PM Shehbaz Sharif Aur Aliyev Ne Aman Aur Taawun Par Baat Ki
PM Shehbaz Sharif ne Azerbaijan-Armenia peace deal par President Aliyev ko mubarakbad di. Dono ne phone par aman aur taawun par baat ki. PM ne US President Trump ke kirdar ko bhi saraha. Aliyev ne Pakistan ke support ka shukriya ada kiya aur dono mulkon ke darmiyan trade aur connectivity barhane par zor diya.
Arij Fatyma Ne Apna Rare Cancer Diagnosis Apne Fans Ky Sath Share Kiya
Arij Fatyma ne apni rare aur aggressive cancer, choriocarcinoma, ki tashkhis ka izhaar kiya hai. Yeh cancer molar pregnancy ke baad hota hai aur bohat tezi se phailta hai. Arij ka cancer jaldi pakra gaya jo unke liye bari blessing hai. Unho ne sab ko regular checkup aur jaldi treatment ki salah di hai taake sehat barqarar rahe.
Karachi Transporters Ka Protest Hukumat Se Baat Cheet Ke Baad Khatam
Karachi mein transporters ka protest Sindh hukumat se baat cheet ke baad khatam. Rashid Minhas Road hadse mein bhai-behen ki maut par awaam ne 7 dumpers jala diye. Hukumat ne muawza dene, burnt dumpers repair karne aur safety steps ka wada kiya. Dumper owners ko 15 din mein cameras, trackers lagane ka hukum.
India Ki Vaccine Supply Delay, Pakistan Ka UNICEF Se Rabta
Pakistan ne UNICEF se India ki taraf se polio, measles aur typhoid vaccines ki supply delay ka masla uthaya. 27 billion rupees ki 17 million doses mein 60% UNICEF aur 40% Pakistan ne fund kiya. Indian company July se delay kar rahi hai. UNICEF ne is issue ko jaldi hal karne ka wada kiya.
Islamabad Airport Band Hone Ki Afwaahen PAA Ne Rad Kardi
Pakistan Airports Authority ne Islamabad Airport ke 8 din band hone ki afwaahen rad kar di. 14 August se pehle sirf kuch dates par 2 ghante ke liye flights rukengi, baaki operations normal rahenge. Airport outsourcing mein Turkish company ka bid approve, do companies late submission par out, documents ki detail checking jari.
Balochistan Mein Blast, Jaffar Express Aur Bolan Mail Band
Balochistan mein security khatrat ke sabab Railways Minister Hanif Abbasi ne 10-15 August tak Jaffar Express aur Bolan Mail band kar di. Spezand, Quetta ke paas blast se Jaffar Express ke 5 coaches patri se utar gaye, 1 musafir zakhmi. March mein bhi BLA hamle ke baad ye service 16 din tak band rahi thi.
Saudi Aurat Ne Shohar Ki Doosri Biwi Ko Jigar donate Kar Diya
Saudi Arabia ke Taif mein eik aurat, Noura Salem Al-Shammari, ne apne shohar ki doosri biwi Taghreed Awadh Al-Saadi ko kidney failure se bachane ke liye apne jigar ka 80% donate kiya. Saalon ki dialysis ke baad medical tests se tissue match hua, surgery successful rahi. Is qadam ko be-misaal selflessness ka example kaha ja raha hai.
K-Electric Ne Naya Consumer-Friendly Electricity Bill Layout Launch Kar Diya
K-Electric ne naya consumer-friendly bill layout introduce kar diya jisme saari calculations aur info eik jagah di gayi hai. Tariff ya slab mein koi tabdeeli nahi. Bill mein tariffs/taxes updates, customer details aur service notices honge. Extra pages khatam kar ke paper usage kam, e-bill subscriptions 60% barh gayi. Naya design customer feedback par mabni hai.
Karbala Mein Chlorine Leak Se 621 Zaireen Hospitalized
Iraq ke Karbala-Najaf road par water treatment station se chlorine gas leak hone se 621 zaireen ko saans lene mein takleef hui aur unhein hospital le jaya gaya. Sab ko ilaaj ke baad sehatmand ghar bhej diya gaya. Waqia Arbaeen ziyarat ke doran hua jahan lakhon zaireen Imam Hussain (R.A) aur Hazrat Abbas (R.A) ke mazar par hazri dete hain.
Karachi 2025 Traffic Accidents Mein 536 Log Halak
Karachi mein 2025 mein ab tak traffic accidents mein 536 log halak ho chuke hein, jin mein 60 trucks se related, 20 dumpers se, 44 water tankers, 6 oil tankers, 25 buses, 11 mini buses aur 58 cars ke accidents shamil. Rashid Minhas Road par dumper ne bhai-behan ko kuchal diya, gusse mein logon ne 7 dumpers jala diye.