka hai. Naye price control departments fail ho gaye hain. mehangai ne ghareeb aur middle class ko kafi pareshan kar diya hai.
Former AJK PM Qayyum Niazi MPO Ke Tehat Giraftar
Former AJK PM Sardar Abdul Qayyum Niazi ko Section 16 MPO ke tehat Bhimber jate huye arrest kiya gaya. Un par Islamabad mein terrorism, dacoity aur awaami order torne jaise serious ilzamaat mein FIR darj hai. Mirpur guest house ko sub-jail declare kar ke unhein wahan rakha gaya hai. Bail pe hone ke bawajood giraftari hui.
Malir Mein Property Jhagray Par Firing, Filipino Zakhmi
Karachi ke ilaqa Malir 15, Kala Board mein eik ghar mein firing ka waqia hua jahan 55 saal ki Filipino Delia Nasir goli lagne se zakhmi ho gayi. Shohar ki wafat ke baad property ke tanazay par devar Danish ne goli chalayee aur farar ho gaya. Police ne crime scene se saboot ikattha kar ke Danish ki talaash shuru kar di hai.