Amir Liaquat Se Bara Showman Pakistan Mein Paida Nahi Hua, Tabish Hashmi
Tabish Hashmi ne eik podcast mein kaha ke Aamir Liaquat se bara showman Pakistan mein paida nahi hua. Unko asli trendsetter qarar dete hua bataya ke unhone apne unique style, zabardast energy se TV py show karne ka andaz hi badal diya. Hashmi ke mutabiq Aamir Liaquat ne entertainment industry ke liye naye standards set kiye.
IHC Ne Dr Aafia Case Ke Liye Bara Bench Banaya
IHC ne Dr Aafia Siddiqui case par 4-member bara bench bana diya hai. Jisme Justice Arbab Muhammad Tahir, Justice Khadim Hussain Soomro, Justice Mohammad Azam Khan aur Justice Raja Inaam Ameen Minhas shamil hain. Bench Dr Fowzia Siddiqui ki behan ki sehat aur wapas laane ki petition 10 September ko sunega. Pehle single bench dissolve ho chuka tha.
Meri Maa Nay Suicide Ki Mera Baap Ky Violence Ki Wajah Se, Munawar Faruqui
Bigg Boss 17 winner Munawar Faruqui ka shocking inkishaaf unki maa ne 22 saal tak shohar ka zulm sehne ke baad zeher kha kar suicide ki, us waqt Munawar sirf 13 saal ke tha. Do saal baad walid ko stroke hua aur 11 saal bed par guzare. Munawar kehte hain maaf karna hi unki strength bana.
Annabelle Doll Ka Raaz? Ghost Hunter Dan Rivera Dead Halat Mein Mile
Haunted Annabelle Doll Tour ke host aur mashhoor ghost hunter Dan Rivera ki maut ka sabab saamne aa gaya. 13 July ko Gettysburg ke hotel room mein dead paye gaye 54 saal ke Rivera ki death cardiac issue se hui. Coroner ne kaha Annabelle doll room mein nahi thi, aur scene par koi suspicious cheez nahi mili.
Hasan Zahid Jail Se Nikal Aya Toh Wo Zaroor Mujhse Badla Lega, Samiya Hijab
TikToker Samiya Hijab ka kehna hai ke agar Hasan Zahid jail se chhuta toh wo usse badla lega. Samiya ne kaha Hasan ne use maar peet aur kidnap karne ki koshish ki, FIR ke baad bhi dhamki di. Sana Yousuf case ke baad Samiya ne distance banaya, lekin Hasan nikah papers laake zabardasti shadi karna chahta tha.
Punjab Govt 15 Din Mein Electric Taxi Scheme Shuru Karenge
Punjab govt 15 din mein electric taxi scheme shuru kar rahi hai. Scheme mein electric cars aur bikes interest-free instalments par di jayengi, khaas taur par berozgar logon ke liye. Lahore ki pehli tram Feb 2026 mein Jail Road se chalegi. December 2025 se electric buses bhi shuru, 2030 tak 80% transport electric hogi.
Saudi Arabia Traffic Law Sakht, Jail, Jurmana Aur Deport Ho Sakhta Hai
Saudi Arabia ne traffic rules aur sakht kar diye! Ab khatarnaak violation par 1 saal tak jail ho sakti hai. Ghair mulki ko nikal kar hamesha ke liye ban kiya jaega. Dobara violation par fine double hoga, teesri dafa case court jayega. Ministry of Interior ko ghair mulki nikalne ka full ikhtiyar mil gaya.
Salaried Class Sabse Bara Taxpayer, 85B July-August
FBR ke mutabiq July–August 2025 mein salaried log sabse zyada tax dene walay nikle. Is dafa 85 billion rupay tax diya gaya jo pichle saal se 15 billion zyada hai. Non-corporate employees ne 41B, corporate ne 20B, provincial ne 10.5B aur federal ne 7.6B tax diya. Real estate mein plot sales tax 92% barh kar 28B ho gaya.
Mashhoor Singer Quratulain Balouch Zakhmi Ho Gai
Pakistani singer Quratulain Balouch Deosai National Park mein brown bear ke hamle se zakhmi ho gai. Waqia Bara Pani restricted area mein camping ke doran hua. Unke dono haathon par claws aur bite marks hain, lekin halat stable hai. Incident ke baad GB Wildlife Dept ne September–October ke liye private camping par ban laga diya.
Kasur Phool Nagar Rape Aur Murder Suspect Police Raid Mein Suicide Kar li
Kasur ke Phool Nagar mein 4 saal ki bachi ka rape aur murder suspect Wasif ne police raid ke doran allegedly goli maar kar suicide kar li. Bachi ki laash eik bori mein under-construction ghar se mili thi. DPO Essa Khan ne kaha ke CM Maryam Nawaz ke vision ke mutabiq bachon aur aurton ke khilaaf abuse bilkul tolerate nahi hoga.